Папулярныя біблейскія вершы з YOWANNE 14

Падзяліцца

“Mbalekera emirembe. Mbawa emirembe gyange. Sigibawadde ng'ensi bw'ewa. Temweraliikiriranga era temutyanga.

Yesu n'amuddamu nti: “Nze kkubo, nze mazima, era nze bulamu. Tewali atuuka eri Kitange, wabula ng'ayita mu nze.

Yesu n'agamba nti: “Omutima gwammwe tegweraliikiriranga. Mukkirize Katonda, era nange munzikirize.

Naye Omubeezi, ye Mwoyo Mutuukirivu, Kitange gw'alituma mu linnya lyange, alibayigiriza byonna era alibajjukiza byonna bye nabagamba.

“Awulira ebiragiro byange n'abikwata, oyo ye anjagala. Kitange anaayagalanga oyo anjagala, nange nnaamwagalanga, era nnaamulabikiranga.”

Era ndisaba Kitange, n'abawa Omubeezi omulala, abeerenga nammwe emirembe n'emirembe. Oyo ye Mwoyo amanyisa abantu amazima, ensi gw'eteyinza kukkiriza kufuna, kubanga temulaba, era temumanyi. Mmwe mumumanyi, kubanga abeera nammwe, era anaabeeranga mu mmwe.

Era buli kye munaasabanga mu linnya lyange, nnaakikolanga, Kitange alyoke agulumizibwe mu Mwana. Bwe munaasabanga ekintu mu linnya lyange, nnaakikolanga.

“Oba nga munjagala, munaakwatanga ebiragiro byange.

Mu nnyumba ya Kitange mulimu ebifo bingi, era ŋŋenda okubategekera ekifo. Singa si bwe kiri, sandibagambye bwe ntyo.

Bwe ndimala okugenda ne mbategekera ekifo, ndikomawo ne mbatwala gye ndi, nammwe mubeere eyo, nze gye mbeera.

Tomasi n'amugamba nti: “Mukama waffe, tetumanyi gy'ogenda. Tuyinza tutya okumanya ekkubo erigendayo?”