Папулярныя біблейскія вершы з यहुन्ना 15

Падзяліцца

हाऊं अंगुरा री लाऊ ऊ: तुमैं ई डाल़ी। ज़ुण मुंदी बौणी रौआ लौ और हाऊं तेसदी, ता सेऊ भौरी फौल़ फौल़ा आ, कैलैकि तुमैं मुकु अलग हुइयौ कुछ़ भी ना कौरी सौकदै।

तुमै मुंदी बौणी रौ और हाऊं तुमु दी। ज़िणी डाल़ी अगर अंगुरा री लाई दी बौणी नाईं रौआ ली ता सै आपु कु नाईं फौल़ी सौकदी। तिणी ई तुमै भी अगर मुंदी बौणी ना रौआ लै ता नाईं फौल़ी सौकदै।

अगर तुमै मुंदी बौणी रौआ लै और मैरौ वचन तुमु दी बौणी रौआ लौ, ता ज़ो तुमै च़ाहा लै तेसी मांगा लै ता सेज़ौ तुमुलै हुआ सा।

तुमुऐ हाऊं नाईं च़ुनौ पर मुंइऐ तुमै च़ुनै ई और तुमै मुंइऐ छ़ांटेई कि डेइऔ फल़ आणा और तुमारौ फल़ सौदा बौणी रौआ, कि तुमै मैरै नावां कौरीऐ बाबा कु ज़ो भी मांगा लै सेऊ तुमुलै दिआ।

एथकु बौड़ौ प्यार कासी रौ नाईं कि आपणै गोश्टणा री तांई आपणै प्राण दिआ।

ज़ेज़ी डाल़ी मुंदी ज़ुड़ी ऐन्दी आ और नाईं फौल़दी, तिऐं सेऊ पोरु काटा सा। और ज़ो फौल़ दिआ, तिऐं सेऊ छ़ांटा सा ताकी सै औज़ौ फौल़ा।

मैरौ हुकम एज़ौ आ, कि ज़िणौ मुंइऐ तुमु आइलै प्यार किऔ आ, तिणी ई तुमै भी एकी दुजै आइलै प्यार कौरौ।

मैरै बाबा री बौड़ाई इणै कौरीऐ हुआ आ कि तुमै भौरी फौल़ा, तैबै ऐ तुमै मैरै च़ेलै बौणा ई।

सौच़्च़ी अंगुरा री लाऊ हाऊं ऊ, और मैरौ बाब ज़िमदार आ।

अगर कुण मुंदी बौणी नाईं रौआ लौ, ता तेस तिऐं डाल़ी बाशीऐ काटीऔ पोरु शोटाई, और सै पोरु शुका आ। और लोग तिऊं कौट्ठै कौरीयौ आगी दी ज़ाल़ा ई, और सै पोरु ज़ौल़ाई।

मुंइऐ तुमुकै एज़ी बुशै एथलै बोली ई गोई ताकी सेज़ी भौरी खुशी तुमु दी बौणी रौआ, ज़ो मुकै आ, और तुमारी भौरी खुशी पुरी हुआ।

अगर तुमै मैरौ हुकम माना लै, ता मैरै प्यारा दी बौणी रौआ लै। ज़िणौ मुंइऐ आपणै बाबा रौ हुकम मानौ आ, और तेसरै प्यारा दी बौणी रौआऊ।

एज़ी बुशु रौ हुकम हाऊं तुमुलै एथीलै दिआऊ कि तुमै एकी दुजै कु प्यार कौरा।

अगर तुमै दुनिया रै लोग रै हुआ थै, ता सण्सारा रै लोग आपणेऊ कु प्यार कौरा थै। पर एज़ी वज़ाह कु कि तुमै दुनिया रै नाईं, बल्कि मुंइऐ तुमै दुनिया कु छ़ांटी गौऐ ई, एथीलै दुनिया तुमु कु नफरत कौरा।