Папулярныя біблейскія вершы з Soane 14

Падзяліцца

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Aua na mamae okoutou loto. Kotou tui ki le Atua, ti kotou tui foki kiate au.

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Ko leia e maua ia aku fakatotonu ti e fai ia latou, ko ia leia e alofa kiate au. Ko leia e alofa kiate au, e alofa loa loku Tamana kiate ia, ti e kau alofa loa mo au kiate ia, ti e kau fakasa loa au kiate ia.

Ti ko au, e kau kole loa ki le Tamana, ti e tuku atu loa e ia kia koutou se tasi Fakapelepele, o tupu ke nofo a ia mo koutou o lee gato, le Laumalie o le maoki, leia e leaise feala ke tali e le malama nei, talie e leaise tio a ia kiate ia ti e leaise iloa e ia a ia ; kae ko koutou, e kotou iloa a ia, talie e nofo a ia mo koutou, ti e nofo loa a ia ia koutou.

ti ko nea fuli ala e kotou kole loa i loku suafa, e kau fai loa latou, o tupu ke fakakololia le Tamana i le Alo. Kapau e kotou kole se nea fua i loku suafa, e kau fai loa a ia.

Kapau e kotou alofa kiate au, kotou fai aku fakatotonu.

E lasi a nofoaga i le fale o loku Tamana. Kanapau e leai, kua kau fakasa atu a ia kia koutou. E kau ano o teuteui se nofoaga kia koutou.

Ti ka kau ano loa, ti ka kau teuteui loa se nofoaga kia koutou, e kau toe liliu mai loa, ti e kau too loa koutou mo au, o tupu ko le ganea leia e kau nofo ai e kotou nonofo ai foki.

Na pati loa Tomasi kiate ia : Aliki, e leaise motou iloa pe ke ano kifea ; ti e feaki loa ke motou iloa le ala ?