Папулярныя біблейскія вершы з YOANE 3

Падзяліцца

Nalakena Sup̃e e dodomi maramana dapala waina e pitua ki Natuna sikedau, naga sara naata waina e saralomau asa ega ta mate puoli mau, ma ega veani namauriana waina e du mau du.

Nalakena Sup̃e e da dip̃aki lua Natuna umai paki maramana naga ega vasa p̃otae maramana mau, ma e dip̃aki lua e umai naga maramana ega vei tea mautipauriana pae asa.

Yesu e pasa dara po noa ki nia, e naga, Lomau, lomau, a noa ki‐go, Te naata sikai e pe ta pakilina pau mau, e pe ta mari atae punusi namarakiana ki Sup̃e mau.

Tea waina e saralomau asa e da pei tea vasap̃otaeana mau: tea waina e da saralomau mau e po pei tea vasap̃otaeana sua, nalakena e da saralomau nagisa ni Sup̃e Natuna sikedau mau.

Go tea waia e pei navasap̃otaeana, naga namarama e po umai paki maramana, go naatam̃oli maga eu dodomi p̃arua ki namaligo, po dodomi kiki ki namarama; nalakena nawosiana adeada maga e sa.

E one asa one naga nae ega risu po p̃arua, ma e one au one naga aga risu po kiki.

Nalakena sara naata waina e do mari naleo sa e pilosi namarama, go e da umai paki namarama mau, naga nawosiana aneana maga ega ta pei tea maramap̃aiana mau.

Tea waina e saralomau Natuna e peani namauriana waina e du mau du; ma tea waina e da saralomau Natuna mau ega wo da punusi namauriana mau, ma namaetoana ki Sup̃e e doko asa doko.

Go dapala waina Moses e sike m̃aata pakilagi masop̃alo, dapala nogoe e one naatam̃oli Natuna one naga ega vei tea sikeana pakilagi

Tamana e dodomi Natuna, go e pitua ki naleo maga mamau puti paki nam̃elearuna.