Папулярныя біблейскія вершы з Ubutukilo 3

Падзяліцца

Pwo yamona ngwenyi, mutondo uze unabeme, ni mihuko yawo nawa yinabeme ha kulia. Yanyonga nawa ngwenyi, chili chibema ha kubwa ni mana. Kashika yahela ko mihuko, yalia. Mba yahana Chihanda kuli lunga lienyi, lunga neye yalia.

Hakachi ka tushitu eswe waze atangile Mwene Zambi, kapela yabwa mukwa kukanyama kuhiana. Neye yahula pwo ngwenyi: “Kuma chamwenemwene Zambi kanakamba ngwenyi, kanda nulia ku mitondo ya mu munda, nyi?”

Yena kapela ni pwo munukabwa akwa kole. Vungu lie ni vungu lia pwo mulikabwa akwa kole. Mulikafupa mana akukushihila ku mutwe, ni yena muukafupa mana akumusumina ku kashi jino.”

Mba yambila pwo ngwenyi: “Yibikalo yinji muukabwa nayo muze muukabwa ni ufumba, ni yikola yinji ha kusema. Hindu muukevwila lunga lie usona, neye makakuyula.”

Matukuta anji muukasapangana, muukahondangana ha kulima hashi ndoo muukahiluka ku mavu kuze nakuchijile. Ku mavu wakatukile kwenako muukahiluka nawa.”

Yambila nawa Samutu ngwenyi: “Wabanjikanga mukwenu pwo ha kulia mihuko ya mutondo uze nakukanjishile ngwami, mavu kaashingiwa. Ha matangwa eswe a mwono we muukahondangana ni kulima, mba ukabwe ni yakulia.

Zambi yamuhula ngwenyi: “Iya yoze wakulwezanga ngwenyi, uli uselesele? Hiwalia muhuko wa mutondo uze nakukanjishile ngwami, kanda uyilia, nyi?”

Mba ku sali lia chivumbuko lia munda wa Edene, yasa ko akwa mwono a mwilu ni mukwale wa mulengi wa kahia wakutalikisa ku majila eswe, ha kujika jila ya ku mutondo uze wakuhana mwono.

Mba Samutu yaluka pwo lienyi ngwenyi, Namutu, mumu iye naye ya atu eswe.