Папулярныя біблейскія вершы з ỊJỌN 12

Падзяліцца

Ọng myị́ ọng ọlẹ kọ juwa tịtọ kọ ka myị ẹrụ ham nya ịlẹhị-ịlẹhị lẹ aalẹ, ọngọọwa ka ba abwẹla ọnyịịla ọhọhọ nyam jẹ pyii lẹ. Aalẹ, ẹga ọlẹ kaam ayịdang ji, ụ-ụwa, ọnchẹ nyam ọọwa a tịtị ka ji tam ịnyịnyị lẹ. Ọng myị́ ọng ọlẹ kọ tị juwa myị ẹrụ ham yẹẹyẹẹ aalẹ, Ohe Oluhye Adịda tịtị ka chị ihi ba ọngọọwa pyii ịnyịnyị.”

Ọng myị́ ọng ọlẹ ká ọhịhị nyamwụ olodehe ọlẹ á kọọ ẹhị aalẹ, ọhịhị nyamwụ ka gwọọ byi pyịyọọ. Ma, ọngọlẹ kọ tị hu ọhịhị nyamwụ olodehe ọlẹ ga ha igu chajị nya ẹla nyam lẹ aalẹ, ọngọọwa hu ọhịhị nyamwụ ju ịtọ gbe ọhịhị ọmyịmyị-ka lẹ.

Nya ịlẹhị-ịlẹhị, m byinu yẹkẹẹ, ẹjẹ nya ịrayịsị ọhẹ-lọhẹ á ka jẹ́-ẹ chị ọnyị da ịlọmwụ u-uhye myị́ kaka. Kẹnẹ-kẹnẹ, ó ri kị ya tọ ị-ịpyị kpá, kọ wọwọ ta ẹpwụ nya ịpyị, kọ bwu kpehe kpá ene lẹ, mẹ ịnyị! Ma, ụka ká ẹjẹ ọọwa á tị gbu ịnyị kpá lẹ, ọ kaa nwa kaka nwụ́, ju ajẹ lụmẹ-lụmẹ chị ba ịlọmwụ lụka ohyẹẹkpẹ myị́ lẹlẹ.

Am ayịdang a ri otinika o-hu ahịgboo nya ọhịhị nya Ohe Oluhye ha alodehe lẹ. Chajị ká ọng myị́ ọng ọlẹ kọ myị lam lẹ, ká ọngọọwa á tụtụm ka myịmyị-ị̀ hi juwa ẹ-ẹpwụ nya ukpowu pyịyọọ kaka.

Ọng myị́ ọng ọlẹ kọ wo ẹla nyam, kọ tị myị myị la ẹla nyam ọọwa ka aalẹ, ám la ịlọm a juwa ka la ọngọọwa eje ka! Chajị, ḿ warị wẹ odehe ọlẹ nyọka la alodehe eje ka. Ma, m warị kam ka chị alodehe ọlẹ da ịnyị!

Ịnyị, iMeri a kpa ida ochoru kwọkwọ ọnyịịla ọlẹ kọ la ịnya lụmẹ kị wụrụ “ịnaadị” kele kaka yẹ hụ iJisọsị a-ata lẹ, ọ juwa kpa inyi nyamwụ yịlaa lẹlẹ.

Ọọwa lẹ, iru nya angịịwa a kele kaka hụla abajị nya ịrị ịlapwụ-lapwụ, kpa kele kaka tọ iJisọsị ụ-ụgbẹyị lẹlẹ. Ịnyị, ị juwa da owiwiyi ọtụka-ọtụka ụ-ụwa yẹkẹẹ, “Osana! Ahị ọwawa ọtụka a juwa hang ahụ ọngọlẹ ká wẹẹ warị la ẹnyị nya Ọngọlahị Ohe Oluhye! Ahị ọwawa ọtụka a juwa hang ahụ Adịrahụ nya ala Isirẹlụ wuu.”

IJisọsị wẹ byaa yẹkẹẹ, “Ọlẹẹlẹẹ kpangga a ri ụka nya awa ọlẹ kị ka kpa chị ụmụmẹ ọlala nya Ọnyị nya angịnyị ehe ọlẹ ehe lẹlẹ.