Папулярныя біблейскія вершы з ỌMWỤ ỌDADA 24

Падзяліцца

Ụka ọọwa, ọnchẹ ọọwa raabwọ ha Ohe Oluhye ụ-ụwa yẹkẹẹ, “Amkpaa, ahụ Ohe Oluhye nya ayịbam Ebiraham, chuchuu dam ụbwọ ká ẹdịyẹ nyam ọlẹ a ju egbeju ham ẹgẹlẹ alẹ. Ká mẹ ọháha ọnahị nyang jẹ u-uhye nya ayịbam Ebiraham jaabwọ ká myị ọnụ họọ ene-ene mẹ.

Lẹ, aa chuchuu, ká họ kam ka jẹ ọnyị ọnyang ọlẹ kọ ka ri ahụ nya Ayịsiki datị bwula ang o-ju ẹjẹẹ ọlẹ mẹ. Ọnyị ọnyang ọnyị myị ọnyị ọlẹ kam bịlẹ enyi ọnwanwa byoo yẹkẹẹ, chuchuu, hiri enyi nyang kpẹẹ ham kam nwa chẹẹ mẹ, kọ myị ya enyi ọọwa ham nwa, kọ myịmyị yẹkẹẹ, ọwa ayịdang nyị ka chị́ enyi ha anyịrẹ-kamẹlụ wuu nwa ịnyịnyị lẹ aalẹ, ká ọnyang ọọwa a ri ahụ ọlẹ ká chụ ha Ayịsiki mẹ. Ó-ri ká họ ịnyị ham ịnyịlẹhị lẹ aalẹ, am ayịdang ka jẹ yẹkẹẹ, ahụ Ohe Oluhye ayịdang a ri ọngọlẹ ká kaa họ ọnụ ọmyịmyị nyang jịra ha Ebiraham wuu ịnyịlẹhị lẹlẹ.”

Ayịsiki kpa iRibeka kaka ju u-ube nya ọdụ ọlẹ kọ ri ube nya iSera ịnamwụ ene-ene. Ọọwa lẹ, iRibeka a ri ahụ nya Ayịsiki lẹlẹ. IRibeka há Ayịsiki lụmẹ. Ahụ oyeye nya Ayịsiki ọlẹ kpọ́ọ ẹjẹ, gwoo ahị gboo hi ida ọbaba chajị nya igu nya iSera ịnamwụ.

Ụka ọlẹ ká iRibeka juwa ka rụ, alẹpwa nyaa wuu họ pyẹ̀ẹẹ kụrwọọ. Ị byoo yẹkẹẹ, “IRibeka, ọnyịnahị ee, à ka pyẹẹẹ. À ka gu anyị ju ịlọng lala ụgbọ. À ka ma anyị ụnụnụụnọ da ụnọ. Anyị ịtụma nyang ka kụrụ aluji nyaa chẹẹchẹẹ, nu ọpyị nyaa la.”

ká nwa iro ham lẹnyị nya Amkpaa Ohe Oluhye nya epwoohe bala odehe mẹ. A ka nwa iro ọọwa yẹkẹẹ, ọwa nyị́ ka ye ahụ ha Ayịsiki bwu ọpyị nya ala iKenan ẹga ọlẹ kahị kụ lẹẹ lẹẹlẹẹ ka. Ma, ọdọdẹpwa nyahị ọ-ọpyị nya ala iMesopotemiya nyahị pyii, ọwa nyaa ka ye ahụ ha Ayịsiki bwu lẹ.”