Папулярныя біблейскія вершы з ỌMWỤ ỌDADA 18

Падзяліцца

Ebiraham ee! Anụ mẹ ká ịngịngịhyẹ chị Amkpaa ayịdang ọha la ọhọhọ? Ánụ́ jẹ ka aalẹ, ụka kọ ka pwụ ịhwọngkịla amachanyị ịịlẹ kpá, am ayịdang juwa ka mwẹẹkpẹ warị wẹ ẹga nyanụ jaabwọ kam ya jenu ene-ene. Ụka ọọwa, iSera ayịdang ka jẹnyị ma ọnyị ọlẹng pyii lẹ.”

Ụka ká iSera juwa mẹ irya chajị nya ẹla nya ọnyị ọmama nyaa ọọwa, ọ lọọ ahịbwuu lụmẹ. Ọ juwa hụlọ ẹhụ la ịlọmwụ-ịlọmwụ juwa yẹkẹẹ, “Ọlẹ kaam bala Ebiraham ayịbam chị okwirichi kpá kụnyẹ-kụnyẹ wuu lẹ, ahị ka jẹ-ẹ ma ọnyị myị wẹẹ lẹ? Kaam ayịdang á họ ịpyọ la alẹng ọhẹ alẹ kaka lee ayịbam ayịdang ọ-ka ka ẹga nya ọnyang ọhẹ myị alẹ kaka ịnyịnyị.”

Chajị alụma nya Ebiraham ayịdang wuu ka ri alụpwọma ọtụka-ọtụka ọnyọọngịrị ị-ịlahị wẹẹ. Chajị bwu ẹga nya Ebiraham ọwẹ, am Ohe Oluhye ayịdang a ka wahị kụrụ alepwoja la datị-datị nya odehe ọlẹ wuu lẹ.

Ụka ọọwa, Ebiraham myịmyị tụ ju Amkpaa chwẹẹ gụ olene-ene. Ọ byoo yẹkẹẹ, “Amkpaa ee! A ya ká ka ta angịlẹ kị ji ẹpwụ nya ẹla onyobyi ọhọhọ-ka ayịreji kpịlọ bala angịnyị inyibyi lẹ?” Ebiraham bịlẹ Amkpaa yẹkẹẹ, “A ya kọ ri ká ye alabwẹla ọnyịịla lala angịnyị angị iwo ịrụ (50) ụ-ụwa ị-Sọdọm, á ka chajị nyaa, āà hịnyọhi alepweji ọwẹ myị wẹẹ ka Adam?

Amkpaa wẹ byoo yẹkẹẹ, “Ó-ri kam ka ye alabwẹla ọnyịịla lala angịnyị angị iwo ịrụ (50) ụ-ụwa ị-Sọdọm ị-ịlẹhị aalẹ, Am ka hịnyọhi alụwa chajị nya angịịwa.”