Папулярныя біблейскія вершы з Marcos 4

Падзяліцца

Ča Jesus ure turagojedo. Nono mako rakare bakuruji. Akore: – Akaguru akedudo! Nono makore poboji. Akore: – Akaba aporudo pugeje! Dukodire nou bakuru akedure rugadu. Nou pobo butugugodure jamedu. Nono Jesus makore nou ture jorduwadowugei. Akore: – Kodiba tabagudugodure? Kočare tameartorukare i na?

Mare epagudugodure rugadu. Nono emagore pui. Egore: – Duboba nure awu imeduče? Kočare bakuru, pobo emeartorure awu Jesus bataruji rugadu!

Mare Jesus unudure toro nou ika kurireu upo keje. Aora padure takudau keje. Ča ure jorduwadowuge ere Jesus jetadudo. Egore: – Čegimijera! Akaidure pawiwo? Pawimode!

Nono Jesus makore ei pugeje. Akore: – Taipaga pemegado tameardure jiboeji. Tagaiwomode boe eroji ero pegamode dubagai dukeje Pao Kurireu aiwomode taro pegareu bagai jamedu. Tagaidumode boe pegawo boei ero pegareu moriče dukeje Pao Kurireu umode boe pegado tai rugadu taro pegareu moriče.

Jesus makore boei pugeje. Akore: – Boe eimijera kurireu nure Pao Kurireuče rugadu. Meartorure jiwuge emagamode rugadu. Mare boe erduwakare meartorumode jiwugei meartorumodukare jiwugei jamedu. Imode tarduwado nou inoduji bakaru tabo. Imedu ure boe a tugu mototo mare jorduwakare botumodewugei botumodukareugei jamedu. Ure boe a roto ja ja moto joki. Nono nudure boečoji. Nou barogwato ure tie bu. Ure tuguwu boe a boture mare imedu jordukare ji mototo. Jorduwakare nuba nou boe a rore tuwoduwo.

Taipaga pemegado iwadaruji.