Папулярныя біблейскія вершы з Marcos 16

Падзяліцца

Dukodi čare makore ei pugeje. Akore: – Tadudo moto jamedu boe parugajeje tawo boe eiamedu boe ewie iwadaru pemegareuji.

Imode meartorure iwuge ero rakado. Emode bope doge etuwaire etawuje boe epiji. Mare turaga tabo karega. Ikie tabore imeardae tabore eroino. Emagomode boe tuginaiwuge ewadaruji jamedu. Boe erdumode eroino duji dukeje erduwamode iragojere ebo duji. Emode tugeragu awagei mare boe pegamodukare ei. Ekudumode jorubo pegareuče mare boe pegamodukare ei. Emode tugera bu kogodureuge ewugeje dukeje nou kogodureuge epemegagodumode jamedu.

Imode meartorure iwuge eiamedu boe ekinorudo. Emeartorumode i dukeje etao pegododumode dukeje imode ekinorudo. Mare meartorukare iwuge imode ewarigu boe pegareuto.

Nou Jesus ure jorduwadowuge emagore Jesus bataru pemegareuji boe eiamedu boe ewiagai moto jamedu boe parugajeje. Pagimijera Jesus ure ero rakado. Dukodi čare boe erduware boe jokodu jirabodu boe egoino.

Nou iparedu makore ei. Akore: – Tabagudukaba. Iorduware kaba bagaiba taroino taemaru tabo. Tagaiwonure Nazaré pijiwu bitodureu Jesus bagai. Ča rakojekare woe pugeje. Tagaiwodo padure kejewu toriji. Jewodure pugeje.

Epuredugodure dukeje emagore pui. Egore: – Nuba paromode pawo nou tori poro jado? Tori kurireu padure nou tori poro je keje. Paragakare pawo nou tori kurireu tawuje nou tori poro piji. Etaregodure dukeje etaiwore mare nou tori kurireu padukare nou tori poro je keje pugeje. Dukodire ere turemo nou tori poroto rugadu. Nono erdure ia ipareduji. Mugure nono nou tori poro ja tada. Ukudau areia kigadu maere ji rugadu. Dukodire čare epagudugodure nou ipareduče.