Папулярныя біблейскія вершы з Mathiơ 6

Mathiơ 6:33

Chru

Bloh dơlhơu biă, tui duah bĕ lơgăr Yàng Pô Lơngì sơ̆ng pơnuaĭ rĭng-tơpă Pô, bloh nư̆n Pô rơŭ brơi pơtơ̆l tơ buơl guhã tơgrơ̆ pơnuaĭ nư̆n rơi.

Параўнаць

Даследуйце Mathiơ 6:33

Mathiơ 6:34

Chru

Yơu nư̆n, buơl guhã juơi sơnư̆ng kơ-ù mư̆ng hơrơi bơgi; kơyoa hơrơi bơgi rơŭ sơnư̆ng-rơc̆ăng mư̆ng bruă hơrơi bơgi. Pơnuaĭ gleh-glăr hơrơi lơi tơ̆l tơ hơrơi nư̆n.”

Параўнаць

Даследуйце Mathiơ 6:34

Mathiơ 6:25

Chru

Kơyoa nư̆n, Kơu đờm sơ̆ng buơl guhã: Juơi kơyoa mư̆ng pơnuaĭ hơdiŭ drơi bloh sơnư̆ng kơ-ù păl 'bơ̆ng hơgĕ, mơñŭm hơgĕ; juơi kơyoa mư̆ng rùp-phàp bloh sơnư̆ng kơ-ù păl c̆ù hơgĕ. Pơnuaĭ hơdiŭ 'buh c̆ơk-màng rơlau tơ phơ̆n 'bơ̆ng, rùp-phàp 'buh c̆ơk-màng rơlau tơ khăn-ào c̆ù ơu?

Параўнаць

Даследуйце Mathiơ 6:25

Mathiơ 6:6

Chru

Bloh tŭ hã iơu-lài, tơma bĕ lăm adŭ, krơ̆ bơh 'băng wơ̆, bloh nư̆n iơu-lài sơ̆ng Ama hã, Pô dò lăm anih tơrđơŭ-tơrđe; sơ̆ng Ama hã la Pô 'buh lăm anih tơrđơŭ-tơrđe, rơŭ brơi phơ̆n mơyòm-brơi tơ hã.

Параўнаць

Даследуйце Mathiơ 6:6

Mathiơ 6:9-10

Chru

Yơu nư̆n, buơl guhã iơu-lài bĕ yơu ni: ‘Khoai Ama buơl dơlhă dò tơ ngŏ lơngì; Angăn Ama hũ Sơc̆ih-Sri; Lơgăr Ama truh, Hơtai Ama hũ jiơ̆ng, lăm ala lơ̆n kŭng yơu tơ ngŏ lơngì.

Параўнаць

Даследуйце Mathiơ 6:9-10

Mathiơ 6:11

Chru

Yòng brơi buơl dơlhă hơrơi ni phơ̆n-kơya 'bơ̆ng tơ̆l hơrơi.

Параўнаць

Даследуйце Mathiơ 6:11

Mathiơ 6:12

Chru

Yòng anĭt toh-luơi glài-sơnoh tơ buơl dơlhă, Yơu buơl dơlhă kŭng anĭt toh-luơi tơ du mơnih hũ sŭng glài sơ̆ng buơl dơlhă.

Параўнаць

Даследуйце Mathiơ 6:12

Mathiơ 6:13

Chru

Yòng juơi luơi buơl dơlhă kơđòng pơnuaĭ pơluơ-ơñiai, Bloh dŏng buơl dơlhă klàh mư̆ng pơnuaĭ mơsak-jơhà! (Kơyoa lơgăr, gơnăp-gơnuăr, sơ̆ng màng-kơc̆rà, dò abih găm sơ̆ng Ama rài pơdò rài 'buh luĭ. Amen.)’

Параўнаць

Даследуйце Mathiơ 6:13

Mathiơ 6:14

Chru

Kơyoa yah buơl guhã anĭt toh-luơi tơgrơ̆ pơnuaĭ sŭng tơ aràng, nư̆n Ama buơl guhã dò tơ ngŏ lơngì kŭng rơŭ anĭt toh-luơi tơ buơl guhã.

Параўнаць

Даследуйце Mathiơ 6:14

Mathiơ 6:26

Chru

C̆ơ bĕ jơi c̆ĭm lơngì. Guñu 'buh drà, 'buh yuă, kŭng 'buh pơtòm-pioh lăm bŭng, nư̆n bloh Ama buơl guhã tơ ngŏ lơngì sơđaŭ ròng guñu. Buơl guhã 'buh c̆ơk-màng rơlau tơ jơi c̆ĭm ơu?

Параўнаць

Даследуйце Mathiơ 6:26

Mathiơ 6:19-21

Chru

“Buơl guhã juơi pơtòm-pioh tơ drơi du phơ̆n-bơna lăm ala lơ̆n, la anih hũ mŏ-koh, tơ̆ng-reh, đĭ 'bơ̆ng ngă lơhiă sơ̆ng mơnih blơ̆ 'bloh dơrñàng bloh mă. Bloh păl pơtòm-pioh bĕ tơ drơi du phơ̆n-bơna tơ ngŏ lơngì, la anih 'buh hũ mŏ-koh, tơ̆ng-reh, đĭ 'bơ̆ng ngă lơhiă, sơ̆ng kŭng 'buh hũ mơnih blơ̆ 'bloh dơrñàng bloh mă. Kơyoa phơ̆n-bơna buơl guhã dò anih lơi, nư̆n hơtai-hơtiàn buơl guhã kŭng dò anih nư̆n.”

Параўнаць

Даследуйце Mathiơ 6:19-21

Mathiơ 6:24

Chru

“'Buh aràng sơi hũ rơgơi ngă hơlŭn dua aràng pô, kơyoa rơŭ mơbai mơnih ni bloh rơnăm mơnih dih, halài rơŭ c̆ơ prŏng-màng tơ mơnih ni bloh c̆ơ 'buh sơ̆p tơ mơnih dih. Buơl guhã 'buh rơgơi găm duh bruă Yàng Pô Lơngì bloh găm duh bruă jền-priă jiơ̆ng.

Параўнаць

Даследуйце Mathiơ 6:24

Mathiơ 6:30

Chru

Yơu nư̆n, ơ du mơnih tơkì pơnuaĭ păng-tui dih, yah jơi bơnga-rơ̆ lăm 'blàng hơma, la jơi ni dò hơdiŭ bơgi prah lăm gìng, bloh Yàng Pô Lơngì dò brơi guñu c̆ù mơkrư yơu nư̆n, tơ-ài la buơl guhã!

Параўнаць

Даследуйце Mathiơ 6:30

Mathiơ 6:3-4

Chru

Bloh tŭ hã ngă bruă siàm anĭt-dŏng, juơi brơi tơngàn gah ơñiau thơu tơngàn gah hơnuă ngă hơgĕ, tô bruă siàm anĭt-dŏng hã ngă hũ tơrđơŭ-tơrđe; sơ̆ng Ama hã, la Pô 'buh lăm anih tơrđơŭ-tơrđe, rơŭ brơi phơ̆n mơyòm-brơi tơ hã.”

Параўнаць

Даследуйце Mathiơ 6:3-4

Mathiơ 6:1

Chru

“C̆ơ-kơrmăp bĕ, tŭ ngă bruă siàm anĭt-dŏng, juơi mĭn tô ràng-pơmơyeh tơ anaŭ tơgrơ̆ mơnih. Yah 'buh ơu nư̆n, buơl guhã rơŭ 'buh hũ phơ̆n mơyòm-brơi hơgĕ mư̆ng Ama buơl guhã dò tơ ngŏ lơngì ơu.

Параўнаць

Даследуйце Mathiơ 6:1

Mathiơ 6:16-18

Chru

“Tŭ buơl guhã wèr 'bơ̆ng, juơi ngă 'bò mơta jruh-jrui yơu buơl mơnih hơtai-hơtiàn mơthĭ-lơ̆r, kơyoa buơl guñu khiăng ngă 'bò mơta yơu nư̆n tô tơgrơ̆ mơnih thơu buơl guñu wèr 'bơ̆ng. Iơŭ biă, Kơu đờm sơ̆ng buơl guhã, du mơnih nư̆n hũ đồ-mă phơ̆n mơyòm-brơi buơl guñu bơjơ. Bloh tŭ hã wèr 'bơ̆ng, lŭ bĕ mơñà tơ akŏ, sơ̆ng pài goh 'bò mơta, tô aràng 'buh thơu hã dò wèr 'bơ̆ng, bloh mĭn Ama hã, la Pô dò lăm anih tơrđơŭ-tơrđe; sơ̆ng Ama hã, la Pô 'buh lăm anih tơrđơŭ-tơrđe, rơŭ brơi phơ̆n mơyòm-brơi tơ hã.”

Параўнаць

Даследуйце Mathiơ 6:16-18

Папулярныя біблейскія вершы з Mathiơ 6Падзяліцца

Бясплатныя планы чытання і малітвы, звязаныя з Mathiơ 6

Папулярныя біблейскія вершы з Mathiơ 6