Папулярныя біблейскія вершы з Rkaa̱ 14

Падзяліцца

–Tsi tjín káꞌá xota̱ xi mejeén ko̱e̱je̱tji̱ngina, kó tsi ꞌniú tjó ngasee̱ na̱ꞌmii̱, ko̱jo na̱aa̱n, ko̱jo chjo̱ón, ko̱jo ndií, ko̱jo ntsꞌi̱e̱, ko̱jo ndichja, ko̱jo ngaskande yojoo̱, ka̱májín xota̱na ka̱ma.

Kó xi mejénjiín nga ko̱a̱ꞌa̱ kroo̱, sꞌe̱ ko̱e̱je̱tji̱ngina, ka̱májín xota̱ tsa̱ꞌa̱n ka̱ma.

Ngatꞌa̱ ta̱ꞌyaní xi je kꞌo̱xié yojoo̱, ni̱ma̱kjo̱a̱ si̱ꞌanjo̱, kó xi ni̱ma̱kjo̱a̱ kꞌo̱xié yojoo̱, kuí xí je ko̱ꞌna̱xié.

Bo̱a̱ tsꞌén, ta̱ꞌyaní jún xi tjónjín kꞌuijñámasienjnú ngayeje ni xi tjínjnú, ka̱májín xota̱na ka̱majnú.

ꞌYá jún xi tsi ngo tarié si̱ꞌandajnú, nga tjónjín xchísónjnúu̱ kótjín to̱n kjo̱jo, tsi̱ꞌe̱ nga xcha̱jnú tsi kjo̱chóꞌá ko̱jo tsi jmí. Tsi̱ꞌe̱ nga tsi ta̱ ngije ítsꞌi̱yanii̱ xoó, kó tsi ka̱mando̱jojiín, ngayeje xotaa̱ ko̱jno̱kiejnú, nga bi̱ ka̱tso̱: “Kui nda̱a̱ ítsꞌi̱yanii̱ nga katsꞌénda ngo tarié, kó kamándo̱jojiín.”

Ta̱sá kjiꞌanga ngo sꞌué si̱ꞌin, tꞌíyée̱ xota̱ ni̱ma̱a̱, ko̱jo xota̱ xi ni̱ma̱ tsja, ko̱jo xota̱ xi májín fí, ko̱jo xota̱ xi ti̱ka̱, kó achichí tsjangatamaa̱, ngatꞌa̱ kui xotaa̱ ka̱májiín ku̱i̱ꞌíchjií, ta̱nga kjiꞌá boá nga ka̱machjií, kjiꞌanga kjo̱a̱ꞌáꞌyaá xota̱ xi kixi̱i̱.

Nda na̱xa̱a̱, ta̱nga tsi ngiti̱ ndiajín ka̱ma, kótsꞌèn ka̱mandia nginí. Ta̱sá ku̱i̱chíjmi ngatꞌa̱ ngiti̱ ka̱machjiénjín tsi̱ꞌe̱ orjnoo̱, ti̱nde tsi̱ꞌe̱ nga ka̱ma kꞌuití yeꞌee̱ cho̱o̱. Xi tjín tji̱bo̱a̱nijon nga ku̱i̱ntꞌiè, ngatasiénníjón kui eén.