Папулярныя біблейскія вершы з IOANE, 15

Падзяліцца

O a‘u nei o le vine, o la outou. O lē tumau ia te au, ma a‘u ia te ia, o ia lava e fua tele mai; auā e le mafaia e outou ona fai o se mea e tasi pe a a‘u le i ai.

Ina tumau ia o outou ia te au, o a‘u foi ia te outou. Faapei o le la e le mafai ona fua pe a na o ia, pe afai e le mau i le vine; a faapea foi outou, pe afai tou te le tumau ia te au.

Afai tou te tumau ia te au, a tumau foi a‘u upu ia te outou, o mea uma lava tou mananao i ai, tou te ole atu ai, ona faia lea mo outou.

Ua le filifilia a‘u e outou, a ua filifilia outou e a‘u; ua ou tuuina atu foi outou, ia outou ō, ma ia outou fua mai ni fua, ma ia tumau o outou fua; ina ia foaiina atu ia te outou e le Tamā mea uma lava tou te ole atu ai ia te ia i lo‘u igoa.

E le sili lava le alofa o se tasi i lenei alofa, ia tuuina atu e se tasi lona ola e sui a‘i ana uo.

O la uma lava o ia te au e le fua, e aveeseina o ia; a o la uma e fua, e teuteu e ia, ina ia fua mai ai atili.

O la‘u poloaiga lenei, ia outou fealofani, pei ona ou alofa atu ia te outou.

E viia lo‘u Tamā i lenei mea, pe a outou fua tele mai; ona fai ai lea outou mo‘u soo.

O a‘u nei o le vine moni, a o lo‘u Tamā o lē galue vine ia.

Afai e le tumau se tasi ia te au, ona lafoaiina lea o ia i tua pei o le la laau, ma faapopoina, ona faapotopotoina ai lea e tagata, ma lafo i le afi, ua susunu ai.

Ua ou fai atu nei mea ia te outou, ina ia tumau ai lo‘u olioli ia te outou, ia atoatoa foi lo outou olioli.

Afai tou te tausia a‘u poloaiga, ona tumau lea o outou i lo‘u alofa; pei ona ou tausia poloaiga a lo‘u Tamā, ma ou tumau i lona alofa.

Ou te fai atu ia te outou ia mea, ina ia outou fealofani.

Afai a ni tagata o le lalolagi outou, po ua alofa mai le lalolagi i ona tagata; a e le ni o le lalolagi outou, a ua ou filifilia outou nai le lalolagi, o le mea lea e ‘ino‘ino ai le lalolagi ia te outou.