Папулярныя біблейскія вершы з Māteo 11

Падзяліцца

»Te nuꞌu taꞌatoꞌa rohi-rohi ꞌo te ꞌamo i te meꞌe paŋahaꞌa e oho mai ki a au; māꞌaku e haka kore i te rohi-rohi.

E aŋa tāꞌaku meꞌe kī atu ꞌe e riro kōrua he nuꞌu hāpī ꞌāꞌaku. A au, paꞌi, he kope riva, taꞌe riri-riri tahaŋa ꞌe taꞌe manaꞌu i hau rō atu ki te rua. Pē ira he ŋaroꞌa e kōrua te ora.

He meꞌe taꞌe paŋahaꞌa te meꞌe haŋa ꞌāꞌaku mo aŋa e kōrua pa he nuꞌu hāpī ꞌāꞌaku».

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

He kī e Ietū: «Ka oho ka kī ki a Iovani i te meꞌe takeꞌa ꞌe ŋaroꞌa e kōrua. Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Te nuꞌu haŋa mo aŋi-aŋi ka haka topa te manaꞌu.