Папулярныя біблейскія вершы з MARCOS 4

Падзяліцца

Jajch tsꞌiin te Jesuse. La yalbe mantal te ikꞌe sok la yalbe ekꞌa te mare: —¡Chꞌenan, senan aba! —la yut. Kom tsꞌiin te ikꞌe, y ben tsaꞌam a jil. Patil la yalbe Jesus te nopojeletike: —¿Tuꞌun bayal xiꞌexe? ¿Me yuꞌun ma to ayuk xchꞌuunel awoꞌtanik? —xchi.

Pero te stukelike bayal xiꞌel ay ta yoꞌtanik. La sjokꞌobey sbaik: —¿Machꞌa wan a to, asta ikꞌ sok mar ya xchꞌuumbot smantal yuꞌun? —xchiik.

Te Jesuse wayal ta yit barko sok yichꞌoj stsꞌamjol. Te jnopojeletik la stijik y la yalbeyik: —¡Maestro! ¿Meꞌn ma yajtaluk awoꞌtan te yipalotik ta mujkele? —xchiik.

Sok la yalbe xan: —Akꞌa me ta awoꞌtanik te tut yipalex ta yaꞌiyele. Mismo te spꞌisil te tut ya apꞌisik ae, mismo jachik ya spꞌisbeyex ekꞌa te Diose, y ya me yaꞌbeyex ta mas to xan a.

Jesus la yal xan: —Te tutꞌil ya xkꞌot ta ajwalil te Diose pajal kꞌoem sok te jtul winik te ya stsꞌun tsꞌunubil ta slum. Te winike ya xway ta ajkꞌubal sok ya xjajch ta sakubel kꞌinal, y te tsꞌunubile ya xchꞌi tal lokꞌel. Te winike maꞌyuk ta naꞌel yuꞌun te tutꞌil yipal tal ta chꞌiele.

Te machꞌa ay xchikinik, a me yaꞌi —xchi te Jesuse.