Папулярныя біблейскія вершы з MATEO 28

Падзяліцца

Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue. Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

Te chꞌul ángele la yalbe te antstike: —Ma me xiꞌanik. Ya jnaꞌ te jaꞌ ya aleik te Jesus te milot ta kruse. Ma liꞌ ayukix to. Chaꞌkuxemix bael, jich tutꞌil te la yale. Laꞌ, ilawilik te ba la yakꞌik jilel te stiꞌbalule.

Te Jesuse jich a yaltalanbe: —Ma me xiꞌanik. Baanik, albeyaik te kermanotaktike aꞌ me bajtikuk te ba Galileae. Teꞌ me ya xkꞌo yilikon a —xchi te Jesuse.

Jich te statal-saserdoteetik ba snop skꞌopik sok te moletik yuꞌun te jtejklume. La yaꞌbeyik bayal takꞌin te soltaroetike, sok la stsitsik bael: —Te jaꞌexe jich me xꞌawalik: “Te tutꞌil wayalotik ta ajkꞌubal ae, tal te jnopojeletik yuꞌun te Jesuse, la yelkꞌanbeyik bael te stiꞌbalule”, xchaex me. Sok teme la yaꞌibe sluwaril te gobiernoe, joꞌotik me ya xba kꞌopojukotik awuꞌunik. Jich me makꞌ ya ata awokolik euk te jaꞌexe —xchiik. Jich te soltaroetike la yichꞌik te takꞌine y jicha lijk yalik te tut altalanbile. Te juriyoetike jich sigue ya yalbeyik skꞌoplal asta ora to.