Папулярныя біблейскія вершы з Лука 23

Падзяліцца

Исус: – Аав минь! Эднә килнцинь тәвит! Эдн ю кеҗәхән медҗәсн уга, – гиҗ сурв. Әмтн җирв хаяд, Исусин хувциг хувацхав.

Би чамд үнәр келҗәнәв, эндр өдр Нанла хамдан Бурхна садт тусхич! – гиҗ Исус хәрүднь келв.

Дәкәд: – Деед Эзн Эврәннь орн-нутгтан ирхләрн мини тускар бичә марттн, – гиҗ тер Исуст келв.

Исус: – Аав минь! Тана һарт сүмсән бәрүлҗ өгчәнәв! – гиҗ чаңһур хәәкрв. Эн үгмүдин хөөн Исусин әмн һарв.

Тедн Һавл гидг һазрур ирв. Тер һазрт Исусиг кирсд хадҗ цааҗлсмн, йос эвдсн хойр күүг бас Терүнлә хамднь кирсд хадҗ цааҗлсмн, негинь барун бийднь, наадкинь зүн бийднь.

Үдин алднд генткн цуг һазрар харңһурад, һурвн цаг күртл тиим болв. Нарн харңһурад, һол сүмин көшг хойр әңгрәд шуурв.

Энүг үзсн Римин әңгин цергин ахлач, Бурхиг магтад: – Эн күн йосн чик седклтә күн бәәсмн, – гиҗ келв.