Папулярныя біблейскія вершы з Лукаца бицараб Рохалил хабар 9

Падзяліцца

Цинги гьес киназдаго абуна: – Дида цадахъ вилълъине бокьарав чи ватани, гьес жиндирго напсалдаса инкар гьабе, жиндаго тӏаде ккараб хъанчил гӏазабги щибаб къоялъ бачче ва дида хадув вачӏа.

Щаян абуни, жиндирго гӏумру цӏунизе бокьулев чи гьелдаса махӏрумлъила, дие гӏоло гӏумруялдаса махӏрумлъизе разилъарас гьеб хвасар гьабила.

Гӏисаца гьесда абуна: – Хур бекьизе пурцил гӏоркьги ккун, нахъ-нахъ валагьулев чи Аллагьасул Парччахӏлъиялъе ярагьунаро.

Живго рецӏалие кьун яги тӏагӏун хадуб, тӏолабго дуниялалъул кверщел хъатикье щвеялъул щиб пайда бугеб инсанасе?

Дунги дир рагӏабиги сан гьаричӏев чи Гӏадамил Лъимацаги сан гьавизе гьечӏо, жиндиргоги, Инсулги, мукъадасал малаикзабазулги нуралъ гвангъун гьев вачӏунеб мехалъ.

Гӏисаца гьесда абуна: – Царал жиндирго рукӏун буго, хӏанчӏил бусен буго, амма Гӏадамил Лъимадул бетӏер бегьизе бакӏ гьечӏо, – ян.

Гьес гьезда абуна: – Цо гьадинаб лъимер лъицаниги, дие гӏоло, къабул гьабуни, гьеб бащалъизе буго дун къабул гьавиялда. Дун лъицаниги къабул гьавуни, гьеб бащалъизе буго дун нужехъе витӏарав Аллагьги къабул гьавиялда. Гьединлъидал нужеда гъорлъги бищунго гьитӏинав ккола бищунго кӏудиявлъун.