Папулярныя біблейскія вершы з Лукаца бицараб Рохалил хабар 6

Падзяліцца

Нужеца кье, – нужееги кьела. Дагьабги цӏикӏкӏун жанибе инелъун хьвагӏезабун, цинги бугӏун ва бетӏер гьабун цӏезабураб хӏалалаб сахӏалъ борцун бала нужер квенчӏелтӏе. Кинаб сахӏалъ нужеца борцаниги, гьединабго сахӏалъ борцине буго нужееги.

Лъикӏав чияс жиндирго рекӏелъ бугеб лъикӏаб хазинаялъул гъансиниса къватӏибе лъикӏлъи босула, квешав чиясин абуни квешаб хазинаялъул гъансиниса къватӏибе квешлъи босула. Ракӏ цӏун тӏасан араб гурони гьесул кӏалалъ бицунарелъул.

Нужеейин абуни нужерго тушбаби рокьа, садакъаби гьаре, нахъе щвеялъул пикру гьабичӏого къарзалъе боцӏиги кье. Гьебмехалъ кири гӏемерлъила нужее, ва Тӏадегӏанав Аллагьасул васаллъун лъугьина нуж. Жидее гьабураб лъикӏлъи лъаларезеги квешазеги лъикӏлъи гьабулевлъун вугелъул гьев.

Нужер Эменго гӏадин гурхӏел-рахӏму бугеллъун рукӏа нужги.

Нужеца чияда гӏайиб чӏваге, – Аллагьас нужедаги гӏайиб чӏваларо; нужеца тамихӏалде цӏаге, – нужги тамихӏалде цӏаларо. Нуж тӏасалъугьа, – нужедаги тӏасалъугьина.

Дихъ гӏенеккун ругел нужеда абулеб буго дица: нужерго тушбаби рокьа, нуж рокьуларезе лъикӏлъи гьабе. Нужее нагӏана кьолездаги баркат лъегиян абе, нуж къабихӏ гьаруралги дугӏадулъ рехсе

Цогидаз дуего гьабизе бокьулеб жо дуца гьезиеги гьабе.

Дур кӏаркьен чӏварасда цебе цояб кӏаркьенги ккве, дудаса чухъа-гужгат бахъарасе гурде бахъизеги квалквал гьабуге. Гьараравщинасе гьарарабги кье, кьурабги нахъе тӏалаб гьабуге.

Лъикӏаб гъотӏода тӏад турараб пихъ букӏунаро, турараб гъотӏода тӏад лъикӏаб пихъги букӏунаро.

Пихъихъ балагьун лъала гъветӏ батӏа гьабизе. Зазида тӏад инжир барщуларо, гӏинтӏидул хъархъидаса цӏибил бетӏуларо.