Папулярныя біблейскія вершы з sēnt lok 12

Падзяліцца

kistawāw māka kwayaci ayak: cikēmā anima tipaikan ita ēkā ē itēyitamēk, iyiniwikosisān kita takosin.

yayaw māka natonamok kisēmanito ot otēnawiwin, ēkosi ohi kēkwaya ki kā takonamākawināwāw.

ēkosi māka ki itēw, ayākwāmisik kanawēyimisok kahkiyaw kāsakātisiwinihk ohci: cikēmā namawiya ē mihcētiniyiki o tipēyitamowina ohci ko pimātisit ayisiyiniw.

wiya ita ayāki ki wēyotisiwin, ēkota mina kē ayāk kitēh.

ēkosi awēna kiyawāw ē mohci māmitonēyitahk, kē ki takotāt pēyak kopit pē ēskokāpawit?

ēkosi māka ki itēw o kiskinohamawākana, ēwakoci kit itināwāw, ēkāwiya otamēyitamok ki pimātisiwiniwāw, kēkway kē miciyēk; ahpo mina kiyawiwāw, kēkway kē postiskamēk.

māka kiyawāw ahpo kēstakāwāwa kistikwāniwāhk, kahkiyaw akicikatēwa. ēkāwiya māka sēkisik; awasimē kiyawāw kit itakisonāwāw ispic mihcēt piyēsisak.

ēkāwiya astāsik, kā apistēyatisiyēk cikēmā kotāwiaw isi miywēyitam kita miyikoyēk otēnawiwin.

māmitonēyimikok kāhkākiwak, namawiya kistikēwak, namawiya manisikēwak; namawiya ayāwak micimikamik ahpo astāsowikamik; ēkosi kisēmanito tēsamēw: tāniyikohk awasimē ētēyitākosiyēk ispic piyēsisak.

ēkāwiya māka natonamok kēkway kē miciyēk, ahpo kēkway kē minikwēyēk, mina ēkāwiya wawānēyitamok.

kispin māka kisēmanito isi wiyatatāw maskosiya pikwacāyihk kā ayāki anohc kā kisikāk kā ayāki, ēkosi wiyāpahk kā macostēikatēki; taniyikohk awasimē kē wiyātaikoyēk, o kiyawāw kā apistēyitākwahk ki tāpwēyēyitamowiniwāw?

cikēmā nama kēkway kā akwanaikatēk ēkā kita kiskēyitakotāhk, ahpo ē kācikātēk, ēkā kita kiskēyitakwahk.