Папулярныя біблейскія вершы з ÏOANNIS 10

Падзяліцца

U nongtuh u wan tang ban ïoh tuh, ban pynïap bad ban pynjot. Nga la wan khnang ba phin ïoh ïa ka jingim — ka jingim ha ka jingdap kyrhai jong ka.

“Nga, nga long u nongaplangbrot uba bha, uba kloi ban ïap na ka bynta ki langbrot.

Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

Nga ai ha ki ïa ka jingim bymjukut, bad kin ym ïap da lei lei ruh. Ym don uno uno uba lah ban knieh noh ïa ki na nga.

Nga, nga long kata ka jingkhang. Uno uno uba rung shapoh da nga un ïoh im; kin ïohrung shapoh bad mih shabar bad shem ïa ka jaka bam phlang.

Nga, nga long u nongaplangbrot uba bha. Kumba U Kpa u ithuh ïa nga bad nga, nga ithuh ïa U Kpa, ha kajuh ka rukom nga ithuh ïa la ki langbrot bad ki ithuh ïa nga. Bad nga kloi ban ïap na ka bynta jong ki.

Kaei kaba U Kpa jong nga u la ai ha nga ka long kham khraw ban ïa kiei kiei baroh, bad ym don uno uno uba lah ban knieh noh ïa ki na ka jingsumar U Kpa. U Kpa bad ma nga ngi long kawei.”

Nga, nga long u nongaplangbrot uba bha. Kumba U Kpa u ithuh ïa nga bad nga, nga ithuh ïa U Kpa, ha kajuh ka rukom nga ithuh ïa la ki langbrot bad ki ithuh ïa nga. Bad nga kloi ban ïap na ka bynta jong ki.

Ym don u ban shim noh ïa ka jingim jong nga na nga. Nga aiti ïa ka da la ka mon sngewbha hi. Nga don ka hok ban aiti noh ïa ka, bad nga don ka hok ban shim pat ïa ka. Kane ka long kaei kaba U Kpa jong nga u la hukum ïa nga ban leh.”

Kumta U Jisu u la ong biang, “Nga ïathuh ha phi ïa ka jingshisha: Nga long ka jingkhang jong ki langbrot.

Haba u nongbylla sngi, u bym dei u nongaplangbrot bad u bym dei trai ïa ki langbrot, u ïohi ïa u suri ba u wan, u iehnoh ïa ki langbrot bad u phet noh; kumta u suri u kynrup ïa ki langbrot bad pynsaphred ïa ki.

U Jisu u la ong, “Nga ong ha phi ïa ka jingshisha: U briew u bym rung sha ka sem ki langbrot na ka jingkhang, hynrei uba shu kiew nawei pat, u long u nongtuh bad u nonglute.