Папулярныя біблейскія вершы з 約翰 3

Падзяліцца

「因為上帝痛惜世間人，所以將佢獨一个孻仔 賜給佢等，愛使一切信佢个人毋會滅亡，反轉得到永遠个生命。

「因為上帝差佢个孻仔到世間來，毋係愛定世間人个罪，係愛通過佢來拯救世間人。

耶穌應講：「𠊎實在㧯你講，人若係無重生 ，就看毋到上帝个國實現。」

信孻仔个人毋會受定罪；毋信个人已經受定罪，因為佢毋信上帝獨一个孻仔 。

光來到世界，世間人因為自家个壞行為，毋愛光，反轉愛烏暗；佢等受定罪个原因就在這位。

佢一定會一日一日興旺，總係𠊎會一日一日衰微。」

做壞事个，全部恨光，毋愛接近光，因為驚佢个壞行為顯明出來。

信孻仔个，就有永遠个生命；毋信從孻仔个，毋會有生命，會繼續留在上帝个憤怒之下。

就像 摩西 在曠野擎起銅蛇，人子也一定愛被人擎起來，

阿爸惜佢个孻仔，已經將萬有交在厥手中。