Папулярныя біблейскія вершы з Kod 35

Падзяліцца

Ala y'a fɔ a ye ko: «Ne ye Setigi Ala ye. Ne bena deen caaman d'i ma, k'i kɔmɔgɔw caya. I bena kɛ siya faa ye, i yɛrɛ bena kɛ siya caaman faa ye. Masacɛw bena bɔ i kɔmɔgɔw la. Ne ye jamana min di Ibrayima ni Isiyaka ma, ne bena o d'i ma, k'a d'i kɔmɔgɔw ma.»

O kɔ, an ka wili ka taga Betɛli. Ne bena sarakabɔyɔrɔ lɔ Ala ye o yɔrɔ la, min ye ne ka daalili jaabi ne degunlon na, ani ka to ne fɛ ne taayɔrɔw bɛɛ la.»

Ala y'a fɔ a ye ko: «I tɔgɔ ko Yakuba. Nga i tena wele Yakuba tugu, i tɔgɔ bena kɛ Isirayɛli ye.» O la, a y'a tɔgɔ la ko Isirayɛli.

O la, Yakuba y'a fɔ a ka somɔgɔw ni a ka mɔgɔw bɛɛ ye ko: «Siya wɛrɛw ka joo minw be aw fɛ, aw k'o bɛɛ fili, k'aw yɛrɛ saniya, ka fani wɛrɛw don.

Ala y'a fɔ Yakuba ye ko: «Wili ka taga sigi Betɛli, ka sarakabɔyɔrɔ lɔ ne Ala ye o yɔrɔ la, ne min tun ye n yɛrɛ yira i la i bolituma na i kɔrɔcɛ Ezawu ɲa.»

A tun be ɲini ka sa tuma min na, a ye deen nin tɔgɔ la ko Bɛnoni. Nga deen faa y'a tɔgɔ la ko Bɛnzamɛn.