Папулярныя біблейскія вершы з Mataio 26

Падзяліцца

Zaꞌa haḡai veꞌoḡa ꞌahoga mene haḡaifine, evate radiuꞌenaꞌa, kuranoꞌi. Zamazeꞌe hube hune kuranoga urateꞌohe, rehano ahirizeꞌe inaraḡa oꞌoꞌa.”

Hena ani zinaꞌa, “Eꞌe zamahe are rudauꞌohe. ꞌAdao radadu eḡe teite evate radoꞌi.”

Ebu ani tahiḡa faḡa onamadu rahao ḡuḡureꞌenaꞌa kuraro, raenaꞌa, “Eḡe Mama, idaḡa roꞌidene eḡe mazaonoꞌo bio ꞌadi mae vaḡinoꞌi. Rehano mene eḡe ura, ḡae ura daꞌo haḡaoꞌi.”

Mazaḡa bio ꞌadi zamaḡanoꞌe eḡe ru. Eḡeꞌa vaze ḡehaḡa sauꞌaze rae modoga veize rudanadu ruheꞌa beꞌutiꞌuma. Aꞌe, Badiꞌaꞌa vaze teite ḡoitoriroteꞌe ḡoeꞌaꞌe eḡe ru hina bare idaneꞌohe.

Ze ogauꞌeteꞌe zamaḡano, Iesuꞌa beredi madu kuraro, ebu vahegadu ane tahiꞌatahiꞌa ziniro. Ebu raenaꞌa, “ꞌAdiꞌe eḡe ahiri. Madu anoꞌi.”

Ebu aniꞌa vaini vuḡa bioḡa madu kuraro, ebu ziniꞌenaꞌa ziro, raenaꞌa, “Zae niduꞌa, ꞌahi gagoꞌi.

Ebu Iesu ane tahiꞌa uḡidu vaḡe bare onairotene, ze bazuna haniziro. Ani Petero niro, raenaꞌa, “Za mada tahiḡa zuni eḡe teite mene evate radiuhehe?

E ziꞌohe, vaini vuḡa ꞌahi mene bare gagiꞌuma, izidiꞌonoꞌo onamo eḡe Mamaꞌa ibitohauꞌeteꞌe madaḡano zae teite vaini vuḡa iziga gagiꞌuma.”

Ebu Peteroꞌa Iesu ibite niroteꞌe ḡoeꞌa zamariro. Iesuꞌa raenaꞌa, “Kokorokuꞌa ꞌizema uganogano, ḡaꞌa eḡe ḡae uḡidu ꞌoꞌohiꞌuma.” Ebu ani haba ḡabiriḡa mode buanadu niau rudaro.

Iḡunadu onamihi. Ḡianoꞌi! E revoniꞌeteꞌe vazeḡa ꞌai feureha.”

ꞌOugadu Iesuꞌa niro, raenaꞌa, “Benisiḡo bare iḡuꞌano toꞌi! Benisi hina vaze matihi raeteꞌe azaḡaꞌe zeḡe zuni benisi uꞌano rudaꞌuma.