Папулярныя біблейскія вершы з Mataio 24

Падзяліцца

Vaze sauꞌaniꞌa ufeta bororuꞌeteꞌe uꞌano, vaze ḡehaḡaniꞌa zeḡe nabudize mene zamariꞌuma. Rehano iniuꞌa zamaḡa obone gigane onamo ḡonaga meine, aniꞌe ḡabone tuḡutuḡu hidiꞌuma.

Ebu Badiꞌaꞌa ibitoziniꞌeteꞌe hari manoḡaꞌe raha ꞌadi niduꞌa zamaḡano bororanadu habaꞌahabaꞌa azaḡa niduꞌa igiꞌuma. Eꞌe enogano mada ḡonaganiꞌa onaiꞌuma.

Zaꞌe uti hariḡa zu uti ḡoeꞌa nunu raꞌeteꞌe igiꞌuma, rehano ago rihanoꞌi. ꞌAhiguḡaꞌe ibite fureraꞌuma, rehano mada ḡonagaꞌe zogone mene ariꞌuma.

Habaꞌa ꞌahoganiꞌa habaꞌa ꞌahoga teite utitiꞌuma, zu gavamani ꞌahoganiꞌa gavamani ꞌahoga teite utitiꞌuma. Haba nunu zamaḡano zagaꞌa hiaꞌuma zu habaꞌa hagareteꞌeꞌa fureraꞌuma. Eꞌe niduꞌaꞌe aduga ḡadaheḡa rae reꞌuma, rehano aduga nu ize fureraꞌuma.

Adure zu rahaꞌe hauḡiꞌuma, rehano eḡe ḡoereꞌe mene hauḡiꞌuma.

Vaze ḡehaḡaniꞌa eḡe nio aradu, 'Eꞌe Keriso' rae reꞌuma. Ebu zeꞌa vazevaze tutuze veꞌoziꞌuma.

Ebu vazeꞌa za oboze teadu sausauziꞌuma, zu zimi ruziꞌuma. Eḡe uꞌano haba azaḡa niduꞌaniꞌa heꞌeheꞌeziꞌuma. Eꞌe madaḡano vaze ḡehaḡaniꞌa eḡe mazao fieꞌeteꞌeꞌa dauḡiꞌuma, revotitiꞌuma zu heꞌeheꞌetitiꞌuma. Ḡuriro peroveta azaḡa ḡehaḡa zuni iḡunadu vaze ḡehaḡa soꞌoziꞌuma.

Aniꞌa naenaeziro, raena'a, “Vazeꞌa zae mene tutuze veꞌozoga veize ḡianoꞌi.

Eꞌanoꞌo zae zuni ruhibe radoꞌi, mazaḡa eḡe, Vaze Ubugaꞌe zaꞌa mene edereꞌeteꞌe madaḡano bare onaiꞌuma.

Eꞌanoꞌo fairu ḡianoꞌi, mazaḡa za aḡuꞌa noꞌe madaḡano zae Zuhiꞌa Boroꞌa onaiꞌuma.

Rehano naniꞌa ꞌahiguḡaniꞌa fureraꞌumaꞌe emeḡe niduꞌa aḡuꞌa. Adureo tuḡure viga ebu eḡe, Badiꞌa Ubuga zuni aḡuꞌa. U eḡe Mama daꞌo edeḡa.

Mazaḡa ḡuriro kerisoḡa zu ḡuriro peroveta azaḡaniꞌa fureranadu haḡai nu badeḡa boro bagaḡa zu zaguzagaꞌuma haḡaiḡa haḡaeꞌenaꞌa, vaze soꞌoziꞌuma. Zeꞌa, Badiꞌaꞌa ohotiroteꞌe azaḡa zuni tutuze soꞌozoga idaḡa reine, ꞌougiꞌuma.

Eḡe, Vaze Ubuganiꞌa bare onaiꞌuma madaḡanoꞌe Noa madaḡa teigiꞌuma. Zobo boroꞌa izema zubuzoga madaḡano vazevazeꞌa radiunuteꞌe radoneḡano ogaunu, gaginu zu hahurinu onamo Noaꞌa ḡasi boro diuḡiro. Rehano zeꞌa naginiꞌa fureraꞌuma mene ederiro, onamo zobo boroꞌa zubuzadu hunuhune ḡouriro. Eḡe, Vaze Ubuganiꞌa bare onaine, eꞌe madaḡa teigiꞌuma.