Папулярныя біблейскія вершы з Jɛnesis 32

Падзяліцца

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Ndoŋ nna nɛ kanyɛn na kaŋɛ Jeekɔb le: “Shin nɛ n yɔ, ŋkpal manɛ so, kare chɛ.” Nɛ Jeekɔb kaŋɛ mo: “M maaŋ shin nɛ fo yɔ ama fo baŋ nɛfa ma nna.”

Kumo be kaman nɛ Jeekɔb nawule bɛta n yɔ bumo be echenakpa na nɛ kanyɛn ko ba tu mo ŋ kɔ emaŋ hale nɛ kare ya chɛ.

Amoso nɛ Jeekɔb daŋ nase kaboŋ na be ketre Peniyɛl na, ŋkpal manɛ so, e yɛ: “N wu Ebɔrɛ kenishiso nfe nna, ma alɛ maŋ wu.”

Kanyɛn na ka wu fanɛ e maa tiŋ a pɔɔ Jeekɔb so nɛ e beta Jeekɔb be kebembi nɛ mbe keleŋ kpekpel.

Nɛ kanyɛn na bishi Jeekɔb: “Fo ketre?” Nɛ Jeekɔb kaŋɛ: “Ma ketre e la Jeekɔb.”

Kumo be kaman nɛ Jeekɔb kule mo fanɛ e ti mbe ketre ŋ ŋini mo. Nɛ kanyɛn na kaŋɛ: “Manɛ nɛ fee sha ma ketre nɛ fo wora?” Kumo be kaman nɛ e nɛfa Jeekɔb.

N nyi ŋ ka maŋ daga kuwɔrwu nɛ kashenteŋji nɛ fo wu ma fo kenya ere kikɛ. Kekpabi nawule nɛ n daŋ ta n dii Jɔɔdan be lɔr ere n yɔ n wɔpa kutɔ, ama kabre m bɛta a ba nɛ basa nɛ asɔbɔya damta.

Ŋkpal kesheŋ ere so nɛ Israɛlebi maa ji eblaŋ nɛ k mar kusɔbɔya be kebembi be echɛkpa na. Ŋkpal Ebɔrɛ ka daŋ beta Jeekɔb be kebembi nɛ k kpekpel na so e daa tɔr keleŋ so nna.

Kumo be kaman nɛ Jeekɔb kule Ebɔrɛ ŋ kaŋɛ: “N tuto Eebraham nɛ Aizek be Ebɔrɛ, n Nyɛnpe, fo e kaŋɛ ma fanɛ m bɛta n yɔ ma efuli so nɛ ma basa pe nɛ fo shin nɛ ŋ ki asɔwura.

Amoso mee kule fo nna fanɛ fo mɔlga ma ashi n da Isɔɔ be enɔ to, ŋkpal manɛ so, mee lɔ kufu nna fanɛ e bee ba nna nɛ e ba kɔ ma nɛ ma beche nɛ mbia kena.