Папулярныя біблейскія вершы з ВЫСЛОЎІ 2

Падзяліцца

Бо Гасподзь дае мудрасьць; і з вуснаў Яго - веды і розум

Сыне мой, калі ты прымеш словы мае і захаваеш пры сабе запаведзі мае, і вуха сваё прыхіліш да мудрасьці і прытуліш сэрца тваё да разважлівасьці, калі будзеш клікаць да ведаў і зьвяртацца да розуму; калі будзеш шукаць яго, нібы срэбра, і знаходзіць яго, нібы скарб: тады ўразумееш страх Гасподні і знойдзеш спазнаньне Бога.

Ён дае праведным выратаваньне; Ён - шчыт тым, што ў беззаганнасьці ходзяць. Ён ахоўвае дарогу праўды і асланяе сьцежку сьвятых Сваіх.

бо праведныя будуць жыць на зямлі, і беспахібныя застануцца на ёй; а бязбожныя будуць вынішчаны зь зямлі, і няверныя выкарчаваны зь яе.

каб уратаваць цябе ад жонкі другога, чужой, якая злагоджвае словы свае, якая пакінула сябра маладосьці сваёй і занядбала запаведзь Бога свайго.