Папулярныя біблейскія вершы з ВЫСЛОЎІ 13

Падзяліцца

Хто сябруе з мудрым, будзе мудры; а хто сябруе зь неразумнымі, разбэсьціцца.

Хто захоўвае вусны свае, той захоўвае душу сваю, а хто шырока свой рот разьзяўляе, таму бяда.

Хто шкадуе дубца свайго, той ненавідзіць сына; а хто любіць, той змалку карае яго.

Надзея, якая доўга ня праўдзіцца, стамляе сэрца, а жаданьне, якое споўнілася, - як дрэва жыцьця.

Праўда ахоўвае беззаганнага ў дарозе, а бязбожнасьць губіць грэшнікаў.

Багацьце ад марнасьці памяншаецца, а хто зьбірае працаю, памнажае яго.

Ад пыхі паходзіць разлад, а ў тых, што раяцца, - мудрасьць.

Добры пакідае спадчыну і ўнукам, а багацьце грэшніка зьберагаецца праведнаму.

Мудры сын слухае бацькавых настаўленьняў; а насьмешнік ня слухае засьцярогаў.

Галеча і ганьба таму, хто пагарджае навукай; а хто трымаецца настаўленьня, пашанаваны будзе.