Папулярныя біблейскія вершы з San Marcos 6

Падзяліцца

Jesús pu aꞌyan tyihuoꞌtéꞌexaaj tɨjɨn: —Musioꞌtéꞌyiꞌij, tyicheꞌ tajɨ́ɨmuaꞌaj huátasoꞌpeꞌen majáꞌhuaꞌ joꞌtɨj quee jaꞌ aꞌtɨ́j. Jiꞌnye jéehua mu ɨ tyeɨ́tyee ajoꞌréꞌnyinyiicaꞌaj joꞌtɨj joꞌtyávaacaꞌaj ɨ Jesús, majta joꞌcɨ́ꞌcaꞌaj mamueꞌtɨ́j ɨ tyeɨ́tyee, capu ij ɨꞌriitacaꞌaj maj tyúꞌcuaꞌnyij aꞌɨ́ɨjma jamuán ɨ maj jamuán huacɨ́j.

Ajta ɨ Jesús pu aꞌyan tyihuoꞌtéꞌexaaj tɨjɨn: —Joꞌtɨj naꞌaj mu tyámuaꞌ yóꞌsej aꞌɨ́jcɨ ɨ tɨ jaxaj ɨ nyúucariaꞌraꞌ ɨ Dios, majta ɨ maj aꞌáa joꞌcháatɨmee joꞌtɨj jaꞌchej, majta ɨ maj jamuán ajaꞌchej, camu naa yóꞌsej aꞌɨ́ɨmaj.

Tɨꞌɨj ɨ Jesús eetáraj ɨ báarcuj jitze, jéehua pu ɨ tyeɨ́tyee huaséj, tɨꞌɨj ij huatóoxaamujri, jiꞌnye aꞌyaa mu huaséꞌrihuaꞌaj matɨꞌɨj cányaꞌxɨɨ tɨquee aꞌtɨ́j huáꞌsɨɨriaꞌcaꞌaj, aj puꞌij huatyóochej tɨ jéehua tyihuóꞌmuaꞌtyej.

Aꞌɨ́j pu jɨn quee ɨ Jesús jéehua tyuꞌmuárɨej aꞌájna, séecan pu aváꞌmuarɨeꞌxɨj ɨ tyeɨ́tyee, ajta tyihuóꞌhuaa. Ajta jeꞌej puaꞌaj tyóomuaꞌajcaj jiꞌnye camu ɨ tyeɨ́tyee jimi tyáꞌtzaahuatyaꞌcaꞌaj. Aꞌáa pu ɨ Jesús véjriꞌ joꞌcháꞌcanyaꞌaj, tyihuaꞌmuaꞌtyáaj.

Aꞌɨ́ɨ puꞌij Jesús jaꞌancuráɨꞌpuj ɨ páan tɨ anxɨ́vij ajta ɨ hueꞌtyée ɨ maj huaꞌpuaj, jútyeꞌ puꞌij joꞌnyéerij tɨꞌquij tyaatatyójtziꞌrej ɨ Dios, ajta jeꞌen jaꞌantyítaaraxɨj ɨ páan, tɨꞌquij huoꞌráɨꞌpuꞌuj aꞌɨ́ɨjma ɨ maj jamuán huacɨ́j mej mij aꞌɨ́ɨmaj huoꞌráaɨꞌpuꞌtyeꞌen ɨ tyeɨ́tyee. Aꞌɨ́j pu ajta huoꞌráɨꞌɨj ɨ hueꞌtyée. Néijmiꞌi mu tyúꞌcuaa ɨ tyeɨ́tyee, majta tyámuaꞌ naa tyityaatajúꞌxaj, aj mu mij aꞌɨ́ɨmaj ɨ maj jamuán huacɨ́j jaariáꞌsɨɨ ɨ páan tɨ aváꞌɨtzee majta ɨ hueꞌtyée, tamuáamuataꞌ japuan huaꞌpuaj sicɨɨ mu mij tyaꞌváꞌjɨstej.