Папулярныя біблейскія вершы з HAOKAPHOK 17

Падзяліцца

Abram kum hangchikoda chiko kākashung tharān PROHOna rāchitheida hānga, “I Sashap-pangshapa Varena; iwui mangāli zatlu, kala shāt makā ngasakalu.

Nawui ming Abram maholuimara, kha Abraham hohaora; kaja ina nali shānda makakhui yurwui avāva̱ sāngasakhaira.

Kala iwui khangashit katang makhavai tuingashit akha sāda na eina nawui ara̱-azābingwui thot vāshungda ina mayonmira, nawui kala nawui ara̱-azābingwui Vare sāchingra.

“Yanglu, iwui tuingashit nali ngasomida lei, nana shānda makakhui yurwui avāva̱ ngasāra.

Varena hānga, “Maningmana, kha napreiva̱ Sarahna nali nao mayarnao akha pharāmira, kala nana awui ming Isaac hora. Ali kala awui ara̱-azābingli mashimānla iwui tuingashit hi leingasakchingra.

Kala nana zatta khalei Canaan ngalei hupta katang mavaila nawui kala nawui ara̱-azābingwui ngasā khavai mira, kala ina athumwui Vare sāra.”

Chieina Abrahamna ngakhumzangda mana̱da akhalatta hānga, “Kum shākha kāshung kahai mi akhana nao pharārala? Kum hangchiko kāshung kahaiva̱ Sarahna nao leirala?”

Kala Varena Abrahamli hānga, “Napreiva̱ Saraiwui vanga, nana awui ming Sarai maholuimara, kha Sarah hohaora.

Nawui phasā ahui rimshokra, I eina nawui ngachaili china tuingashitwui machut sāra.

Kha iwui tuingashitva Sarahna zingkuma hitharan pharāki kaje nawui nao Isaacli sāra.”

Nathumwui alungli pharāda chishatthang kāshung kahaiya mayarnao, nawui shimkhurli kapharāranu, nawui theisā makhaning pheisā eina yur khangateiwui nao lokakhuiranu, mithot peida ahui rimshokserra, nawui shimkhurli kapharāranu, nawui pheisā eina lokakhuiranu, rimshokphalungra. Chithāda sāda iwui tuingashit hi naphasāli katang makhavai tuingashit sāda leichingra.