Папулярныя біблейскія вершы з Luk 6

Падзяліцца

Dan emokʼpe, enḍekhan ape hõpe emocokʼa; ota khacao khacaote, ruku rukute, curu buruateko gochawapea, ente cetʼlekape soṅakoa onkage ape hõko soṅ ruạṛapea.”

Bhage hoṛ do acʼakʼ ontorre perecʼ bhageakʼ khon bhage kathageye oḍok ạguya, ar bạṛicʼ hoṛ do acʼakʼ ontorre perecʼ bạṛicʼakʼ khon bạṛicʼ kathageye oḍoktaea. Manwa ontor okaṭakʼte perecʼ menakʼ, moca do ona kathageye roṛa.

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Aperen baba cetʼ lekae mãyãwạnicʼkan, onkage ape hõ mãyãwanko hoyokʼpe.

“Eṭakʼkoakʼ ghạṭko alope sapʼ baṛaea, inạkhan apeakʼ dos hõ baṅ sabokʼtapea. Eṭakʼko sạjại ńam lek kanako mente alope hudiskoa, onate ape hõ sạjại ńam lek mentepe menocokʼa. Eṭakʼko ikạkakope, enḍekhan ape hõpe ikạ ocokʼa.

Ape ańjometʼkoń metapekana, aperen bạiriko dulạṛkope. Ar okoeko kurud apekan onko do bhạlạikope. Okoeko sarap apekan onko bhorakope. Ar okoe ape tulucʼ bạṛicʼko beoharetʼ onko lạgitʼ koejoṅpe.

Hoṛko ṭhen khon cetʼleka beoharpe khojkan, onkage ape hõ onko sãote beoharpe.

Jãhãe mitʼ johae thapame khan eṭakʼ joha hõ ạcuraeme. Okoe amakʼ oyonakʼe recʼme uni do aṅgrop hõ idiocoaeme. Okoe am ṭhenko koe onko do emakom. Ar jãhãe amakʼ jãhãn jinise idi emanle khan ona do alom koe ruạṛea.

“Bhage darere bạricʼ jo, ar bạṛicʼ darere bhage jo do baṅ jokʼa.

Jo tege dare do oromokʼa. Jạnum jhạwạ khon loa ar jạnumanakʼ dare khon darkha jo do bako goda.