Папулярныя біблейскія вершы з Johan 19

Падзяліцца

Jisu sirkại ńamketʼ khane menkeda, “Purạu akana.” Ar ona tayom do bohokʼe kuḍburketʼte Jiue jimạketʼtaea.

Inạ tayom sanamakʼ purạu akana menteye baḍaeketʼ khan sonot sostor reakʼ katha jemon purạukʼ onate Jisui menkeda, “Tetaṅedińa.”

Jisu do acʼren eṅgattetʼ ar uniye dulạṛedekan tahẽkan cela teṅgo akane ńelketʼkin khan eṅgattetʼe metadea, “E go, ńeleme nũkʼũitam hoponme.” Ona tayom uni celae metadea, “Ńeleme nũkʼũitam eṅgam.” Ar unrege uni cela do Jisuren eṅgattetʼ acʼakʼ oṛakʼteye idikedea.

Ar Jisu ṭhenko hecʼen khan gocʼ hataṛ akanko ńelkedete uniakʼ jaṅga do bako rạputʼletʼtaea. Menkhan mitʼṭen palṭon do borlomte uniakʼ kokhareye sobokʼkedea ar onḍe khon mãyãm ar dakʼ oḍokena.

Noa do hoyena sonot sostor reakʼ katha jemon purạukʼ, “Uniakʼ do mitʼṭen jaṅ hõ baṅ rạpudokʼtaea.” Arhõ sostor reakʼ ar mitʼṭen katha do noage, “Okoe uniko sobokʼ tapʼlede onkoge uniko beṅgetʼaea.”

Ar Jisu do acʼakʼ krus gokʼkate khạpriko metakʼ mitʼṭen jaegateye senena. Ona jaega reakʼ ńutum do Ibrite Golgothako metakʼkan tahẽkana.

Palṭonko do jạnum reakʼ mukuṭ galaṅkate bohokʼreko horokʼadea.