Папулярныя біблейскія вершы з Mateu 6

Падзяліцца

Mwenu kanji shitandi angaikangila utawala na ishaliya yake; vinu vinji vyo, vinanjadyeka.

Nadoni hamunangaikangile liduva lyalunduno mwaa vyalunduno, vyalunduno. Migagolo vyaliduva limo vinkutosha kwaliduva lyolyo.

“Napavedoni nangu ninkumwaulila hamunaangaikangile shingumi shenu kwa ashilá shamulota kulya kwali shamulota kukumbila na ata mili vyenu kwa ashilá shakulota kugwadya. Da shingumi i shinu shikumene kupunda shakulya na mili i shinu shamana kupunda dinguvo?

Wako ukalota kushwali injila kushumba shako ushime nnango wo utwale ushwali unjugwe Tatako ávele mushipii. Nadoni Tatako áona kwashipii andakupa inudyo.

Napenelo amu ni mwakushwalidya mwenu, “ ‘Atata wetu úvele kuwa, lina lyako liilimyangike, utawala wako wide, malotelo ako atandeke, mushilambo shapai kenga kuwa.

Ligung'u lyetu lyakula liduva, tupa nelo.

Makosha etu, tulivaliva kenga mo mwatuvalivalivila wetu vatutagela.

Haunatuukenavo kukutubigwa kanji tuposha kumakono kumwe nkalau.’

“Mwaa mukavalivaliva vanu kupujungula kwave, nanae Tatagwenu ávele kuwa anannivaliva mwenu.

Lola vyuni vyulukánga kuniania. Vyanavo havinapanda, havinanang'ena na havivenavo vidimbi. Ata ivele davo Tatagwenu ávele kuwa ankulisha. Kushi mwenu po hamuvenavo mana namene kupunda vyuni?

“Napanelo hamunalikandyedye mali mushilambo shapai mwavananganga vinu ushwa na umandi, mwavatutumula vakwiva kutwala kwiva. Kondya mali enu kuwa, kwanavo ushwa na umandi havanaulula shinu kwanonga na kwavakatutumula vakwiva. Po palota kupagwa mali ako ntima wako undapagwa popo.

“Hapali munu wakuulula kuvatumikila vanang'olo vavili. Jumo anammangedya, junji jo kunnagwaledya; jumo kumwigwilila, junji jo kumwiludyanga. Mwenu hamuulula kuntumikila Nnungu akuno mutumikila mali.

Napane ikava kenga maukutu amumwitu anáma jo nelo lunduno kujela pamoto Nnungu ankunnemya, kushi mwenu mmanu mmalikulupililo lidikidiki hannemya kupunda apo?

Wako paumya lipwashalelo, shitandéka kunkanakono kwako, nkono nshanda wo haunamanye pakulota lipwashalelo lyako live lyashipii. Nadoni Tatamunu áona kwashipii, andakupa inudyo.

“Lishunge pakulota hamunatende vitendo vyenu vyaishaliya pamevo pavanu kwambangidya vyoneke. Mukatenda davo po, Tatagwenu ávele kuwa hamupa shinu inudyo.

“Napanelo pamunga hamunalilodye kuva mushipalodi kenga mwavatandela vanu vamalambi. Vanavo vandányadyanyadyanga kumevo valilodye kwavanu kenga vandyunga. Ninkumwaulila mwiu doni, vovo vo tayali vandipata inudyo yave. Napane wako paunga, navanga medi kumevo mmuti mo, pakala mauta pakulota vanu havanakumanye kenga undyunga. Akumanye gweka Tatamunu ávele mushipii na jo Tatamunu áona kwashipii, andakupa inudyo.