Папулярныя біблейскія вершы з Ioane 6

Падзяліцца

Kua tuatua maira a Iēsū ki a rātou, “Ko au te kai o te ora. Ko tē 'aere mai ki āku nei, kāre rava aia e pongi, ē ko tē 'irinaki mai i āku nei, kāre rava aia e kakī vai 'aka'ou.

Ko te Vaerua ko te tumu ia o te ora, kāre ō te kōpapa 'e pu'apinga. Te tuatua tāku i karanga atu ki a kōtou na, 'e vaerua ia ē te ora.

Auraka e 'anga'anga nō te kai pē 'ua, nō te kai rā tei tinamou ra e tae 'ua atu ki te ora mutukore. Ko te kai 'oki ia tā te Tamaiti a te Tangata ka 'ōronga atu ki a kōtou, nō te mea, kua 'akamana 'oki te Atua Metua i te Tamaiti a te Tangata nei.”

Nō te mea, ko tēia te anoano o taku Metua: ko tēta'i 'ua atu tē 'ākara mai nei i te Tamaiti ra ē tē 'irinaki mai nei i aia ra, 'ei ora mutukore tōna, ē ka 'akatū au i aia i te rā 'openga ra.”

Kua pa'u maira a Iēsū ki a rātou, nā kō maira, “Tēia te 'anga'anga a te Atua, e 'irinaki kōtou i aia tāna i tono maira.”

Ko te au mea kātoatoa tā te Metua e 'ōronga mai nei nōku ra ka tae mai ia ki āku nei, ē kāre rava au e tuaru atu i te ka 'aere mai ki āku nei.

Kua pa'u atura a Simona Pētero ki aia, “E te 'Atu, ka 'aere mātou ki a 'ai ra? Tei a koe te tuatua o te ora mutukore ra.

Ko au te kai ora, ko tei 'eke mai mei te rangi mai; ko tēta'i 'ua tangata te ka kai i tēianei kai, ka ora aia e tuātau 'ua atu. Ko te kai tāku e 'ōronga atu, ko tōku kōpapa ia 'ei ora nō tō te ao.”

Kāre e rauka i tēta'i 'ua atu tangata i te 'aere mai ki āku nei, māri rā kia 'akatae'ia mai aia e te Metua tei tono mai i āku nei, ē ka 'akatū au i aia i te rā 'openga ra.

nō te mea, ko te kai a te Atua, ko te kai ia tei 'eke mai nei nō te rangi mai ē tē 'ōronga mai nei i te ora nō tō te ao.”

Ko au te kai o te ora.

Kua rave akera a Iēsū i te au taupūpū varāoa, 'akameitaki atura, ē tu'a atura nā taua aronga i no'o ki raro ra; pērā katoa i ngā ika rikiriki kia tau i tā rātou i 'inangaro. Kia pangia rava akera rātou, kua karanga atura a Iēsū ki tāna au pipi, “Ka 'akaputuputu ana i te toengā kai ra kia kore tēta'i mea e kaimoumou'ia.”

Kua 'oe 'ua atura rātou mei te toru ki te 'ā maire te mamao, kite atura rātou i a Iēsū i te 'aere 'ua'anga nā runga i te kāre, e vaitata maira aia ki te poti. Ē kua mataku akera rātou. I reira kua tuatua atura aia ki a rātou, “Ko au tēia, auraka e mataku.”