Папулярныя біблейскія вершы з Ioane 17

Падзяліцца

E 'akatapu i a rātou ki te tuatua mou; ko tā'au tuatua 'oki 'e tuatua mou ia.

Ko tēia 'oki te ora mutukore: kia kite rātou i a koe, te Atua mou 'okota'i ra, ē i a Iēsū Mesia tā'au i tono maira.

“Kāre 'oki au e pure nō rātou anake 'ua, nō rātou katoa rā te ka 'irinaki mai i āku nei nā roto i tā rātou 'āpi'i'anga, kia riro rātou katoa 'ei 'okota'i, mei a koe, e taku Metua, i roto i āku nei, ē mei āku 'oki i roto i a koe na, kia pērā katoa rātou i roto i a tāua, kia 'āriki tō te ao nei ē, nā'au au i tono mai.

Kāre au e pure ki a koe ē, kia 'apai kē atu koe i a rātou mei roto mai i te ao nei, kia pāruru rā koe i a rātou mei te Mea Kino ra.

Kua 'ōronga atu au ki a rātou i te kakā tā'au i 'ō mai nōku ra, kia riro rātou 'ei 'okota'i, mei a tāua e 'okota'i nei. Ko au i roto i a rātou ē ko koe i roto i āku. Kia riro katoa 'oki rātou 'ei 'okota'i meitaki rava ē kia mārama tō te ao nei ē, nā'au au i tono mai ē nā'au i 'akaperepere mai i a rātou, mei a koe i 'akaperepere mai i āku nei.