Папулярныя біблейскія вершы з Mata 5

Падзяліцца

Bít íí kó' lampə̀ì gə́, íí wúbə̀ kɛ̀ɛ̀l dùù gá. Zá aa sɔ̀ɔ̀n də gə́, íí zígə̀ téé dàndunwà yílú, bít nyɛ́' nɛ́b aa kùm wúu wərə̀ rə gə́ kóólé. Ogə́, laa nyɛdkè aí bə̀ kɔ̀ bììd oò nyɛd kàani, nɛ́b bəd númú, bɔ̀b boò bé' tù' sɔ̀ɔ̀nkè bəraa íí tə́ ma'ǹ doó, bít boò káŋ Báá íí Vɛnɛ́b aa lɛgə́ paà roó.»

«Íí tə́ kìínmbə̀ laa nyɛdkè kíin, nɛ́b bəd tə́ŋú, zɔ̀ŋə yɛ́b ba. Bìl aa bə̀ wə̀ə̀ kɔ̀l yílə́ rə, mə́' núùrú gá.

Nɛ́b aa bə̀ tə́ kuùm kə̀ tɛ́m nyɛdkè rə, Vɛnɛ́b dá bə̀ nɛɛ̀n zígǹ yílú, kàandə, bə̀ dá Vɛnɛ́b kíìn bé'nàá!

Nɛ́b aa bə̀ tə́ saàn kə̀ tɛ́m nə́ŋ̀ní, in aa Vɛnɛ́b í' rə ma'ǹmbə̀ rə, Vɛnɛ́b dá bə̀ nɛɛ̀n zígǹ yílú, kə̀ tɛ́m làmkèá, kàandə, Vɛnɛ́b dá bə̀ tɛ́m nyɛ́'nàá!

Zá máá gə́, mə́ tə́ ii kíìn baanàá' ìì í' ɔ̀dmáàn íí bərá, bít ìì nyɛ̀m Vɛnɛ́b kə̀ nɛ́b aa bə̀ tə́ ii búúd í'ǹ doó

«Nɛ́b aa bə̀ tə́ yíl boò ɛgǹ kə̀ nɛ́b búúd bə̀ bəd kíin, Vɛnɛ́b númú rə, Vɛnɛ́b dá bə̀ nɛɛ̀n zígǹ yílú, kə̀ tɛ́m làmkèá, kàandə, Vɛnɛ́b dá gààd ləə̀n boò yílú!

Nɛ́b aa bə̀ tə́ tɛbə̀ saàn boò tə́ŋə́ rə, Vɛnɛ́b dá bə̀ nɛɛ̀n zígǹ yílú, kàandə, bə̀ dá bə̀ dɛdǹ Vɛnɛ́b yɛb bərá!

Nɛ́b aa bə̀ tə́ kuùm kə̀ tɛ́m nwuukè rə, Vɛnɛ́b dá bə̀ nɛɛ̀n zígǹ yílú, kə̀ tɛ́m làmkèá, kàandə, Vɛnɛ́b dá bə̀ tɛ́m tɛ́'nàá!

Nɛ́b aa bə̀ tə́ bə̀ búúd í'ǹ nɛɛ̀n aa bə̀ tə́ ma'ǹ dú, kìínmbə̀ nɛɛ̀n aa Vɛnɛ́b í' rú rə kíin də, Vɛnɛ́b dá bə̀ nɛɛ̀n zígǹ yílú, kàandə, bə̀ bɔ̀b Vɛnɛ́b Gààd lɛgə́ paà bə̀ì gbə̀ə́d!

Nɛ́b aa bə̀ tə́ ɔ̀dnə́ŋ̀ búúd ɛgǹ bé'ǹ də, Vɛnɛ́b dá bə̀ nɛɛ̀n zígǹ yílú, kàandə, Vɛnɛ́b dá bə̀ búúd ɛgǹ bé'ǹ kɔ̀!

«Màìgə́, nɛ́b bəd tə́ ii dúlàá, bə̀ tə́ ii búúd í'nàá, bít bə̀ tə́ gúsuúm nwɔŋ vaksə́ bəd gáàm aí yílú, nɛɛ̀n aa íí bàg mə́ rə bòórú gə́, Vɛnɛ́b dá ii nɛɛ̀n zígǹ yílú. Ìì kùm kə̀ tɛ́m làmkèá, tɛ́m íí oò yád kúnú; kàandə, mú'sɛ̀l dùm íí dá kuùm gbà'á, lɛgə́ poú. Kə̀ aarə kíin, bə̀ í' taà Vɛnɛ́b gbantumsə̀ bəraa nyàamdoorú rə búúrá.»

Nɛ́b aa bə̀ tə́ kuùm kə̀ tɛ́m ɔ̀gke rə, Vɛnɛ́b dá bə̀ nɛɛ̀n zígǹ yílú, kàandə, bə̀ dá sə̀n yɛ́b aa Vɛnɛ́b bàà dàà rə bɔbàá!

«ÍÍ tə́ kìínmbə̀ nwuùm yɛ́b kíin, nɛ́b zɔ̀ŋə yɛ́b bə bə̀ tə́ŋú. Zá dáà nwuùm yɛ́b bɔ̀m bùmkè oòì gə́, báan níì báàn ma'ǹmbə̀, bɔ̀b oò bə̀ bí'ǹmbə̀ bùmkè sɔ̀ŋ gú? In nə́ŋ̀má nɛ́ŋə̀ bán ma'ǹmbə̀ kə̀ kùrú sɔ̀ŋ gá, sìná pú' bə̀ dáù zadǹ gbaarú, bít nɛ́b bəd dáù nádǹ dunú.

Ìì kuùm wɔ̀ɔ̀lə̀ Vɛnɛ́b kpaŋú, kìínmbə̀ nɛɛ̀n aa Báá íí Vɛnɛ́b lɛgə́ paà bə̀ kùm dú wɔ̀ɔ̀lə̀ rə kíni.»

Nwɔŋ aa íí tə́ gáàm də, oò kùm ‹èè,› sínkɔ̀ ‹ə́ùwə́.› Nwɔŋ ɔ̀d aa bàà íí zəg yílə́ rə gə́ kóólé, vúgà Nɛ́ŋə̀ Vaksə́ naú.»

«Íí kìì Núúboòd Gìdń bààì nyàam dam ba: ‹Nɛ́ŋə̀ kpò' n núùì gə́, ǹ kpò'ù núù kɔ̀, bít nɛ́ŋə̀ kɛ̀d n nə́gə́lì gə́, ǹ kɛ̀rə̀ nə́gə́l kɔ̀.› Zá máá gə́, mə́ tə́ ii kíìn baanàá, ìì bí' vaksə́ kə̀ vaksə́ sí. Aa dá sɔɔ̀n də gə́, dáà nɛ́ŋə̀ nə́ŋ̀ zìbmmì lám nɛɛ̀n váànú bə̀ bə gə́, lìb m̀ bí'ù lám nɛɛ̀n kéènú bə̀ kɔ̀.

Dáà núùwà nɛɛ̀n váànú bə̀ ḿ bòórú, ń tə́ taà piìn sáàn invaksə́ rú gə́, ǹ sɔ̀rə̀ kúnú, làà ǹ lɛ́'ù zɔ̀ŋ bùúd ba. Aa dá sɔɔ̀n də, m̀ pìì Vɛnɛ́b yiìl kə̀ núù nə́ŋ̀ní, kə̀ piìnmbə̀ kə̀ núù iira, laa aa fə́' bə gá rə rú gə́ roó. Bít dáà nɛɛ̀n váàn ḿ bòórú, ń tə́ taà piìn sáàn invaksə́ rú gə́, kò'ǹ və̀rə̀ kúnú, bít làà ǹ lɛ́'ù zɔ̀ŋ bùúd bə kə̀ ámda. Aa dá sɔɔ̀n də, m̀ pìì Vɛnɛ́b yiìl kə̀ nɛɛ̀n nə́ŋ̀ní, kə̀ piìnmbə̀ kə̀ nɛɛ̀n iira, laa aa fə́' bə gá rə rú gə́ roó.»