Папулярныя біблейскія вершы з Sione 6

Падзяліцца

Pea folofola ‘a Si̇̄sū kiate kinautolu: ‟Ko au pē ‘a e mā ‘o e mo‘ui̇́. Ka ai ha taha ʻe haʻu kiate au, ‘e ‘ikai ʻaupito te ne toe fiekaia ‘o ta‘engata, pea ko ia ʻe tui kiate au, ‘e ‘ikai ʻaupito te ne toe fieinua ‘o ta‘engata.

Ko e Laumālié ʻokú ne ngaohi ke moʻui, ka ko e kakanó, ‘oku ‘ikai te ne lava ha me‘a. Ko e ngaahi lea kuo u fai kiate kimoutolú, ko e Laumālie ia pea mo e moʻui.

ʻOua te mou ngāue ki he me‘atokoni ‘e ʻauha, ka ki he me‘atokoni ʻe tolonga ʻo aʻu ki he mo‘ui ta‘engatá, ʻa ia ʻe ‘oatu ʻe he Foha ʻo e Tangatá kiate kimoutolu, he ko e meʻa ia kuo fakamafai‘i ia ‘e he Tamai̇́, ke ne ‘oatu.”

He ko e finangalo ʻeni ‘o ‘eku Tamai̇́, ko kinautolu kotoa pē te nau mamata ki he ʻAló, pea tui falala kiate iá, ke nau maʻu moʻui taʻengata, pea te u toe fakatoetuʻu hake kinautolu mei he maté, ‘i he ʻaho fakamui̇́.”

Pea tali ‘e Si̇̄sū ʻo ne pehē kiate kinautolu: ‟Ko e ngāue ʻeni ʻa e ‘Otuá: Ke mou tui ki he Toko Taha kuó ne fekau mai̇́.”

Ko ia kotoa pē kuo foaki kiate au ‘e he Tamai̇́, ʻe haʻu ia kiate au, peá ka ai ha taha ʻe haʻu kiate aú, ʻe ʻikai ʻaupito te u tuli ia ke ʻalu.

Pea tali kiate ia ‘e Saimone Pita: ‟‘Eiki, ke mau toe ō kia hai? Ko e ngaahi lea ʻo e moʻui taʻengatá, ʻoku meiate koe pē ia.

Ko au, ko e mā ʻo e mo‘ui, ʻa ia kuo ‘alu hifo mei he langi̇́. Ka ai ha taha te ne kai mei he mā ko eni̇́, te nau mo‘ui pē ‘o ta‘engata, pea ko e mā ʻa ia te u ‘oatú, ko hoku sinó ia, ʻa ia ʻoku foaki ke moʻui ai ʻa māmani.”

‘Oku ‘ikai lava ha taha ke haʻu kiate au, kae‘oua kuo taki mai ia kiate au ‘e he Tamai̇́, ʻa ia naʻá ne fekau mai aú, pea te u fokotu‘u hake ia mei he maté, ‘i he ʻaho fakamui̇́.

He ko e mā ʻa e ʻOtuá, ko e Toko Taha ia kuo ʻalu hifo mei he langi̇́, ke ne foaki mo‘ui ma‘a māmani.”

Ko au pē ko e mā ‘o e mo‘ui̇́!

Ko ia naʻe to‘o ‘e Si̇̄sū ʻa e maá, ʻo fai ʻene fakafetaʻi̇́, pea naʻe toki tufotufa ia ki he kakai naʻe nofo ai̇́. Naʻá ne fai pehē pē foki ki he iká, pea na‘e kai ʻa e fuʻu kakai̇́, ‘o nau mākona. Pea ʻi heʻenau mākona kotoa pē, naʻe fekau ‘e Si̇̄sū ‘ene kau akó, ke nau tānaki ʻa e toengá, ke ‘oua na‘a maumau ha meʻa.

Pea hili ʻenau ʻaʻalo ʻi ha kilomita ‘e nima pē ono nai, naʻa nau mamata kia Si̇̄sū ʻoku hāʻele mai ʻi he fukahi tahi̇́, ‘o fakaofiofi mai ki he vaká, pea naʻa nau manavahē ‘aupito. Ka naʻá ne folofola kiate kinautolu: ‟ʻOua ʻe manavahē. Ko au pē.”