Папулярныя біблейскія вершы з Ngāue 1

Падзяліцца

Ka ‘e ha‘u e Laumālie Mā‘oni‘oní ‘o fakaivia kimoutolu. Pea te mou hoko ai ko ha kau fakamo‘oni kiate au ‘i Selusalema, mo Siutea kātoa, mo Samēlia, mo e tapa kotoa ‘o māmani.”

Pea tali ange ‘e Sīsū, “‘Oku ‘ikai ko kimoutolu ke mou ‘ilo e ngaahi kuongá. Ko e Tamaí pē ‘okú ne fokotu‘utu‘u e ngaahi kuongá.

Pea lolotonga ‘enau kei nofo fakatahá, na‘á ne tala ange kiate kinautolu, “Mou nofo ai pē ‘i Selusalema ‘o talitali ki hano foaki atu ‘e he Tamaí ‘a e Laumālie Mā‘oni‘oní, ‘o hangē pē ko ‘ene tala‘ofa na‘á ku tala atú. He na‘e papitaiso vai kimoutolu ‘e Sione, ka ‘o ka hili pē ha ngaahi ‘aho si‘i pea ‘e papitaiso kimoutolu ‘aki e Laumālie Mā‘oni‘oní.”

Na‘e fe‘unga mo ha ‘aho ‘e fāngofulu mei he falengā mamahi ‘a Sīsuú ‘a ‘ene toutou fakamo‘oni‘i ki he‘ene kau ‘apōsitoló ‘okú ne mo‘ui, mo ‘ene toutou fakamatala ange kiate kinautolu e anga ‘o e pule‘anga e ‘Otuá.

Pea hili pē ‘ene fakamatala ko iá, na‘e ‘ohake ia ki he langí ka nau sio pē, pea hoko ai pē mo ‘ene pulia ‘i ha konga ‘ao.

Pea fakafokifā pē kuo tutu‘u mai ha ongo tangata teunga hina. Pea pehē mai ‘e he ongo tangatá, “Kau Kāleli, ko e hā ‘oku mou mo‘usioa ai ki he langí? Kuo ‘osi ‘ohake ‘a Sīsū ki he langí, ka te ne toe foki mai. Pea ko e anga ‘o ‘ene foki maí, ‘e tatau pē mo ‘ene ‘alu na‘a mou mamata ki aí.”