Cheke Holo - Solomon Islands; 2022 WBT Non-Drama (NT)

© 2022 Wycliffe Bible Translators, Inc. All rights reserved. Revised New Testament and Bible published by Wycliffe Bible Translators, Inc. New Testament published by Bible Society of the South Pacific, Suva Fiji, 1993 ℗ 2024 Hosanna; 

Buka Blahi Ka Cheke Holo

<div class="version vid3230 iso6393mrn" data-vid="3230" data-iso6393="mrn">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s1">Mae Jisas ne fahaehagheni puhigna kaisei naikno bi&#42892;o</div><div class="r">(Mak 12:41-44)</div><div class="p"> 1Mae Jisas ne filodi keha mae te dedei te mei te koko sileni bi&#42892;o fara ka tapera te au ke lamnagna Sugablahi na. 2Eghuteuna mana jaola ne filoni kaisei naikno bi&#42892;o te kuma mei ne koko phei senti ka tapera na. 3Mae Jisas ne cheke eghu, &#8220;Tutuani fara, te chekeni iara ka ghotilo na, naikno bi&#42892;o te kuma igne koko sileni bi&#42892;o fara ke tulaodi mae te dedei igrei. 4Naugna mae te dedei igre au nodi kmana sileni. Mare tusu ranghini God kolho unha te sala&#42892;ui na. Naikno bi&#42892;o igne thono kuma fara, nu na&#42892;a koko fahui unha te au ka na&#42892;a na. Eghuteuna na&#42892;a magnahaghei fara sileni tuana malagna nakarhagna thegna na.&#8221;</div><div class="s1">Mae Jisas ne kulu cheke thakleni u Sugablahi Jerusalem na ginauna pha&#42892;e</div><div class="r">(Mat 24:1-14; Mak 13:1-13)</div><div class="p"> 5Keha nogna mae fanomhore ne cheke eigna Sugablahi te faghano babana ka thina te khuakhuda, nei lalaoni ka kmana nafnata glepo te nha&#42892;a lao naiknore te mala fafnaknoni God. Nu mae Jisas ne cheke eghu ka mare, 6&#8220;Gobigna lepo te khuakhuda te filodi ghotilo igre ginauna gro&#42892;e. Ka narane tuana thina igre ginauna khoko soru pari. Eghuteuna ginauna theo kaisei thina nate au teu ka teke au gna gognaro gne.&#8221;</div><div class="p"> 7Mae fanomhore ne ghusna eghu ka mae Jisas, &#8220;Velepuhi, niha nau thoke meidire glepo igrea? Unha nafnata fagaglana nate edi te mala laseni ghehati glepo igre la namo meihi teuna?&#8221;</div><div class="p"> 8Mae Jisas ne cheke eghu ka mare, &#8220;Fiofilo ghami, na eghunu mei chaghi ghami mare eghu. Kmana naikno ginauna mei cheke ka nanghagu iara. Mare ginauna na cheke eghu, &#8216;Iara ngala Kraes na!&#8217; Ba, mare na cheke eghu, &#8216;Thofno narane na la thoke meihi!&#8217; Nu thosei leghudi mare eghu. 9Kate nomhidi ghotilo nonomho eidi magra, ba naiknore magridi nodi mae funei thedire teu igre, thosei mhaghu. Naugna glepo igre mala kulu mei ame thoke mei nga narane leghu lahu na eghu.&#8221;</div><div class="p"> 10Aonu mae Jisas ne cheke eghu ka nogna mae fanomhore, &#8220;Naiknogna kaisei namono na ginauna na kegra haghe magra ka naiknogna keha namono na. Eghuteuna naiknogna kaisei nohi na ginauna na kegra haghe magra ka naiknogna keha nohi na, heva heva kau nauthoglu igne. 11Ginauna nakheu bi&#42892;o, fogra bi&#42892;o ba keha puhi bi&#42892;o ka namono te kmana gre. Jare naiknodi keha namonore ginauna na theo gano te mala ima na. Kmana glepo mamhaghuana, nei kmana fagaglana te bi&#42892;o eghu ginauna na kafe mei funu kligna.</div><div class="p"> 12 &#8220;Nu ame thoke mei nga gobigna lepo igre teuna, naiknore ginauna loki ghami nei para ghami eghu ghotilo, eigna ghotilo ne fatutuani ghau iara. Mare ginauna hata ghami ghotilo tei ka fate ke lamna suga tharai. Eghuteuna mare ginauna na faruma ghami ghotilo ka suga sosolo. Mare ginauna na huhuru ghami ghotilo mala kegra ke uludi hatimare mae funei ba ke uludi hatimare mae king. Mare ginauna na edi glepo igre ka ghotilo, naugna ghotilo ne leghu ghau iara. 13Nu glepo igre thokei mei mala toutonuni ghotilo Nonomho te Keli na ka mare. 14Thosei nanga nomi eigna unha ghotilo nate chekeni na. 15Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna. 16Idomi, kmami, tighami, vikemi, nei kherami teu ghotilo themi are ginauna snakre lao ghami ghotilo ka khamedi nomi naokare. Mare ginauna falelehe keha mae ka ghotilo. 17Eghuteuna naikno te gnafa gre ginauna tirodi ghami ghotilo, naugna ghotilo ne nogu iara. 18Nu neuba ngau, theo kaisei glepo ka igre nate thofno goigoni ghami ghotilo na. 19Ghotilo ginauna hatini thofno nakarha na kate kegra maku fabrahu ghotilo ka nomi fatutuani na.&#8221;</div><div class="s1">Nasnura na ginau mei Jerusalem</div><div class="r">(Mat 24:15-21; Mak 13:14-19)</div><div class="p"> 20Mae Jisas ne cheke eghu, &#8220;Kate filodi ghotilo mae soldia te kafe khegra falithuni Jerusalem, ghotilo na laseni mare namo pha&#42892;e namono bi&#42892;o Jerusalem. 21Eghuteuna kau narane tuana naikno te au ka Provins Judia gre, ginauna rikha tei ka thogele ro. Naikno te au Jerusalem gre ginauna jifla tei. Eghuteuna naikno te au mhata gre, thosei ke pulo mei ka namono bi&#42892;o na. 22Naugna narane tuana narane God mala fatedi naikno tuare, eghuteuna gobigna lepo teke chekedi ka grioriso te blahi na igre ginauna tutuani fara. 23Kau narane tuana kokhonidi fara goro ga&#42892;ase te buklare, ba te au thudi te chu&#42892;u teu! Puhi bi&#42892;o balu di&#42892;anagnafa ginauna thoke mei ka naiknogna nohi igne. Eghuteuna di&#42892;atagna God na ginauna thokedi la mare. 24Kehare ginauna ghoreho ka naflahi, eghuteuna kehare ginauna hata tei mala sosolo ka keha namono delei. Naikno te theome Jiu igre ginauna mei goigoni ghami nei funei frunini namono Jerusalem ghilei thoke mei nodi narane leghu lahu na.&#8221;</div><div class="s1">Meigna Thugna God</div><div class="r">(Mat 24:29-31; Mak 13:24-27)</div><div class="p"> 25Mae Jisas ne cheke eghu, &#8220;Keha fagaglana mamhaghuana ginauna thakle mei kau naprai, kau glaba, ba kau nathunu ka maloa gne. Naiknogna nauthoglu igne ginauna na thono mhaghu fara ka taitanhi gna galo na, ba ka longagna goighovi na. 26Gobigna lepo ka maloa gne ginauna kheu tongana ba nhogri. Naugna igne, naiknore ginauna mhaghu fara ghilei fnuda. Mare ginauna fa&#42892;ihodi ka ofoni teu unha nate eni ka nauthoglu tongana igne. 27Ke leghugna igne, mare ginauna filo ghau iara te soru mei ke kligna grokho balu nolaghi nei nafnakno bi&#42892;o. 28Kate funu thoke mei glepo igre, ghotilo farerheta nagnafamire. Ghotilo kegra fadoglo mala filo haghe kligna, naugna narane God te mala fakarha ghami ghotilo na la namo meihi.&#8221;</div><div class="s1">Cheke naba eigna gaju fig</div><div class="r">(Mat 24:32-35; Mak 13:28-31)</div><div class="p"> 29Mae Jisas ne chekeni kaisei cheke naba ka nogna mae fanomhore. Mana ne cheke eghu ka mare, &#8220;Filo si ghotilo kau gaju fig ia, ba ka keha gaju te gnafa are. 30Kate filoni ghotilo te funu fufusa khakladire, ghotilo laseni hila finogha majaghani na la namohi. 31Jateula tuana eghu, kate filodi ghotilo gobigna lepo te edi igre, ghotilo ginauna laseni narane God te funei frunidi nogna naiknore la namo meihi. 32Tutuani fara te chekeni iara ka ghotilo na! Gobigna lepo te gnafa igre ginauna thoke mei kate theome lehe nga teu naikno te karha teu gognaro gre. 33Maloa ghe nauthoglu gre ginauna hui, nu chekegu iara na ginauna theo ka huigna.&#8221;</div><div class="s1">Tarabana fabrahu</div><div class="p"> 34 &#8220;Fiofilo ghami ghotilo ia! Na eghunu ima ghemi kolho, ko&#42892;u ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na. 35Narane igne ginauna na jateula kaisei phighoro te mala fakhale nanghaji ra eghu ke klignadi naikno te gnafa ka nauthoglu igne. 36Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te di&#42892;a fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.&#8221;</div><div class="p"> 37Leuleghu narane na, mae Jisas ne tei ne farirhiu ke lamna Sugablahi, eghuteuna fei grafi na mana tei ka thogele te kiloi Thogele Gaju Olivi. 38Hamerane boibongi leghu narane na naiknore tei ka Sugablahi na mala fanomho ka nogna farirhiu mae Jisas.</div>
 </div>
 </div>
</div>

Mae Jisas ne filodi keha mae te dedei te mei te koko sileni biꞌo fara ka tapera te au ke lamnagna Sugablahi na. Eghuteuna mana jaola ne filoni kaisei naikno biꞌo te kuma mei ne koko phei senti ka tapera na. Mae Jisas ne cheke eghu, “Tutuani fara, te chekeni iara ka ghotilo na, naikno biꞌo te kuma igne koko sileni biꞌo fara ke tulaodi mae te dedei igrei. Naugna mae te dedei igre au nodi kmana sileni. Mare tusu ranghini God kolho unha te salaꞌui na. Naikno biꞌo igne thono kuma fara, nu naꞌa koko fahui unha te au ka naꞌa na. Eghuteuna naꞌa magnahaghei fara sileni tuana malagna nakarhagna thegna na.”


Keha nogna mae fanomhore ne cheke eigna Sugablahi te faghano babana ka thina te khuakhuda, nei lalaoni ka kmana nafnata glepo te nhaꞌa lao naiknore te mala fafnaknoni God. Nu mae Jisas ne cheke eghu ka mare, “Gobigna lepo te khuakhuda te filodi ghotilo igre ginauna groꞌe. Ka narane tuana thina igre ginauna khoko soru pari. Eghuteuna ginauna theo kaisei thina nate au teu ka teke au gna gognaro gne.”
Mae fanomhore ne ghusna eghu ka mae Jisas, “Velepuhi, niha nau thoke meidire glepo igrea? Unha nafnata fagaglana nate edi te mala laseni ghehati glepo igre la namo meihi teuna?”
Mae Jisas ne cheke eghu ka mare, “Fiofilo ghami, na eghunu mei chaghi ghami mare eghu. Kmana naikno ginauna mei cheke ka nanghagu iara. Mare ginauna na cheke eghu, ‘Iara ngala Kraes na!’ Ba, mare na cheke eghu, ‘Thofno narane na la thoke meihi!’ Nu thosei leghudi mare eghu. Kate nomhidi ghotilo nonomho eidi magra, ba naiknore magridi nodi mae funei thedire teu igre, thosei mhaghu. Naugna glepo igre mala kulu mei ame thoke mei nga narane leghu lahu na eghu.”
Aonu mae Jisas ne cheke eghu ka nogna mae fanomhore, “Naiknogna kaisei namono na ginauna na kegra haghe magra ka naiknogna keha namono na. Eghuteuna naiknogna kaisei nohi na ginauna na kegra haghe magra ka naiknogna keha nohi na, heva heva kau nauthoglu igne. Ginauna nakheu biꞌo, fogra biꞌo ba keha puhi biꞌo ka namono te kmana gre. Jare naiknodi keha namonore ginauna na theo gano te mala ima na. Kmana glepo mamhaghuana, nei kmana fagaglana te biꞌo eghu ginauna na kafe mei funu kligna.
“Nu ame thoke mei nga gobigna lepo igre teuna, naiknore ginauna loki ghami nei para ghami eghu ghotilo, eigna ghotilo ne fatutuani ghau iara. Mare ginauna hata ghami ghotilo tei ka fate ke lamna suga tharai. Eghuteuna mare ginauna na faruma ghami ghotilo ka suga sosolo. Mare ginauna na huhuru ghami ghotilo mala kegra ke uludi hatimare mae funei ba ke uludi hatimare mae king. Mare ginauna na edi glepo igre ka ghotilo, naugna ghotilo ne leghu ghau iara. Nu glepo igre thokei mei mala toutonuni ghotilo Nonomho te Keli na ka mare. Thosei nanga nomi eigna unha ghotilo nate chekeni na. Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna. Idomi, kmami, tighami, vikemi, nei kherami teu ghotilo themi are ginauna snakre lao ghami ghotilo ka khamedi nomi naokare. Mare ginauna falelehe keha mae ka ghotilo. Eghuteuna naikno te gnafa gre ginauna tirodi ghami ghotilo, naugna ghotilo ne nogu iara. Nu neuba ngau, theo kaisei glepo ka igre nate thofno goigoni ghami ghotilo na. Ghotilo ginauna hatini thofno nakarha na kate kegra maku fabrahu ghotilo ka nomi fatutuani na.”


Mae Jisas ne cheke eghu, “Kate filodi ghotilo mae soldia te kafe khegra falithuni Jerusalem, ghotilo na laseni mare namo phaꞌe namono biꞌo Jerusalem. Eghuteuna kau narane tuana naikno te au ka Provins Judia gre, ginauna rikha tei ka thogele ro. Naikno te au Jerusalem gre ginauna jifla tei. Eghuteuna naikno te au mhata gre, thosei ke pulo mei ka namono biꞌo na. Naugna narane tuana narane God mala fatedi naikno tuare, eghuteuna gobigna lepo teke chekedi ka grioriso te blahi na igre ginauna tutuani fara. Kau narane tuana kokhonidi fara goro gaꞌase te buklare, ba te au thudi te chuꞌu teu! Puhi biꞌo balu diꞌanagnafa ginauna thoke mei ka naiknogna nohi igne. Eghuteuna diꞌatagna God na ginauna thokedi la mare. Kehare ginauna ghoreho ka naflahi, eghuteuna kehare ginauna hata tei mala sosolo ka keha namono delei. Naikno te theome Jiu igre ginauna mei goigoni ghami nei funei frunini namono Jerusalem ghilei thoke mei nodi narane leghu lahu na.”


Mae Jisas ne cheke eghu, “Keha fagaglana mamhaghuana ginauna thakle mei kau naprai, kau glaba, ba kau nathunu ka maloa gne. Naiknogna nauthoglu igne ginauna na thono mhaghu fara ka taitanhi gna galo na, ba ka longagna goighovi na. Gobigna lepo ka maloa gne ginauna kheu tongana ba nhogri. Naugna igne, naiknore ginauna mhaghu fara ghilei fnuda. Mare ginauna faꞌihodi ka ofoni teu unha nate eni ka nauthoglu tongana igne. Ke leghugna igne, mare ginauna filo ghau iara te soru mei ke kligna grokho balu nolaghi nei nafnakno biꞌo. Kate funu thoke mei glepo igre, ghotilo farerheta nagnafamire. Ghotilo kegra fadoglo mala filo haghe kligna, naugna narane God te mala fakarha ghami ghotilo na la namo meihi.”


Mae Jisas ne chekeni kaisei cheke naba ka nogna mae fanomhore. Mana ne cheke eghu ka mare, “Filo si ghotilo kau gaju fig ia, ba ka keha gaju te gnafa are. Kate filoni ghotilo te funu fufusa khakladire, ghotilo laseni hila finogha majaghani na la namohi. Jateula tuana eghu, kate filodi ghotilo gobigna lepo te edi igre, ghotilo ginauna laseni narane God te funei frunidi nogna naiknore la namo meihi. Tutuani fara te chekeni iara ka ghotilo na! Gobigna lepo te gnafa igre ginauna thoke mei kate theome lehe nga teu naikno te karha teu gognaro gre. Maloa ghe nauthoglu gre ginauna hui, nu chekegu iara na ginauna theo ka huigna.”

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na. Narane igne ginauna na jateula kaisei phighoro te mala fakhale nanghaji ra eghu ke klignadi naikno te gnafa ka nauthoglu igne. Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”
Leuleghu narane na, mae Jisas ne tei ne farirhiu ke lamna Sugablahi, eghuteuna fei grafi na mana tei ka thogele te kiloi Thogele Gaju Olivi. Hamerane boibongi leghu narane na naiknore tei ka Sugablahi na mala fanomho ka nogna farirhiu mae Jisas.

Слухаць Luku 21