If you would like a copy of this version please contact info@davarpartners.org

Ruhaya Old Testament

<div class="version vid3040 iso6393hay" data-vid="3040" data-iso6393="hay">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="s1">Omutunga nigwomera</div><div class="p"> 1Ruhanga aijuka Noa n'ebigunju byona n'ebitunganwa byona ebyo yabaire ainabyo omu bwato. Aho aihisa omuyaga, amaizi gabanza kutentena. 2Enchuro z'okuzimu owa dondondo, n'eiguru abikinga. Enjura elekera; 3n'amaizi gagenda nigakendera omu nsi. Aha nzindo y'ebiro kikumi mwo makumi gatanu amaizi gakaba gakehire. 4Ebiro ikumi na mushanju by'omwezi gwa mushanju, obwato bweteka aha mabanga ga Ararati. 5Amaizi gagendelera kukeha kulemwa kuhika omu mwezi gwa ikumi. Ekiro kya mbere ky'omwezi gwa ikumi ogwo, emitwe y'amabanga eboneka.</div><div class="p"> 6Ebiro makumi ganai kabyakeire, Noa akingura eidirisha ly'obwato elyo yabaire akozire, 7aturukya ekikona, kita nikituruka nikigaruka kuhika orwo amaizi gayomeire. 8Aho aturukya ekiba kuleba nk'amaizi gatenteine omu nsi. 9Kyonkai ekiba tikyaboine kanya kakwemelezaho kuguru, kityo kigaruka aha bwato, aha rw'okuba ensi yona ekaba ekyaina amaizi. Aho ashohoza omukono akikwata akigarura omu bwato.</div><div class="p"> 10Alindaho ebiro ebindi mushanju, ayema omu bwato ashuba akiturukya. 11Kikagaruka bwaigoro. K'abona okwo omu kanwa kakyo kina akatabi kabisi k'omuzeituni, nirwo yamanyire okwo amaizi gabaire gatenteine. 12Ashuba alindaho ebiro ebindi mushanju, akiturukya, aho tikyagarukire rundi.</div><div class="p"> 13Orwo Noa yagobya emyaka rukaga na gumoi n'ekiro kimoi, amaizi gakaba gayomire. Obwato kubwihyaho orushwi abona okwo ensi yayomire. 14Aha kiro kya ikumi na mushanju ky'omwezi gwa kabili ensi ekaba yayomeire kimoi.</div><div class="p"> 15Aho Ruhanga agambira Noa ati, 16&#8220;Turukya omu bwato na mukazi wawe, na batabani, bawe na bakamwana bawe: Bona okw'oinabo. 17Oturukire kimoi n'ebinyonyi, n'ebigunju, n'ebyekurura, bigye bizare bimareho ensi yona.&#8221; 18Aho Noa, na mukaziwe, n'abatabani, n'abakamwana: Bona okwo yabaire ainabo, baturuka. 19Buli nyamaishwa nayo eturuka, n'ebyekurura byona, n'ebinyonyi byona, buli kimoi omu ngeli yakyo, bishohora omu bwato.</div><div class="s1">Noa natamba ekitambo</div><div class="p"> 20Aho Noa ayombekera Omukama ealutare. Akwata buli kigunju ekyera na buli kinyonyi ekyera, abitamba ebitambo by'okwokibwa aha alutare egyo. 21Orwo Omukama yanukiirwe akatachu, atekeleza ati, &#8220;Tindiziza rundi kuraama nsi kugitura muntu, aha rw'okuba kwema buto omuntu atekeleza kubi. Tindiziza kusilikya rundi buli kitondwa ekina oburora nk'okwo ngizire. 22Orwo ensi ekyaliho harabagaho ekirumo ky'okubiba n'okugesha. Kandi harabagaho embeho n'eilimbe, ekyanda n'ekirumo ky'omunena, habeho nyemishana n'ekiro.&#8221;</div>
 </div>
 </div>
</div>

Ruhaya DC Bible © Bible Society of Tanzania, 2001.

Ruhanga aijuka Noa n'ebigunju byona n'ebitunganwa byona ebyo yabaire ainabyo omu bwato. Aho aihisa omuyaga, amaizi gabanza kutentena. Enchuro z'okuzimu owa dondondo, n'eiguru abikinga. Enjura elekera; n'amaizi gagenda nigakendera omu nsi. Aha nzindo y'ebiro kikumi mwo makumi gatanu amaizi gakaba gakehire. Ebiro ikumi na mushanju by'omwezi gwa mushanju, obwato bweteka aha mabanga ga Ararati. Amaizi gagendelera kukeha kulemwa kuhika omu mwezi gwa ikumi. Ekiro kya mbere ky'omwezi gwa ikumi ogwo, emitwe y'amabanga eboneka.
Ebiro makumi ganai kabyakeire, Noa akingura eidirisha ly'obwato elyo yabaire akozire, aturukya ekikona, kita nikituruka nikigaruka kuhika orwo amaizi gayomeire. Aho aturukya ekiba kuleba nk'amaizi gatenteine omu nsi. Kyonkai ekiba tikyaboine kanya kakwemelezaho kuguru, kityo kigaruka aha bwato, aha rw'okuba ensi yona ekaba ekyaina amaizi. Aho ashohoza omukono akikwata akigarura omu bwato.
Alindaho ebiro ebindi mushanju, ayema omu bwato ashuba akiturukya. Kikagaruka bwaigoro. K'abona okwo omu kanwa kakyo kina akatabi kabisi k'omuzeituni, nirwo yamanyire okwo amaizi gabaire gatenteine. Ashuba alindaho ebiro ebindi mushanju, akiturukya, aho tikyagarukire rundi.
Orwo Noa yagobya emyaka rukaga na gumoi n'ekiro kimoi, amaizi gakaba gayomire. Obwato kubwihyaho orushwi abona okwo ensi yayomire. Aha kiro kya ikumi na mushanju ky'omwezi gwa kabili ensi ekaba yayomeire kimoi.
Aho Ruhanga agambira Noa ati, “Turukya omu bwato na mukazi wawe, na batabani, bawe na bakamwana bawe: Bona okw'oinabo. Oturukire kimoi n'ebinyonyi, n'ebigunju, n'ebyekurura, bigye bizare bimareho ensi yona.” Aho Noa, na mukaziwe, n'abatabani, n'abakamwana: Bona okwo yabaire ainabo, baturuka. Buli nyamaishwa nayo eturuka, n'ebyekurura byona, n'ebinyonyi byona, buli kimoi omu ngeli yakyo, bishohora omu bwato.

Aho Noa ayombekera Omukama ealutare. Akwata buli kigunju ekyera na buli kinyonyi ekyera, abitamba ebitambo by'okwokibwa aha alutare egyo. Orwo Omukama yanukiirwe akatachu, atekeleza ati, “Tindiziza rundi kuraama nsi kugitura muntu, aha rw'okuba kwema buto omuntu atekeleza kubi. Tindiziza kusilikya rundi buli kitondwa ekina oburora nk'okwo ngizire. Orwo ensi ekyaliho harabagaho ekirumo ky'okubiba n'okugesha. Kandi harabagaho embeho n'eilimbe, ekyanda n'ekirumo ky'omunena, habeho nyemishana n'ekiro.”

Слухаць Embandizo 8