<div class="version vid2633 iso6393hif" data-vid="2633" data-iso6393="hif">
    <div class="book bkMAT">
        <div class="chapter chINTRO1" data-usfm="MAT.INTRO1">
            <div class="imt"><span class="content">I Buk Ke Baare Me&#241;</span></div><div class="ip"><span class="content">Pahaa&#7771; pe updes (5.1-7.28), Prabhu ke preya (6.9-13), aur maha&#241;ga ruuls (7.12: &#8220;Jeise tum ma&#241;gta hei ki log tumhaar sa&#241;ghe kare, tum bhi ulog ke sa&#241;ghe weisaiye&#241; karo&#8221;), i sab i buk me&#241; paawa jaay hei. Saait i buk, aur sab buk me&#241; se sab se achchha hei, jisman Yeeshu ke baare me&#241; aur uske parchaar ke baare me&#241; likha gais hei. Yahi khaatir Methiu ke susamaachaar ke buk, i chaaro buk me&#241; se sab se pahila buk rakkha gais hei.</span></div><div class="ip"><span class="content">Ek sab se achchha baat i buk me&#241; i hei ki Parmeshwar maa&#241;ge hei ki log uske hukum ke maane aur yahi Greek bhaasha me&#241; &#8216;Sachchaai&#8217; ya &#8216;Imaandaari&#8217; ke naam se i buk me&#241; saat dafe iyuz kara gais hei, jab ke Luuk to khali ek dafe iyuz karis hei, aur Maak to ekko dafe bhi nai iyuz karis hei. Yahi kaaran i jaruuri baat ke Methiu maa&#241;ge hei ki log samajhe sake ki Yeeshu ke vachan kaa hei.</span></div><div class="ip"><span class="content">Yeeshu i vachan sab se pahile aapan baptisma me&#241; iyuz karis raha, jab u Yuhanna ke bataais raha, &#8220;Hamme wahi kare ke hei jon Parmeshwar maa&#241;ge hei&#8221; (3.15). Aur pahaa&#7771;i updes me&#241; iske u paa&#241;ch dafe dohraay hei ki sab log ke Parmeshwar ke vachan maane ke waaste kaa kare ke hei (5.5,10,20; 6.1,33). Aur aakhri me&#241; u ba&#7771;a paadri aur agua log ke yaad karaay hei ki, &#8220;Yuhanna baptisma de waala tumme dharam ke rasta dekhaay hei&#8221; (21.32).</span></div><div class="ip"><span class="content">Methiu maa&#241;gat raha ki u Maseeh ke sandes aur uske kaam ke baare me&#241; i buk sab log tak pahu&#241;chaay. I khali puraana ruuls, ilog ke khaatir bahut jaruuri nai raha. Aur Methiu kabhi nai chuukis, i dekhaay ke waaste ki puraana niyam me&#241; iske saain hei ki Yeeshu ke Maseeh ban ke Parmeshwar ke bagal se aay ke hei. Methiu i buk i khaatir likhis hei ki Maseeh ke biswaasi yakeen kare sake ki Prabhu Yeeshu Maseeh me&#241; aapan biswaas i rakam rakkhis jon rakam puraana niyam me&#241; Maseeh ke Maseeha ke jagha mila raha, ki jisse sab log ke biswaas aur bhi ba&#7771;he.</span></div><div class="ip"><span class="content">Methiu aapan kahaani ke ant me&#241; wahi baat likhis hei jon Prabhu Yeeshu Maseeh aapan chela log se bolis raha, aur u i raha ki uske jaay ke baad ulog ke kaa kare ke hei.</span></div><div class="ipq"><span class="content">&#8220;Swarag aur prithwi ke sab adhikaar hamme mila hei. Yahi kaaran jaao aur sab jaati ke sab log ke chela banaao, aur ulog ke Pita, Putr aur Pawitr Aatma ke naam se baptisma deo. Aur ulog ke jon sab ham bataaya raha u sab ke paalan kare ke sikhaao. Aur dekho, ham jamaana ke ant tak, hardam tumhaar sa&#241;ghe hei&#8221; (28.18b-20).</span></div><div class="iot"><span class="content">I Buk Pe Ek Najar</span></div><div class="io1"><span class="content">Yeeshu ke janam aur uske baap daada (1.1&#8211;2.23)</span></div><div class="io1"><span class="content">Yuhanna baptisma de waala ke sandes (3.1-12)</span></div><div class="io1"><span class="content">Yeeshu ke baptisma aur &#7789;es&#7789; (3.13&#8211;4.11)</span></div><div class="io1"><span class="content">Yeeshu Galeel me&#241; (4.12&#8211;18.35)</span></div><div class="io1"><span class="content">Yeeshu Galeel se Yarushalam jaay hei (19.1&#8211;20.34)</span></div><div class="io1"><span class="content">Yeeshu ke aakhri hapta: Uske &#7789;es&#7789; aur maut (21.1&#8211;27.66)</span></div><div class="io1"><span class="content">Yeeshu jinda hei (28.1-20)</span></div>
        </div>
    </div>
</div>

Fiji Romanised Hindi © Bible Society of South Pacific, 2016.

I Buk Ke Baare Meñ
Pahaaṛ pe updes (5.1-7.28), Prabhu ke preya (6.9-13), aur mahañga ruuls (7.12: “Jeise tum mañgta hei ki log tumhaar sañghe kare, tum bhi ulog ke sañghe weisaiyeñ karo”), i sab i buk meñ paawa jaay hei. Saait i buk, aur sab buk meñ se sab se achchha hei, jisman Yeeshu ke baare meñ aur uske parchaar ke baare meñ likha gais hei. Yahi khaatir Methiu ke susamaachaar ke buk, i chaaro buk meñ se sab se pahila buk rakkha gais hei.
Ek sab se achchha baat i buk meñ i hei ki Parmeshwar maañge hei ki log uske hukum ke maane aur yahi Greek bhaasha meñ ‘Sachchaai’ ya ‘Imaandaari’ ke naam se i buk meñ saat dafe iyuz kara gais hei, jab ke Luuk to khali ek dafe iyuz karis hei, aur Maak to ekko dafe bhi nai iyuz karis hei. Yahi kaaran i jaruuri baat ke Methiu maañge hei ki log samajhe sake ki Yeeshu ke vachan kaa hei.
Yeeshu i vachan sab se pahile aapan baptisma meñ iyuz karis raha, jab u Yuhanna ke bataais raha, “Hamme wahi kare ke hei jon Parmeshwar maañge hei” (3.15). Aur pahaaṛi updes meñ iske u paañch dafe dohraay hei ki sab log ke Parmeshwar ke vachan maane ke waaste kaa kare ke hei (5.5,10,20; 6.1,33). Aur aakhri meñ u baṛa paadri aur agua log ke yaad karaay hei ki, “Yuhanna baptisma de waala tumme dharam ke rasta dekhaay hei” (21.32).
Methiu maañgat raha ki u Maseeh ke sandes aur uske kaam ke baare meñ i buk sab log tak pahuñchaay. I khali puraana ruuls, ilog ke khaatir bahut jaruuri nai raha. Aur Methiu kabhi nai chuukis, i dekhaay ke waaste ki puraana niyam meñ iske saain hei ki Yeeshu ke Maseeh ban ke Parmeshwar ke bagal se aay ke hei. Methiu i buk i khaatir likhis hei ki Maseeh ke biswaasi yakeen kare sake ki Prabhu Yeeshu Maseeh meñ aapan biswaas i rakam rakkhis jon rakam puraana niyam meñ Maseeh ke Maseeha ke jagha mila raha, ki jisse sab log ke biswaas aur bhi baṛhe.
Methiu aapan kahaani ke ant meñ wahi baat likhis hei jon Prabhu Yeeshu Maseeh aapan chela log se bolis raha, aur u i raha ki uske jaay ke baad ulog ke kaa kare ke hei.
“Swarag aur prithwi ke sab adhikaar hamme mila hei. Yahi kaaran jaao aur sab jaati ke sab log ke chela banaao, aur ulog ke Pita, Putr aur Pawitr Aatma ke naam se baptisma deo. Aur ulog ke jon sab ham bataaya raha u sab ke paalan kare ke sikhaao. Aur dekho, ham jamaana ke ant tak, hardam tumhaar sañghe hei” (28.18b-20).
I Buk Pe Ek Najar
Yeeshu ke janam aur uske baap daada (1.1–2.23)
Yuhanna baptisma de waala ke sandes (3.1-12)
Yeeshu ke baptisma aur ṭesṭ (3.13–4.11)
Yeeshu Galeel meñ (4.12–18.35)
Yeeshu Galeel se Yarushalam jaay hei (19.1–20.34)
Yeeshu ke aakhri hapta: Uske ṭesṭ aur maut (21.1–27.66)
Yeeshu jinda hei (28.1-20)

Слухаць Methiu I Buk Ke Baare Meñ