If you have would like a copy of this version please contact info@davarpartners.org

The Taita Old Testament

<div class="version vid2138 iso6393dav" data-vid="2138" data-iso6393="dav">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Kaini na Abeli</div><div class="p"> 1Nao Adamu ukammanya mkake Hawa, ukapata kifu, ukamva Kaini. Ukaghamba, &#8220;Nampata mwana wa womi kwa wutesia ghwa BWANA.&#8221; 2Na sena ukava mwana umu wa womi, Abeli. Abeli orekoghe mlisha wa ng'ondi, na Kaini orekoghe mlimi. 3Nyuma ya matuku ghamu, Kaini ukamredia BWANA vizongona va makuwido gha mavalo ghamu gha ndoe. 4Abeli nao ukareda wavalwa wa imbiri wa mfugho rake, ukafunya vizongona vinorie, na Mlungu ukamrumiria uo na kizongona chake wori;#Waeb. 11.4 5ela nderemrumirieghe Kaini na kizongona chake anduangi. Kaini ukawawa nandighi na kukucha wushu ghwake kwa machu. 6Nao BWANA ukamzera Kaini, &#8220;Kwaki kwakaia na machu? Na kwaki kwaghukucha wushu ghwako? 7Welee, kukabonya nicha ndekurumirilwagha? Iji kusebonyere nicha, kaung'a eko aeni, nayo yawuyakulaliria mnyangonyi ikikulola, yaawuyakukunda; ela suti kuisime.&#8221;</div><div class="p"> 8Kaini ukamzera mruna Abeli, &#8220;Nndoko disele noko cha mbuwenyi.&#8221; Hata iji werekoghe aho mbuwenyi, Kaini ukamchumbia mruna Abeli ukam'bwagha.#Mat. 23.35; Lk. 11.51; 1 Joh. 3.12 9BWANA ukamkotia Kaini, &#8220;Welee, mwanyinyu Abeli oko hao?&#8221; Ukatumbulia, &#8220;Simanyire. Neeka mlindiri wa mwanidu?&#8221; 10Aho BWANA ukamzera, &#8220;Kwabonya wada? Lwaka lwa bagha ya mwanyinyu lwawuyakema imbiri kwapo kufuma ndoenyi.#Waeb. 12.24 11Idana kwawasirwa njowe oho kufuma kwa iyo ndoe yatambarua momu ghwake na kuimila bagha ya mwanyinyu, uhu kwam'bwagha kwa mkonu ghwako. 12Iji kwailima ndoe, ndeichaakuneka mavalo ghangi, kuchakaia kusewadie muzi na mundu omara-mara ndoenyi.&#8221;</div><div class="p"> 13Nao Kaini ukamzera BWANA, &#8220;Ikabo japo janichumba ndighi. 14Zighana, oho kwaniwinga nifume ndoenyi, nani nichavisika mesonyi kwako, nichakaia mundu omara-mara ndoenyi na uo ose uchaaniwona uchanibwagha.&#8221; 15Niko BWANA ukamzera, &#8220;Si huwo kungi, ngera mndungi wakubwagha oho, uchalipilwa ngenga mando mfungade.&#8221; Nao BWANA ukam'bonya Kaini alama eri mndungi ukakwana nao usem'bwaghe. 16Niko Kaini ukafuma imbiri ya BWANA, ukakaia isanga ja Nodi,#4.16 Nodi: kutambua kwaro ni &#8220;Kumara-mara.&#8221; mashariki ya Edeni.</div><div class="s">Kivalwa cha Kaini</div><div class="p"> 17Nao Kaini ukammanya mkake, ukapata kifu ukava mwana wa womi, ukammbanga Enoko; ukaagha muzi, ukaghuwanga Enoko kunughana na irina ja mwana wake. 18Enoko orekoghe na mwana uwangwagha Iradi, nuo ndee Mehuyaeli; na Mehuyaeli ukava mwana ukammbanga Methushaeli, nuo ndee Lameki. 19Lameki orelowueghe waka wawi, nawo ni Ada na Sila. 20Ada ukamva Jabeli, nao nuo ndee wa awa wifughagha mfugho na kukaia hemenyi. 21Irina ja mruna orewangwagha Jubali, nao nuo ndee wa wabori awa wikabagha vinubi na misherembe. 22Sila ukamva Tubali-kaini, nuo mchani vuma na shaba, na mruna wa waka orewangwagha Naama.</div><div class="p"> 23Nao Lameki ukawizera waka wake:</div><div class="q">&#8220;Sikirienyi inyo Ada na Sila,</div><div class="q">inyo waka wapo sikirenyi agho nighoragha:</div><div class="q">uo mdawana angu orenikabieghe.</div><div class="q"> 24Ikakaia wandu mfungade wichabwaghwa</div><div class="q">kwa kulipia kubwaghwa kwa Kaini,</div><div class="q">kwa loli mirongo mfungade na mfungade wichabwaghwa kunilipia ini.&#8221;</div><div class="s">Sethi na Enoshi</div><div class="p"> 25Nao Adamu ukammanya mkake sena, ukava mwana wa womi, ukammbanga Sethi, angu oreghambieghe, &#8220;Mlungu wanineka mwana umu wulalo ghwa Abeli uo orebwaghiloghe ni Kaini.&#8221; 26Sethi ukava mwana wa womi, nao ukammbanga Enoshi. Ngelo iyo, wadamu werezoeghe kumtasa BWANA.</div>
 </div>
 </div>
</div>

Nao Adamu ukammanya mkake Hawa, ukapata kifu, ukamva Kaini. Ukaghamba, “Nampata mwana wa womi kwa wutesia ghwa BWANA.” Na sena ukava mwana umu wa womi, Abeli. Abeli orekoghe mlisha wa ng'ondi, na Kaini orekoghe mlimi. Nyuma ya matuku ghamu, Kaini ukamredia BWANA vizongona va makuwido gha mavalo ghamu gha ndoe. Abeli nao ukareda wavalwa wa imbiri wa mfugho rake, ukafunya vizongona vinorie, na Mlungu ukamrumiria uo na kizongona chake wori; ela nderemrumirieghe Kaini na kizongona chake anduangi. Kaini ukawawa nandighi na kukucha wushu ghwake kwa machu. Nao BWANA ukamzera Kaini, “Kwaki kwakaia na machu? Na kwaki kwaghukucha wushu ghwako? Welee, kukabonya nicha ndekurumirilwagha? Iji kusebonyere nicha, kaung'a eko aeni, nayo yawuyakulaliria mnyangonyi ikikulola, yaawuyakukunda; ela suti kuisime.”
Kaini ukamzera mruna Abeli, “Nndoko disele noko cha mbuwenyi.” Hata iji werekoghe aho mbuwenyi, Kaini ukamchumbia mruna Abeli ukam'bwagha. BWANA ukamkotia Kaini, “Welee, mwanyinyu Abeli oko hao?” Ukatumbulia, “Simanyire. Neeka mlindiri wa mwanidu?” Aho BWANA ukamzera, “Kwabonya wada? Lwaka lwa bagha ya mwanyinyu lwawuyakema imbiri kwapo kufuma ndoenyi. Idana kwawasirwa njowe oho kufuma kwa iyo ndoe yatambarua momu ghwake na kuimila bagha ya mwanyinyu, uhu kwam'bwagha kwa mkonu ghwako. Iji kwailima ndoe, ndeichaakuneka mavalo ghangi, kuchakaia kusewadie muzi na mundu omara-mara ndoenyi.”
Nao Kaini ukamzera BWANA, “Ikabo japo janichumba ndighi. Zighana, oho kwaniwinga nifume ndoenyi, nani nichavisika mesonyi kwako, nichakaia mundu omara-mara ndoenyi na uo ose uchaaniwona uchanibwagha.” Niko BWANA ukamzera, “Si huwo kungi, ngera mndungi wakubwagha oho, uchalipilwa ngenga mando mfungade.” Nao BWANA ukam'bonya Kaini alama eri mndungi ukakwana nao usem'bwaghe. Niko Kaini ukafuma imbiri ya BWANA, ukakaia isanga ja Nodi, mashariki ya Edeni.

Nao Kaini ukammanya mkake, ukapata kifu ukava mwana wa womi, ukammbanga Enoko; ukaagha muzi, ukaghuwanga Enoko kunughana na irina ja mwana wake. Enoko orekoghe na mwana uwangwagha Iradi, nuo ndee Mehuyaeli; na Mehuyaeli ukava mwana ukammbanga Methushaeli, nuo ndee Lameki. Lameki orelowueghe waka wawi, nawo ni Ada na Sila. Ada ukamva Jabeli, nao nuo ndee wa awa wifughagha mfugho na kukaia hemenyi. Irina ja mruna orewangwagha Jubali, nao nuo ndee wa wabori awa wikabagha vinubi na misherembe. Sila ukamva Tubali-kaini, nuo mchani vuma na shaba, na mruna wa waka orewangwagha Naama.
Nao Lameki ukawizera waka wake:
“Sikirienyi inyo Ada na Sila,
inyo waka wapo sikirenyi agho nighoragha:
uo mdawana angu orenikabieghe.
Ikakaia wandu mfungade wichabwaghwa
kwa kulipia kubwaghwa kwa Kaini,
kwa loli mirongo mfungade na mfungade wichabwaghwa kunilipia ini.”

Nao Adamu ukammanya mkake sena, ukava mwana wa womi, ukammbanga Sethi, angu oreghambieghe, “Mlungu wanineka mwana umu wulalo ghwa Abeli uo orebwaghiloghe ni Kaini.” Sethi ukava mwana wa womi, nao ukammbanga Enoshi. Ngelo iyo, wadamu werezoeghe kumtasa BWANA.

Слухаць KUZOYA 4