Aruamu - 2004 Edition (NT) Drama

<div class="version vid913 iso6393msy" data-vid="913" data-iso6393="msy">
 <div class="book bkMAT">
 <div class="chapter ch16" data-usfm="MAT.16">
 <div class="label">16</div><div class="s">Me Iesus m&#616;g&#616;a ghaze, a mirakel&#616;n tam damuam</div><div class="r">(Mak 8:11-13 ko Luk 12:54-56)</div><div class="p"> 1Ez&#616; Farisiba ko Sadyusiba Iesus basamasa a bagha izi. Me iza ghaze, a mirakel&#616;n arazitam damight&#616;, an otoght&#616; me kamagh&#616;n fogham, a guizbang&#616;ra God&#616;n ingangarim gami. 2Ez&#616; a kamagh&#616;n men m&#616;g&#616;r&#616;g&#616;aba ikaragha ghaze, &#8220;Ia guarat&#616;zibar ghaze, overiam aghevez&#616;, ez&#616; gurum&#616;n dughiam deragham. 3Egha m&#616;zarazibar ia ghaze, ghuariam korogha p&#616;z&#616;ma, aruem aghevez&#616;, ez&#616; ia ghaze, amozim dat&#616;r&#616;gh&#616;n iz&#616;t&#616;ma, dughiam deraghan kogham. Guizbang&#616;ra, ia overiam&#616;n otivir biziba derav&#616;ra dagh fo. Egha ia dughiar kam&#616;n otivir arazibar gara da ab&#616;zir puvat&#616;.#(16:2-3) Fofozir gumazir av&#616;riba ghaze, ves 2 ko ves 3&#616;n itir m&#616;g&#616;r&#616;g&#616;aba, gumazir igharazir mam g&#616;n da osiri. Egha ghaze, Matyu da osirizir puvat&#616;. 4Gumazamizir dughiar kam&#616;n itiba, me bar gumazamizir kuraba! Egha me guizbang&#616;ra God baghav&#616;ra itir puvat&#616;. Me zurara mirakel&#616;n tam&#616;n ganasa. Me tam&#616;n ganighan kogham. Puvat&#616;. God mirakel&#616;n arazir vam&#616;ra men akagham. God&#616;n akam inigha izir gumazim Jona batozir mirakel&#616;n kamra, me an ganam.&#8221; Egha Iesus me ategha ghu.</div><div class="s">Farisiba ko Sadyusibar yis&#616;n akar is&#616;n zuim</div><div class="r">(Mak 8:14-21)</div><div class="p"> 5Ez&#616; Iesus uan suren gumaziba ko ghua d&#616;pam&#616;n vong&#616;n otifi, egha g&#616;n gari, me bret&#616;n tam inian ok&#616;n&#616;ghn&#616;ki. 6Ez&#616; Iesus kamagh&#616;n me m&#616;gei, &#8220;Ia deragh uari bagh gan. Ia Farisiba ko Sadyusibar yis bagh derav&#616;ra gan.&#8221; 7Ez&#616; an suren gumaziba magh&#616;ra uarira uariv g&#616;a ghaze, &#8220;E ti bret&#616;n tam inigha izezir puvat&#616;z&#616;, ez&#616; a kamagh&#616;n yis&#616;n bizim&#616;n e m&#616;gei.&#8221; 8Ez&#616; Iesus me m&#616;geir m&#616;g&#616;r&#616;g&#616;abagh fo, egha me m&#616;g&#616;a ghaze, &#8220;Ia gumazir n&#616;ghn&#616;zir gavgavir muziariba itiba! Ia tizim bagha uarira uariv g&#616;a ghaze, e bretba puvat&#616;? 9Ia ti fozir puvat&#616;? Ia ti ok&#616;n&#616;ghn&#616;ki, k&#616; bret&#616;n 5 pla inigha gumazir 5,000 pla dagheba me gan&#616;ngi. Me amez&#616;, ez&#616; ia ak&#616;raba manmagh&#616;n dagh aghui, ia dagh n&#616;ghn&#616;si, o puvat&#616;? 10Egha ia ti fo, k&#616; bret&#616;n 7 pla inigha gumazir 4,000 pla dagheba me gan&#616;ngi. Ez&#616; g&#616;n men dagher naba itima, ia ak&#616;raba manmagh&#616;n dagh aghui? 11Ia manmagh&#616;n amigha bizir kam g&#616;fozir puvat&#616;, k&#616; bretbagh n&#616;ghn&#616;gha ia m&#616;geir puvat&#616;? K&#616; ghaze, ia Farisiba ko Sadyusibar yis bagh deragh uari bagh gan.&#8221; 12Ez&#616; me akar kam baregha fo, Iesus bret bagha amir yis&#616;n m&#616;geir puvat&#616;. Me fo, a Farisiba ko Sadyusiba sure gamir akabagh n&#616;ghn&#616;gha, egha ghaze, ia akar kaba bagh derav&#616;ra uari bagh gan.</div><div class="s">Pita Iesus&#616;n gun m&#616;gei</div><div class="r">(Mak 8:27-30 ko Luk 9:18-21)</div><div class="p"> 13Ez&#616; Iesus ghua Sisaria Filipain nguibam&#616;n borogh&#616;n itir danganim&#616;n ghu, egha dughiar kam&#616;n uan suren gumazibar azai, &#8220;Gumazamiziba manmagh&#616;n m&#616;gei, Gumazibar Otarim a tina?&#8221; 14Ez&#616; me ghaze, &#8220;Marazi ghaze, n&#616; Jon Gumaziba Ruer Gumazim, marazi ghaze n&#616; Elaija, marazi ghaze n&#616; Jeremaia, o n&#616; ti God&#616;n akam inigha izir gumazir mam.&#8221; 15Ez&#616; Iesus men azai, &#8220;Ez&#616; ia uari, ia manmagh&#616;n na d&#616;ponam? K&#616; tina?&#8221;</div><div class="p"> 16Ez&#616; Saimon Pita a ikaragha ghaze, &#8220;N&#616; Krais, God Ua E Iniasa M&#616;sevezir Gumazim. N&#616; God&#616;n zurara ikiav&#616;ra itim&#616;n Otarim.&#8221;</div><div class="p"> 17Ez&#616; Iesus a ikaragha kamagh&#616;n a m&#616;g&#616;a ghaze, &#8220;Saimon, Jon&#616;n otarim, nguazim&#616;n gumazitam m&#616;g&#616;r&#616;g&#616;ar kam n&#616;n akazir pu. Puvat&#616;. Nan Afeziar uan Nguibam&#616;n itimra, n&#616;n aka. Kamagh&#616;n n&#616; bar akongegh. 18Ez&#616; k&#616; n&#616; m&#616;gei, n&#616; Pita. Egh dag&#616;ar kam gis&#616;n k&#616; uan sios&#616;n ingaram, eght&#616; Ovevem&#616;n Gavgavim an suiragh anep&#616;righ&#616;va a gas&#616;ghasighan kogham.#(16:18) Grigh&#616;n akam&#616;n aven, ziar kam Pita, an m&#616;ngarimra kara, Dag&#616;am. 19Eght&#616; k&#616; God Bizibagh Ativamin Dughiam&#616;n kiba is&#616;va n&#616;n dafarim dat&#616;gham. Eght&#616; bizir manam n&#616; nguazim&#616;n a ikeght&#616;, eght&#616; God uan Nguibam&#616;n uaghan a ikegham. Eght&#616; n&#616; nguazim&#616;n bizir manam a f&#616;right&#616;, eght&#616; God uan Nguibam&#616;n uaghan kamagh&#616;ra a f&#616;righam. 20Egha Iesus pamten uan suren gumaziba anogorogha ghaze, me tong an gun tav m&#616;k&#616;m suam, a Gumazir God Uam E Iniasa M&#616;sevezim.&#8221;</div><div class="ms">Iesus ovengasa, egha uan suren gumaziba m&#616;g&#616;a ghaze, me uaghan an amir araziba, dar amuam</div><div class="mr">(Sapta 16:21-20:34)</div><div class="s">Iesus ghaze, an ovegh ua d&#616;kavam</div><div class="r">(Mak 8:31-9:1 ko Luk 9:22-27)</div><div class="p"> 21Ez&#616; dughiar kam&#616;n ikegha ghua, Iesus uan suren gumaziba bighav&#616;ra me m&#616;g&#616;a ghaze, a Jerusalem&#616;n mangam, eght&#616; gumazir aruaba, ko ofa gamir gumazir ekiaba, koma Judabar arazibagh fozir gumaziba, a men dafarim&#616;n bar m&#616;zazir ekiaba koma os&#616;mt&#616;ziba iniam. Eght&#616; me an aghuagh&#616;va a m&#616;sueght&#616;ma an aremegham. Egh dughiar m&#616;kezim&#616;n a ua d&#616;kavigham. 22Ez&#616; Pita akar kam baregha Iesus inigha m&#616;riam&#616;n ghua kamagh&#616;n an atara a m&#616;g&#616;a ghaze, &#8220;Bar puv&#616;rat&#616;gham. Arazir kaba n&#616; bativan kogham.&#8221; 23Ez&#616; Iesus raghr&#616;gha kamagh&#616;n Pita m&#616;gei, &#8220;Satan, n&#616; na gitagh! N&#616; nguazim&#616;n bizibagh n&#616;ghn&#616;gha egha God&#616;n bizibagh n&#616;ghn&#616;zir puvat&#616;, kamagh&#616;n n&#616; nan tuavim ap&#616;ri.&#8221;</div><div class="p"> 24Egha Iesus kamagh&#616;n uan suren gumazibav gei, &#8220;Gumazitam nan g&#616;n iz&#616;s&#616;, a ifongezir biziba g&#616;n amadagh uan temer ighuvim gisaghpugh nan g&#616;n iz&#616;. 25Gumazir manam uan ik&#616;r&#616;m&#616;rim suiraghs&#616; n&#616;ghn&#616;ght&#616;, an ik&#616;r&#616;m&#616;rim g&#616;vagham. Eght&#616; gumazir manam na bagh uan ik&#616;r&#616;m&#616;rim ategh&#616;va, uan ik&#616;r&#616;m&#616;rim iniam. 26Gumazitam nguazim&#616;n itir biziba bar da iniva, egh a g&#616;n oveght&#616;, bizir kaba manmagh&#616;n an akuragham? Bar puvat&#616;. A ivezir manam&#616;n uan duam bagh aneren&#616;ngam? Bar puvat&#616;. 27Guizbang&#616;ra, Gumazibar Otarim uan enselba ko, uan Afeziam&#616;n angazangarir ekiam sara izam. Egh dughiar kam&#616;n ivezim is&#616; gumazamiziba vaghvagh men araziba bagh me dan&#616;ngam. 28K&#616; guizbang&#616;ra ia m&#616;gei, ia kagh tuivighav itir darasi, ian tarazi oveghan kogham. Ia ik&#616;v&#616;ra ik&#616; gant&#616;ma, Gumazibar Otarim, Atrivir Ekiam&#616;n m&#616;n otogh ua izam.&#8221;</div>
 </div>
 </div>
</div>

Ezɨ Farisiba ko Sadyusiba Iesus basamasa a bagha izi. Me iza ghaze, a mirakelɨn arazitam damightɨ, an otoghtɨ me kamaghɨn fogham, a guizbangɨra Godɨn ingangarim gami. Ezɨ a kamaghɨn men mɨgɨrɨgɨaba ikaragha ghaze, “Ia guaratɨzibar ghaze, overiam aghevezɨ, ezɨ gurumɨn dughiam deragham. Egha mɨzarazibar ia ghaze, ghuariam korogha pɨzɨma, aruem aghevezɨ, ezɨ ia ghaze, amozim datɨrɨghɨn izɨtɨma, dughiam deraghan kogham. Guizbangɨra, ia overiamɨn otivir biziba deravɨra dagh fo. Egha ia dughiar kamɨn otivir arazibar gara da abɨzir puvatɨ. Gumazamizir dughiar kamɨn itiba, me bar gumazamizir kuraba! Egha me guizbangɨra God baghavɨra itir puvatɨ. Me zurara mirakelɨn tamɨn ganasa. Me tamɨn ganighan kogham. Puvatɨ. God mirakelɨn arazir vamɨra men akagham. Godɨn akam inigha izir gumazim Jona batozir mirakelɨn kamra, me an ganam.” Egha Iesus me ategha ghu.


Ezɨ Iesus uan suren gumaziba ko ghua dɨpamɨn vongɨn otifi, egha gɨn gari, me bretɨn tam inian okɨnɨghnɨki. Ezɨ Iesus kamaghɨn me mɨgei, “Ia deragh uari bagh gan. Ia Farisiba ko Sadyusibar yis bagh deravɨra gan.” Ezɨ an suren gumaziba maghɨra uarira uariv gɨa ghaze, “E ti bretɨn tam inigha izezir puvatɨzɨ, ezɨ a kamaghɨn yisɨn bizimɨn e mɨgei.” Ezɨ Iesus me mɨgeir mɨgɨrɨgɨabagh fo, egha me mɨgɨa ghaze, “Ia gumazir nɨghnɨzir gavgavir muziariba itiba! Ia tizim bagha uarira uariv gɨa ghaze, e bretba puvatɨ? Ia ti fozir puvatɨ? Ia ti okɨnɨghnɨki, kɨ bretɨn 5 pla inigha gumazir 5,000 pla dagheba me ganɨngi. Me amezɨ, ezɨ ia akɨraba manmaghɨn dagh aghui, ia dagh nɨghnɨsi, o puvatɨ? Egha ia ti fo, kɨ bretɨn 7 pla inigha gumazir 4,000 pla dagheba me ganɨngi. Ezɨ gɨn men dagher naba itima, ia akɨraba manmaghɨn dagh aghui? Ia manmaghɨn amigha bizir kam gɨfozir puvatɨ, kɨ bretbagh nɨghnɨgha ia mɨgeir puvatɨ? Kɨ ghaze, ia Farisiba ko Sadyusibar yis bagh deragh uari bagh gan.” Ezɨ me akar kam baregha fo, Iesus bret bagha amir yisɨn mɨgeir puvatɨ. Me fo, a Farisiba ko Sadyusiba sure gamir akabagh nɨghnɨgha, egha ghaze, ia akar kaba bagh deravɨra uari bagh gan.


Ezɨ Iesus ghua Sisaria Filipain nguibamɨn boroghɨn itir danganimɨn ghu, egha dughiar kamɨn uan suren gumazibar azai, “Gumazamiziba manmaghɨn mɨgei, Gumazibar Otarim a tina?” Ezɨ me ghaze, “Marazi ghaze, nɨ Jon Gumaziba Ruer Gumazim, marazi ghaze nɨ Elaija, marazi ghaze nɨ Jeremaia, o nɨ ti Godɨn akam inigha izir gumazir mam.” Ezɨ Iesus men azai, “Ezɨ ia uari, ia manmaghɨn na dɨponam? Kɨ tina?”
Ezɨ Saimon Pita a ikaragha ghaze, “Nɨ Krais, God Ua E Iniasa Mɨsevezir Gumazim. Nɨ Godɨn zurara ikiavɨra itimɨn Otarim.”
Ezɨ Iesus a ikaragha kamaghɨn a mɨgɨa ghaze, “Saimon, Jonɨn otarim, nguazimɨn gumazitam mɨgɨrɨgɨar kam nɨn akazir pu. Puvatɨ. Nan Afeziar uan Nguibamɨn itimra, nɨn aka. Kamaghɨn nɨ bar akongegh. Ezɨ kɨ nɨ mɨgei, nɨ Pita. Egh dagɨar kam gisɨn kɨ uan siosɨn ingaram, eghtɨ Ovevemɨn Gavgavim an suiragh anepɨrighɨva a gasɨghasighan kogham. Eghtɨ kɨ God Bizibagh Ativamin Dughiamɨn kiba isɨva nɨn dafarim datɨgham. Eghtɨ bizir manam nɨ nguazimɨn a ikeghtɨ, eghtɨ God uan Nguibamɨn uaghan a ikegham. Eghtɨ nɨ nguazimɨn bizir manam a fɨrightɨ, eghtɨ God uan Nguibamɨn uaghan kamaghɨra a fɨrigham. Egha Iesus pamten uan suren gumaziba anogorogha ghaze, me tong an gun tav mɨkɨm suam, a Gumazir God Uam E Iniasa Mɨsevezim.”




Ezɨ dughiar kamɨn ikegha ghua, Iesus uan suren gumaziba bighavɨra me mɨgɨa ghaze, a Jerusalemɨn mangam, eghtɨ gumazir aruaba, ko ofa gamir gumazir ekiaba, koma Judabar arazibagh fozir gumaziba, a men dafarimɨn bar mɨzazir ekiaba koma osɨmtɨziba iniam. Eghtɨ me an aghuaghɨva a mɨsueghtɨma an aremegham. Egh dughiar mɨkezimɨn a ua dɨkavigham. Ezɨ Pita akar kam baregha Iesus inigha mɨriamɨn ghua kamaghɨn an atara a mɨgɨa ghaze, “Bar puvɨratɨgham. Arazir kaba nɨ bativan kogham.” Ezɨ Iesus raghrɨgha kamaghɨn Pita mɨgei, “Satan, nɨ na gitagh! Nɨ nguazimɨn bizibagh nɨghnɨgha egha Godɨn bizibagh nɨghnɨzir puvatɨ, kamaghɨn nɨ nan tuavim apɨri.”
Egha Iesus kamaghɨn uan suren gumazibav gei, “Gumazitam nan gɨn izɨsɨ, a ifongezir biziba gɨn amadagh uan temer ighuvim gisaghpugh nan gɨn izɨ. Gumazir manam uan ikɨrɨmɨrim suiraghsɨ nɨghnɨghtɨ, an ikɨrɨmɨrim gɨvagham. Eghtɨ gumazir manam na bagh uan ikɨrɨmɨrim ateghɨva, uan ikɨrɨmɨrim iniam. Gumazitam nguazimɨn itir biziba bar da iniva, egh a gɨn oveghtɨ, bizir kaba manmaghɨn an akuragham? Bar puvatɨ. A ivezir manamɨn uan duam bagh anerenɨngam? Bar puvatɨ. Guizbangɨra, Gumazibar Otarim uan enselba ko, uan Afeziamɨn angazangarir ekiam sara izam. Egh dughiar kamɨn ivezim isɨ gumazamiziba vaghvagh men araziba bagh me danɨngam. Kɨ guizbangɨra ia mɨgei, ia kagh tuivighav itir darasi, ian tarazi oveghan kogham. Ia ikɨvɨra ikɨ gantɨma, Gumazibar Otarim, Atrivir Ekiamɨn mɨn otogh ua izam.”

Listen to Matyu 16