Texte de la Bible: Azumeina © Alliance Biblique du Tchad, 1999 Enregistrement du Nouveau Testament Azumeina ℗ 2012 Hosanna

Azumeina - 2012 Edition (NT) Drama

<div class="version vid855 iso6393mpg" data-vid="855" data-iso6393="mpg">
 <div class="book bkMAT">
 <div class="chapter ch25" data-usfm="MAT.25">
 <div class="label">25</div><div class="s">D&#8217;ogol ma yam gro yugunei suma dogonina</div><div class="p"> 1Jesus mi had&#8217;azi kua ala: Ata yi m&#225;ma, leu d&#8217;a akulod&#8217;a mba d&#8217;i hle tat ni d&#8217;igi gro yugunei suma dogo suma a yo lalam mazid&#8217;a a buzuk &#225; d&#8217;ugol sala telina na. 2Vahl adigazi ni suma lilid&#8217;a, vahl ni suma ned&#8217;a. 3Suma lilid&#8217;a a yo lalam mazid&#8217;a, wani a yo nga mbul&#226; abozi d&#8217;i. 4Wani suma ned&#8217;a a yo gugurei mazi suma mbul&#226; abozi zlapa ki lalam mazid&#8217;a. 5Kid&#8217;a sala tela yam s&#228; d&#8217;i ve tua d&#8217;a, irazi nde d&#8217;i lazi sena, a bur sena.</div><div class="p"> 6Kandjege dang&#226;la, dela nga d&#8217;i yi ala: Gola! Sala tela nga mi dj&#239;ya. Agi buzugugi d&#8217;ugulomu. 7Ata yi m&#225;ma, gro yuguneina pet a tchol akulo, a nga min lalam mazid&#8217;a. 8Suma lilid&#8217;a a de mi suma ned&#8217;a ala: Agi hami mbul do, kayam lalam mamid&#8217;a ti mit ni mid&#8217;a. 9Wani suma ned&#8217;a a hulong dazi ala: Dam mbul&#226; mba mi ndak kami ki agi d&#8217;i. Agi igi gen suma a nga guzum mbeina, agi guzugi yam tagiya. 10Kid&#8217;a azi i gusid&#8217;a, sala tela mi mba. Yugunei suma a min tazina a tchuk ki sed&#8217;em ata yima te ma tela; bugola, a duk vuna. 11Bugola, yugunei suma hiuna a mba, a dala: Salamina, Salamina, ang malami vuna. 12Wani mi hulong dazi ala: Gagazi, an nga dagiya, an wagi nga d&#8217;i.</div><div class="p"> 13Jesus mi de kua ala: Kayam ndata, agi kagagi ki ndjola, kayam agi wagi nga bur&#226; d&#8217;oze lera d&#8217;i.</div><div class="s">D&#8217;ogol ma yam azunge&#238; suma hindinina</div><div class="r">(Gol Luc 19.11-27)</div><div class="p"> 14Jesus mi had&#8217;azi kua ala: Leu d&#8217;a akulod&#8217;a mba d&#8217;i hle tat ni d&#8217;igi sama mi tchol &#225; i yam andaga d&#8217;a dinga, mi yi azunge&#238; mama, mi hazi bege mamba abozi na na. 15Mi he mi ma tuna gurzu talanda vahl, mi he ma hina mb&#224;, mi he ma hina tu mi, nge nge p&#238; ndak yam ad&#8217;eng mama. Mi ge tam mi iya. 16Ata yi m&#225;ma na wat, ma ve talanda vahl&#226;, mi i mbut abom ki sed&#8217;ed&#8217;u, mi fe mbina kat kua vahl. 17Mam ma ve talanda mb&#224;na, mi le hina mi, mi fe kat kua mb&#224; mi. 18Wani ma ve talanda tuna, mi i djogot zula k&#228; andaga, mi ngei beged&#8217;a hi salamid&#8217;a kua.</div><div class="p"> 19Bugol la bizad&#8217;a ablaud&#8217;a, salazina mi hulong&#238;ya, mi nde ndum bege d&#8217;a mi hazizid&#8217;a. 20Ma ve talanda vahl&#226; mi mba ki talan nda dinga kua vahl, mi dala: Salana, ang han talanda vahl. Gola! An fe d&#8217;a dinga kat kua vahl wana. 21Salama mi dum ala: Djivi he&#238;, ang azong ma djivi ma d&#8217;engzeng&#226;. Ang le d&#8217;engzeng kahle suma akid&#8217;eina, an mba ni tining yam ahlena ablaud&#8217;a. Ang mbe&#239; le fur&#238;d&#8217;a ki sed&#8217;enu. 22Ma ve talanda mb&#224;na mi mba, mi dum ala: Salana, ang han talanda mb&#224;. Gola! An fe d&#8217;a dinga kat kua mb&#224; wana. 23Salama mi dum ala: Djivi he&#238;, ang azong ma djivi ma d&#8217;engzeng&#226;, ang le d&#8217;engzeng kahle suma akid&#8217;eina, an mba ni tining yam ahlena ablaud&#8217;a. Ang mbe&#239; le fur&#238;d&#8217;a ki sed&#8217;enu. 24Ma ve talanda tuna mi mba, mi dum ala: Salana, an wala ang&#238; sama ad&#8217;eng&#226;, ang nga dut ata yima ang yak nga kua d&#8217;uo na, ang nga tok ata yima ang zar nga kua d&#8217;uo na mi. 25An ring mandar&#226;, an i ngei talan manga k&#228; aduk andagad&#8217;a. Gola! Va mang&#226; wana. 26Wani salama mi hulong dum ala: Ang azong ma tcho ma azulomba, ang le wala an nga ni dut ata yima an yak nga kua d&#8217;uo na, an nga ni tok ata yima an zar nga kua d&#8217;uo na mi ni, 27ang i handji bege manda abo suma ngom beged&#8217;a, an mba ka hina wani, an fat ni ki mbiyod&#8217;u. 28Agi vagi talan nda abomba, agi hat mi ma mamba dogona. 29Kayam sama nga ki va aboma, a mba hum kam kua ngola. Wani sama nga ki va abom mbuo na, vama mam nga ki na p&#238; a mba hlumzi woi abomu. 30Agi gagi azong ma tcho m&#225;ma woi abu kur nduvunda. Ni yima suma a mba tchi a mba mut siyazi kua ngolina.</div><div class="s">Sariya d&#8217;a dananda</div><div class="p"> 31Jesus mi had&#8217;azi kua ala: Fata an Gor Sana mba ni mbe&#239; kamul manda zlapa ki malaikana peta, ata yi m&#225;ma, an mba ni kak yam zlam man nda amul la subura. 32Andjaf suma pet a mba tok k&#228; avoronu. An mba ni walazi irazi woi d&#8217;igi ma pola mi wal ir tumiy&#244;na ki b&#8217;ogeina na. 33An mba ni tok tumiy&#244;na yam bigan nda ndjufa, b&#8217;ogeina yam bigan nda gulad&#8217;a mi.</div><div class="p"> 34Ata yi m&#225;ma, an amul&#226; mba ni de mi suma yam bigan nda ndjufina ala: Agi suma Abun mi b&#8217;e vunam kagina, agi mbeyeg&#239;ya, agi tagi leu d&#8217;a a minit kagi kad&#8217;u tinda hi duniyad&#8217;a deid&#8217;a. 35Kayam meid&#8217;a ti tchanu, agi han tena; vunan mi so, agi han mbiyo ma tched&#8217;a; an mba akoid&#8217;a, agi van avo hatagi mi. 36An gandilad&#8217;a, agi tchugun baruna atanu; an tugud&#8217;eid&#8217;a, agi mba d&#8217;unu; an kur dangeina, agi mbagi geven mi.</div><div class="p"> 37Ata yi m&#225;ma, suma d&#8217;ing&#234;r&#226; a mba hulong&#244;n ded&#8217;a ala: Salamina, ni mindja ba, ami wang ki meid&#8217;a ba, ami hang tena ge? D&#8217;oze ami wang ki vun ma sod&#8217;a ba, ami hang mbina ge? 38Ang mba akoid&#8217;a ni mindja ba, ami vang avo hatami ge? D&#8217;oze gandilad&#8217;a ami tchugung baruna atang ge? 39Ni mindja ba, ami wang tugud&#8217;eid&#8217;a d&#8217;oze kur dangeina ba, ami i d&#8217;ung nge?</div><div class="p"> 40An amul&#226; mba ni hulong&#244;zi ded&#8217;a ala: Gagazi, an nga ni dagiya, vama agi lum ki ma gor ma kid&#8217;ak aduk b&#8217;oziyon suma wanina, agi lum&#238; mi anu.</div><div class="p"> 41An mba ni de mi suma yam bigan nda gulad&#8217;ina ala: Agi suma Alona gagi vunina, agi hud&#8217;ugi s&#228; geven ndei dei, agi igi aduk aku d&#8217;a didin nda a minit yam diable azi ki malaika mamid&#8217;a. 42Kayam meid&#8217;a ti tchanu, agi han nga vama te d&#8217;i; vunan mi so, agi han nga mbiyo ma tche d&#8217;i. 43An mba akoid&#8217;a, agi van nga avo hatagi d&#8217;i; an gandilad&#8217;a, agi tchugun nga barud&#8217;a atan ndi; an tugud&#8217;eid&#8217;a, kur dangeina mi, agi d&#8217;un nga d&#8217;i.</div><div class="p"> 44Ata yi m&#225;ma, azi mba hulong&#244;n ded&#8217;a ala: Salamina, ni mindja ba, ami wang ki meid&#8217;a, d&#8217;oze vun ma sod&#8217;a, d&#8217;oze akoid&#8217;a, d&#8217;oze gandilad&#8217;a, d&#8217;oze tugud&#8217;eid&#8217;a, d&#8217;oze dangeina ba, ami ndjunung nguo ge?</div><div class="p"> 45Ata yi m&#225;ma, an amul&#226; mba ni hulong dazi ala: Gagazi, an nga ni dagiya, ata yima agi lagi nga va mi ma gor ma kid&#8217;ak aduk gugurei suma wana d&#8217;uo na, agi lum mbuo ni mi anu. 46Azi mba i kur ndak ka didinda, wani suma d&#8217;ing&#234;r&#226; a mba i kur ari d&#8217;a didinda mi.</div>
 </div>
 </div>
</div>

Azumeina Bible © Alliance Biblique du Tchad, 1999.

Jesus mi had’azi kua ala: Ata yi máma, leu d’a akulod’a mba d’i hle tat ni d’igi gro yugunei suma dogo suma a yo lalam mazid’a a buzuk á d’ugol sala telina na. Vahl adigazi ni suma lilid’a, vahl ni suma ned’a. Suma lilid’a a yo lalam mazid’a, wani a yo nga mbulâ abozi d’i. Wani suma ned’a a yo gugurei mazi suma mbulâ abozi zlapa ki lalam mazid’a. Kid’a sala tela yam sä d’i ve tua d’a, irazi nde d’i lazi sena, a bur sena.
Kandjege dangâla, dela nga d’i yi ala: Gola! Sala tela nga mi djïya. Agi buzugugi d’ugulomu. Ata yi máma, gro yuguneina pet a tchol akulo, a nga min lalam mazid’a. Suma lilid’a a de mi suma ned’a ala: Agi hami mbul do, kayam lalam mamid’a ti mit ni mid’a. Wani suma ned’a a hulong dazi ala: Dam mbulâ mba mi ndak kami ki agi d’i. Agi igi gen suma a nga guzum mbeina, agi guzugi yam tagiya. Kid’a azi i gusid’a, sala tela mi mba. Yugunei suma a min tazina a tchuk ki sed’em ata yima te ma tela; bugola, a duk vuna. Bugola, yugunei suma hiuna a mba, a dala: Salamina, Salamina, ang malami vuna. Wani mi hulong dazi ala: Gagazi, an nga dagiya, an wagi nga d’i.
Jesus mi de kua ala: Kayam ndata, agi kagagi ki ndjola, kayam agi wagi nga burâ d’oze lera d’i.


Jesus mi had’azi kua ala: Leu d’a akulod’a mba d’i hle tat ni d’igi sama mi tchol á i yam andaga d’a dinga, mi yi azungeî mama, mi hazi bege mamba abozi na na. Mi he mi ma tuna gurzu talanda vahl, mi he ma hina mbà, mi he ma hina tu mi, nge nge pî ndak yam ad’eng mama. Mi ge tam mi iya. Ata yi máma na wat, ma ve talanda vahlâ, mi i mbut abom ki sed’ed’u, mi fe mbina kat kua vahl. Mam ma ve talanda mbàna, mi le hina mi, mi fe kat kua mbà mi. Wani ma ve talanda tuna, mi i djogot zula kä andaga, mi ngei beged’a hi salamid’a kua.
Bugol la bizad’a ablaud’a, salazina mi hulongîya, mi nde ndum bege d’a mi hazizid’a. Ma ve talanda vahlâ mi mba ki talan nda dinga kua vahl, mi dala: Salana, ang han talanda vahl. Gola! An fe d’a dinga kat kua vahl wana. Salama mi dum ala: Djivi heî, ang azong ma djivi ma d’engzengâ. Ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu. Ma ve talanda mbàna mi mba, mi dum ala: Salana, ang han talanda mbà. Gola! An fe d’a dinga kat kua mbà wana. Salama mi dum ala: Djivi heî, ang azong ma djivi ma d’engzengâ, ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu. Ma ve talanda tuna mi mba, mi dum ala: Salana, an wala angî sama ad’engâ, ang nga dut ata yima ang yak nga kua d’uo na, ang nga tok ata yima ang zar nga kua d’uo na mi. An ring mandarâ, an i ngei talan manga kä aduk andagad’a. Gola! Va mangâ wana. Wani salama mi hulong dum ala: Ang azong ma tcho ma azulomba, ang le wala an nga ni dut ata yima an yak nga kua d’uo na, an nga ni tok ata yima an zar nga kua d’uo na mi ni, ang i handji bege manda abo suma ngom beged’a, an mba ka hina wani, an fat ni ki mbiyod’u. Agi vagi talan nda abomba, agi hat mi ma mamba dogona. Kayam sama nga ki va aboma, a mba hum kam kua ngola. Wani sama nga ki va abom mbuo na, vama mam nga ki na pî a mba hlumzi woi abomu. Agi gagi azong ma tcho máma woi abu kur nduvunda. Ni yima suma a mba tchi a mba mut siyazi kua ngolina.

Jesus mi had’azi kua ala: Fata an Gor Sana mba ni mbeï kamul manda zlapa ki malaikana peta, ata yi máma, an mba ni kak yam zlam man nda amul la subura. Andjaf suma pet a mba tok kä avoronu. An mba ni walazi irazi woi d’igi ma pola mi wal ir tumiyôna ki b’ogeina na. An mba ni tok tumiyôna yam bigan nda ndjufa, b’ogeina yam bigan nda gulad’a mi.
Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a. Kayam meid’a ti tchanu, agi han tena; vunan mi so, agi han mbiyo ma tched’a; an mba akoid’a, agi van avo hatagi mi. An gandilad’a, agi tchugun baruna atanu; an tugud’eid’a, agi mba d’unu; an kur dangeina, agi mbagi geven mi.
Ata yi máma, suma d’ingêrâ a mba hulongôn ded’a ala: Salamina, ni mindja ba, ami wang ki meid’a ba, ami hang tena ge? D’oze ami wang ki vun ma sod’a ba, ami hang mbina ge? Ang mba akoid’a ni mindja ba, ami vang avo hatami ge? D’oze gandilad’a ami tchugung baruna atang ge? Ni mindja ba, ami wang tugud’eid’a d’oze kur dangeina ba, ami i d’ung nge?
An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.
An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a. Kayam meid’a ti tchanu, agi han nga vama te d’i; vunan mi so, agi han nga mbiyo ma tche d’i. An mba akoid’a, agi van nga avo hatagi d’i; an gandilad’a, agi tchugun nga barud’a atan ndi; an tugud’eid’a, kur dangeina mi, agi d’un nga d’i.
Ata yi máma, azi mba hulongôn ded’a ala: Salamina, ni mindja ba, ami wang ki meid’a, d’oze vun ma sod’a, d’oze akoid’a, d’oze gandilad’a, d’oze tugud’eid’a, d’oze dangeina ba, ami ndjunung nguo ge?
Ata yi máma, an amulâ mba ni hulong dazi ala: Gagazi, an nga ni dagiya, ata yima agi lagi nga va mi ma gor ma kid’ak aduk gugurei suma wana d’uo na, agi lum mbuo ni mi anu. Azi mba i kur ndak ka didinda, wani suma d’ingêrâ a mba i kur ari d’a didinda mi.

Listen to Matiye 25