<div class="version vid825 iso6393loz" data-vid="825" data-iso6393="loz">
 <div class="book bk2MA">
 <div class="chapter ch15" data-usfm="2MA.15">
 <div class="label">15</div><div class="s1">Bunyefuli bwa Nikanora</div><div class="p"> 1Cwale Nikanora, ha s'a utwile kuli Judeasi ni batu ba hae ba se ba li fakaufi ni Samaria, a hupula ku y'o ba lwanisa ka bunolo ka Lizazi la Pumulo. 2Kono Majuda ba ba ne ba hapelelizwe ku kena kwa mpi ya hae ba hana, ba li, &#8220;Ha u lukeli ku ba bulaya ka mukwa wa bubangoki wa situhu cwalo, kono u lukela ku bonisa likute la lizazi l'a n'a kile a pumula yena ya bona lika kaufela, mi a li kenisa ku fita mazazi kaufela.&#8221; 3Cwale Nikanora ya shwile sikuto a buza haiba ku na ni mulena kwa lihalimu ya laezi kuli Lizazi la Pumulo li kutekwe. Bona ba alaba. 4Ba li, &#8220;Ki yena Mu&#241;'a Bupilo kasibili ya pila, mubusi wa lihalimu, ya laezi kuli lizazi la busupa li bulukiwe.&#8221;</div><div class="p"> 5Cwale yena a ba alaba, a li, &#8220;Ni cwale ki na mubusi wa lifasi ya mi laela ku nga lilwaniso ni ku eza musebezi wo wa mulena.&#8221; Fahalimw'a zeo kaufela n'a si ka kona ku peta mulelo wa hae wo wa bubangoki.</div><div class="s1">Judeasi u kalimela batu ba hae. Tolo ya hae</div><div class="p"> 6Nikanora, ha n'a sweli ku bopa ni ku fumba ka buikuhumuso bwa hae bo bu sa feli, n'a lela ku beya kupuzo fo ku bonahala. N'a hupula ku i eza ka z'a n'a ta hapa ku Judeasi ni batu ba hae. 7Kono Makabaeusi a tundamena ku sepa kuli Mu&#241;'a Bupilo u ta mu tusa. 8A bulelela masole ba hae kuli ba be ni bundume. Ba si ke ba saba ha ba lwaniswa ki bahedeni, kono ba hupule mw'a n'a ba tusezanga Mulimu pili, ni kuli ni cwale ki bona ba ba ka tula ka tuso ya Mulena ya Maata Kaufela. 9A ba tiisa lipilu sinca ka ku ba taluseza za Mulao ni bapolofita ni ka ku ba hupulisa lindwa ze &#241;ata ze tata ze ne ba tuzi. Ka zeo ba tiya hahulu ni ku tabela ku lwana. 10Ha s'a ba tiisize lipilu hande cwalo, a feza ka ku ba taluseza hahulu ka za bupumi ni ku sa buluka buitamo bwa bahedeni.</div><div class="p"> 11A fa yo mu&#241;wi ni yo mu&#241;wi wa bona maata isi&#241;i feela ka ku sepa litebe ni malumo kono ka ku tiiswa ki manzwi a bundume. Hape a ba tiisa ka ku ba taluseza tolo ye swana ni pono ye n'e lukela ku lumelwa. 12Sa n'a boni ki se. A bona Oniasi ya n'a li muprisita yo muhulu, ya sepahala, ya mikwa ye minde, ya bulela ze lukile mi ya lutilwe hande ku eza likezo ze nde ku kala a sa li mushimani. Oniasi n'a otolozi mazoho a nz'a lapelela sicaba sa Majuda kaufela. 13Ku tuha fo, kwa bonahala munna ya likana ni yena kwa buhulu ni lilimo ni ku kutekeha, ya n'a bonahala inge mulena. 14Cwale Oniasi a kala ku bulela, a li, &#8220;Yo ki yena munna ya lata banabahabo, mi u lapelela hahulu batu ni Mulene&#241;i o Kenile. Ki Jeremia, mupolofita wa Mulimu.&#8221;</div><div class="p"> 15Cwale Jeremia a otolola lizoho la hae la bulyo, mi a fa Judeasi mukwale wa gauda, mi h'a mu fa ona, a li, 16&#8220;U nge mukwale o kenile wo. Ki mpo ya hao ye zwa ku Mulimu, mi u ta bulaya lila ka ona.&#8221;</div><div class="s1">Maikuto a batabani</div><div class="p"> 17Ha ba se ba susuelizwe ki manzwi a Judeasi ya lukile, a na ni maata a ku ba tiisa lipilu ni ku fa micaha bundume, ba hupula kuli ba si ke ba toma mafulo kono feela ba sutelele kwa lila, ba lwane ka pilu i li&#241;wi ni ka bundume kaufela kakuli mulene&#241;i ni tumelo ya bona ye kenile ni Tempele ne li se li li mwa kozi. 18Pilaelo ya bona kwa basali ni bana ba bona ni ba mikowa cwalo ya ba nto ye nyinyani, kono sabo ya bona ye tuna hahulu n'e li ya Tempele ye Kenile. 19Ba ba ne ba siyezi mwa mulene&#241;i ba utwa butuku kamukwaoswana, kakuli ni bona ne ba saba kuli mwendi ba ka tulwa mwa ndwa yeo ya mwa libala.</div><div class="p"> 20Cwale mutu ni mutu n'a libelezi se ne si ta ezahala. Lila ne li se li lukisize makuta a zona, mi ne li yemi li itukiselize ku lwana. Litou ni zona ne li se li lukisizwe mwa libaka za butokwa ku beya ni zona lipizi nze li zelile mwa matuko. 21Cwale Makabaeusi ha s'a boni bu&#241;ata bwa masole ba ba ne ba mu libile, ni ku benya kwa lilwaniso ni bubangoki bwa litou, a nanulela mazoho a hae mwahalimu. A kupa tuso ku Mulimu ya eza limakazo ka ku ziba kuli ba ba&#241;wi ba tula isi&#241;i ka maata a lilwaniso, kono kabakala kuli Mulimu u fa maata ku ba ba lukela ku a fiwa, ka mw'a latela. 22#2 Male 19.35 Cwale manzwi a tapelo ya hae n'a li a, &#8220;Wena Mu&#241;'a Bupilo, u kile wa luma lingeloi la hao ka linako za Ezekiasi, mulena wa Judea, mi la t'o bulaya batu ba ba fitelela likiti ze mwanda ka mashumi a supile ni li li li&#241;wi ka ze ketalizoho ba mpi ya Senakeribi. 23Cwalehe, wena Mubusi wa lihalimu, u lu lumele lingeloi le linde, li lu etelele, li hasanye sabo ni ku lyanganisa lila. 24Lu kupa kuli batu ba, ba bulaiwe ka maata a lizoho la hao, kakuli ba taha ka manzwi a bunyefuli ku t'o lwanisa batu ba hao ba ba kenile.&#8221; A feza tapelo ya hae ka manzwi ao.</div><div class="s1">Ku tulwa ni ku shwa kwa Nikanora</div><div class="p"> 25 # 
 1 Mak 7.43-50
 Nikanora ni batu ba hae ba zwelapili ka milumo ya litolombita ni lipina za ndwa. 26Kono batu ba Judeasi, bona ba katanyeza lila ba nze ba kupa tuso ku Mulimu ka tapelo. 27Ka ku lwana ka tata ka mazoho a bona ni ka ku lapela ku Mulimu mwa lipilu za bona, ba bulaya batu ba ba fita likiti ze mashumi a malalu ka ze ketalizoho mi ba tabiswa hahulu ki poniso ye ya Mulimu. 28Cwale ndwa ha i se i felile, ba kuta ba tabile ha ba bona Nikanora a kwashukile mwa liapalo za hae za ndwa.</div><div class="p"> 29Cwale ba huweleza ni ku taza lilata, ba lumba Mulena Mulimu ya Maata Kaufela ka puo ya bo kukw'a bona. 30Mutu yo Judeasi, ya n'a file bupilo bwa hae kaufela kwa ku sebeleza banabahabo yena Majuda, u bulukile kamita lilato l'a n'a na ni lona ku bahabo ku kala a sa li mucaha. Cwale a laela kuli Nikanora a pumiwe toho, liheta, hamohocwalo ni lizoho, mi li iswe kwa Jerusalema. 31Cwale h'a y'o fita mwa Jerusalema yena kasibili a kopanya batu ba naha ya habo ni baprisita cwalo. Cwale h'a nz'a yemi fapil'a katala, a luma batu ku y'o biza bahedeni ba ba ne ba li mwa lukwakwa. 32A ba bonisa toho ye maswe hahulu ya Nikanora ni lizoho l'a n'a kile a supisa munyefuli yo fa ndu ye kenile ya Mulimu ya Maata Kaufela. 33Ku tuha fo a puma lilimi la Nikanora ya n'a hana Mulimu, mi a laela kuli li be sico sa linyunywani, mi hape a laela kuli liponiso za bukuba bw'a n'a ezize Nikanora li pahekwe fa sibaka se si libani ni Tempele. 34Cwale batu kaufela ba lumba Mu&#241;'a Bupilo ka kanya ya hae, ba li, &#8220;A lumbekwe yena ya silelelize sibaka sa hae si si ka silafazwa!&#8221;</div><div class="p"> 35Cwale Judeasi a paheka toho ya Nikanora fa lukwakwa lwa Jerusalema kuli i be zibiso ye tuna kuli batu kaufela ba bone Mu&#241;'a Bupilo mw'a tuseza batu ba hae. 36#1 Mak 7.49 Kaufela ba lumela ku si na ni yo mukana ya hanyeza, kuli lizazi leo li si ke la libalwa, kono li n'o ezezwanga mukiti ka la bulishumi ni a malalu la kweli ya bulishumi ka ze peli ye bizwa ka Siarami kuli Adara. Lizazi leo ne li le li tatamwa ki la mukiti wa Morodekai.</div><div class="s1">Manzwi a mu&#241;oli</div><div class="p"> 37Cwale kihona mo ne ku zamayezi lika ku Nikanora. Ku tuha fo mulene&#241;i wa siyala u li wa Majuda, mi fa ki fona fo ni feleza musebezi wa ka. 38Haiba u ezahalile hande, mi ili o utwahala, kihona mo ne ni latela. Kono haiba ha u si ka ezwa hande mi u si o maswe hahulu, kihona feela mo ni konezi ku eza. 39Kakuli sina ha mu ziba kuli ha si nto ye nde ku nwa waine feela kamba mezi feela, kantihe waine ye kopanyizwe ni mezi ki ye nde hahulu mi hape i tiseza mutu tabo, kihona mo ku inezi ni yona taba ye &#241;ozwi hande, ili ye na ni litaba za mifuta-futa. I tabisa babali. Cwale a, ki ona mafelelezo a ka.</div>
 </div>
 </div>
</div>

Lozi Interconfessional Bible, Catholic Edition © Bible Society of Zambia, 2009.

Cwale Nikanora, ha s'a utwile kuli Judeasi ni batu ba hae ba se ba li fakaufi ni Samaria, a hupula ku y'o ba lwanisa ka bunolo ka Lizazi la Pumulo. Kono Majuda ba ba ne ba hapelelizwe ku kena kwa mpi ya hae ba hana, ba li, “Ha u lukeli ku ba bulaya ka mukwa wa bubangoki wa situhu cwalo, kono u lukela ku bonisa likute la lizazi l'a n'a kile a pumula yena ya bona lika kaufela, mi a li kenisa ku fita mazazi kaufela.” Cwale Nikanora ya shwile sikuto a buza haiba ku na ni mulena kwa lihalimu ya laezi kuli Lizazi la Pumulo li kutekwe. Bona ba alaba. Ba li, “Ki yena Muñ'a Bupilo kasibili ya pila, mubusi wa lihalimu, ya laezi kuli lizazi la busupa li bulukiwe.”
Cwale yena a ba alaba, a li, “Ni cwale ki na mubusi wa lifasi ya mi laela ku nga lilwaniso ni ku eza musebezi wo wa mulena.” Fahalimw'a zeo kaufela n'a si ka kona ku peta mulelo wa hae wo wa bubangoki.

Nikanora, ha n'a sweli ku bopa ni ku fumba ka buikuhumuso bwa hae bo bu sa feli, n'a lela ku beya kupuzo fo ku bonahala. N'a hupula ku i eza ka z'a n'a ta hapa ku Judeasi ni batu ba hae. Kono Makabaeusi a tundamena ku sepa kuli Muñ'a Bupilo u ta mu tusa. A bulelela masole ba hae kuli ba be ni bundume. Ba si ke ba saba ha ba lwaniswa ki bahedeni, kono ba hupule mw'a n'a ba tusezanga Mulimu pili, ni kuli ni cwale ki bona ba ba ka tula ka tuso ya Mulena ya Maata Kaufela. A ba tiisa lipilu sinca ka ku ba taluseza za Mulao ni bapolofita ni ka ku ba hupulisa lindwa ze ñata ze tata ze ne ba tuzi. Ka zeo ba tiya hahulu ni ku tabela ku lwana. Ha s'a ba tiisize lipilu hande cwalo, a feza ka ku ba taluseza hahulu ka za bupumi ni ku sa buluka buitamo bwa bahedeni.
A fa yo muñwi ni yo muñwi wa bona maata isiñi feela ka ku sepa litebe ni malumo kono ka ku tiiswa ki manzwi a bundume. Hape a ba tiisa ka ku ba taluseza tolo ye swana ni pono ye n'e lukela ku lumelwa. Sa n'a boni ki se. A bona Oniasi ya n'a li muprisita yo muhulu, ya sepahala, ya mikwa ye minde, ya bulela ze lukile mi ya lutilwe hande ku eza likezo ze nde ku kala a sa li mushimani. Oniasi n'a otolozi mazoho a nz'a lapelela sicaba sa Majuda kaufela. Ku tuha fo, kwa bonahala munna ya likana ni yena kwa buhulu ni lilimo ni ku kutekeha, ya n'a bonahala inge mulena. Cwale Oniasi a kala ku bulela, a li, “Yo ki yena munna ya lata banabahabo, mi u lapelela hahulu batu ni Muleneñi o Kenile. Ki Jeremia, mupolofita wa Mulimu.”
Cwale Jeremia a otolola lizoho la hae la bulyo, mi a fa Judeasi mukwale wa gauda, mi h'a mu fa ona, a li, “U nge mukwale o kenile wo. Ki mpo ya hao ye zwa ku Mulimu, mi u ta bulaya lila ka ona.”

Ha ba se ba susuelizwe ki manzwi a Judeasi ya lukile, a na ni maata a ku ba tiisa lipilu ni ku fa micaha bundume, ba hupula kuli ba si ke ba toma mafulo kono feela ba sutelele kwa lila, ba lwane ka pilu i liñwi ni ka bundume kaufela kakuli muleneñi ni tumelo ya bona ye kenile ni Tempele ne li se li li mwa kozi. Pilaelo ya bona kwa basali ni bana ba bona ni ba mikowa cwalo ya ba nto ye nyinyani, kono sabo ya bona ye tuna hahulu n'e li ya Tempele ye Kenile. Ba ba ne ba siyezi mwa muleneñi ba utwa butuku kamukwaoswana, kakuli ni bona ne ba saba kuli mwendi ba ka tulwa mwa ndwa yeo ya mwa libala.
Cwale mutu ni mutu n'a libelezi se ne si ta ezahala. Lila ne li se li lukisize makuta a zona, mi ne li yemi li itukiselize ku lwana. Litou ni zona ne li se li lukisizwe mwa libaka za butokwa ku beya ni zona lipizi nze li zelile mwa matuko. Cwale Makabaeusi ha s'a boni buñata bwa masole ba ba ne ba mu libile, ni ku benya kwa lilwaniso ni bubangoki bwa litou, a nanulela mazoho a hae mwahalimu. A kupa tuso ku Mulimu ya eza limakazo ka ku ziba kuli ba bañwi ba tula isiñi ka maata a lilwaniso, kono kabakala kuli Mulimu u fa maata ku ba ba lukela ku a fiwa, ka mw'a latela. Cwale manzwi a tapelo ya hae n'a li a, “Wena Muñ'a Bupilo, u kile wa luma lingeloi la hao ka linako za Ezekiasi, mulena wa Judea, mi la t'o bulaya batu ba ba fitelela likiti ze mwanda ka mashumi a supile ni li li liñwi ka ze ketalizoho ba mpi ya Senakeribi. Cwalehe, wena Mubusi wa lihalimu, u lu lumele lingeloi le linde, li lu etelele, li hasanye sabo ni ku lyanganisa lila. Lu kupa kuli batu ba, ba bulaiwe ka maata a lizoho la hao, kakuli ba taha ka manzwi a bunyefuli ku t'o lwanisa batu ba hao ba ba kenile.” A feza tapelo ya hae ka manzwi ao.

Nikanora ni batu ba hae ba zwelapili ka milumo ya litolombita ni lipina za ndwa. Kono batu ba Judeasi, bona ba katanyeza lila ba nze ba kupa tuso ku Mulimu ka tapelo. Ka ku lwana ka tata ka mazoho a bona ni ka ku lapela ku Mulimu mwa lipilu za bona, ba bulaya batu ba ba fita likiti ze mashumi a malalu ka ze ketalizoho mi ba tabiswa hahulu ki poniso ye ya Mulimu. Cwale ndwa ha i se i felile, ba kuta ba tabile ha ba bona Nikanora a kwashukile mwa liapalo za hae za ndwa.
Cwale ba huweleza ni ku taza lilata, ba lumba Mulena Mulimu ya Maata Kaufela ka puo ya bo kukw'a bona. Mutu yo Judeasi, ya n'a file bupilo bwa hae kaufela kwa ku sebeleza banabahabo yena Majuda, u bulukile kamita lilato l'a n'a na ni lona ku bahabo ku kala a sa li mucaha. Cwale a laela kuli Nikanora a pumiwe toho, liheta, hamohocwalo ni lizoho, mi li iswe kwa Jerusalema. Cwale h'a y'o fita mwa Jerusalema yena kasibili a kopanya batu ba naha ya habo ni baprisita cwalo. Cwale h'a nz'a yemi fapil'a katala, a luma batu ku y'o biza bahedeni ba ba ne ba li mwa lukwakwa. A ba bonisa toho ye maswe hahulu ya Nikanora ni lizoho l'a n'a kile a supisa munyefuli yo fa ndu ye kenile ya Mulimu ya Maata Kaufela. Ku tuha fo a puma lilimi la Nikanora ya n'a hana Mulimu, mi a laela kuli li be sico sa linyunywani, mi hape a laela kuli liponiso za bukuba bw'a n'a ezize Nikanora li pahekwe fa sibaka se si libani ni Tempele. Cwale batu kaufela ba lumba Muñ'a Bupilo ka kanya ya hae, ba li, “A lumbekwe yena ya silelelize sibaka sa hae si si ka silafazwa!”
Cwale Judeasi a paheka toho ya Nikanora fa lukwakwa lwa Jerusalema kuli i be zibiso ye tuna kuli batu kaufela ba bone Muñ'a Bupilo mw'a tuseza batu ba hae. Kaufela ba lumela ku si na ni yo mukana ya hanyeza, kuli lizazi leo li si ke la libalwa, kono li n'o ezezwanga mukiti ka la bulishumi ni a malalu la kweli ya bulishumi ka ze peli ye bizwa ka Siarami kuli Adara. Lizazi leo ne li le li tatamwa ki la mukiti wa Morodekai.

Cwale kihona mo ne ku zamayezi lika ku Nikanora. Ku tuha fo muleneñi wa siyala u li wa Majuda, mi fa ki fona fo ni feleza musebezi wa ka. Haiba u ezahalile hande, mi ili o utwahala, kihona mo ne ni latela. Kono haiba ha u si ka ezwa hande mi u si o maswe hahulu, kihona feela mo ni konezi ku eza. Kakuli sina ha mu ziba kuli ha si nto ye nde ku nwa waine feela kamba mezi feela, kantihe waine ye kopanyizwe ni mezi ki ye nde hahulu mi hape i tiseza mutu tabo, kihona mo ku inezi ni yona taba ye ñozwi hande, ili ye na ni litaba za mifuta-futa. I tabisa babali. Cwale a, ki ona mafelelezo a ka.

Listen to Buka ya Bubeli ya Makabaeusi 15