Hawaii Pidgin Bible

<div class="version vid76 iso6393hwc" data-vid="76" data-iso6393="hwc">
 <div class="book bkROM">
 <div class="chapter ch12" data-usfm="ROM.12">
 <div class="label">12</div><div class="s1">How Fo Ack Wen You Stay Tight Wit Christ</div><div class="p"> 1My braddahs an sistahs, so den, wat? God, he give you guys plenny chance. Az why I like tell you dis: Let God stay in charge a you, jalike you give God one sacrifice dat stay alive. You guys know wat God like fo you guys do? He like you guys go all out fo him. Wen you make lidat, az good you know, cuz dass how you show God love an respeck. 2Eh! No do wat da peopo nowdays stay tell you fo do! Mo betta, you guys let God make you guys tink diffren kine inside, fo you tink diffren bout eryting. Den you can figga wat God like you fo do. An da ting God like you fo do, stay good, make God stay good inside, an erytime stay perfeck.</div><div class="p"> 3An cuz God wen do plenny good tings fo me, az why I stay tell all you guys dis: No tink you mo importan den who you fo real kine! Mo betta you figga who you fo real kine. Erybody gotta wise up fo figga how God wen make who you cuz you trus him.</div><div class="p"> 4 # 
 1Cor 12:12
 Dass jalike oua whole body get plenny parts, an all da diffren kine parts get diffren kuleana. 5Same ting fo us guys dat stay tight wit Christ&#8212;we plenny peopo, but we stick togedda jalike one body. All us guys get one job, jalike da diffren parts inside da body get diffren kuleana.</div><div class="p"> 6 # 
 1Cor 12:4-11
 Stay lidis: God give all us guys da powa fo do diffren kine tings cuz he like do good tings fo us. So, if God give you da powa fo talk fo him, an you trus him plenny, go talk plenny fo him. 7If God give you da powa fo kokua odda peopo, den go kokua odda peopo. If he give you da powa fo know how fo teach odda peopo, den go teach odda peopo. 8If God give you da powa fo know how fo give good kine words to odda peopo, go do dat. If God give you da powa fo kokua odda peopo wit wat you get, den use wat you get fo kokua odda peopo. If God give you da powa fo lead odda peopo, make shua you do one good job. If God give you da powa fo pity somebody cuz dey need kokua, kokua dem an make shua you stay good inside same time.</div><div class="s1">Da Way Christ Guys Live</div><div class="p"> 9Wen you show peopo love an aloha, do um fo real kine, no ack. Hate all da bad kine stuff, an stay tight wit da good kine stuff. 10Give my braddahs an sistahs plenny love an aloha. Go all out fo show da oddas you get plenny respeck fo dem. 11Wen time fo work hard, no be lazy. Make shua you go all out wen you work fo Da One In Charge. 12Stay good inside to da max, cuz you know wat God goin do fo you bumbye. Hang in dea wen you get any kine hard time. An make shua you pray all da time. 13Use wat you get fo kokua da peopo dat stay spesho fo God wen dey need kokua. Wen peopo from anodda place come by you, make shua you take kea dem wit aloha.</div><div class="p"> 14 # 
 Matt 5:44; Luke 6:28 Go aks God fo make good tings happen to da guys dat make you suffa, good tings fo real kine! No go aks God fo make bad tings happen to dem. 15Wen odda peopo feel real good inside, you feel good inside wit um&#8212;an wen dey cry, you cry wit um.</div><div class="p"> 16 # 
 Smart 3:7
 Live togedda wit plenny aloha fo each odda. No ack high makamaka. Mo betta you make frenz wit da kine peopo dat odda peopo tink dey no importan. No go tink you da ony one dass smart.</div><div class="p"> 17If get somebody dat make bad kine to you, no make same kine to dem fo pay um back. Try fo figga how fo ack da way erybody know dass da bestes way fo ack. 18Try yoa bestes fo be da one dat do eryting fo live good wit erybody wit aloha, no matta dey go agains you. 19#Rules2 32:35You my good frenz, so no go afta somebody fo pay um back wen he hurt you. Mo betta you wait, an let God take kea him, cuz God tell &#8220;Laytas&#8221; to wat dat kine peopo do. Da One In Charge wen tell dis befo time inside da Bible:</div><div class="q1">&#8220;I da One dat pay back da peopo</div><div class="q2">Fo do bad kine stuff.&#8221;</div><div class="m">Dass wat Da One In Charge tell. 20#Smart 25:21-22So mo betta ack jalike da Bible tell from befo time:</div><div class="q1">&#8220;Da guy dat hate you&#8212;</div><div class="q2">If he hungry, give um someting fo eat.</div><div class="q1">If he thirsty, give um someting fo drink.</div><div class="q2">If you do dat, he goin come all shame.&#8221;</div><div class="p"> 21Kay den. No let da bad kine stuff get powa ova you. Mo betta do good kine stuff. Az how you get da powa ova da bad kine stuff.</div>
 </div>
 </div>
</div>

My braddahs an sistahs, so den, wat? God, he give you guys plenny chance. Az why I like tell you dis: Let God stay in charge a you, jalike you give God one sacrifice dat stay alive. You guys know wat God like fo you guys do? He like you guys go all out fo him. Wen you make lidat, az good you know, cuz dass how you show God love an respeck. Eh! No do wat da peopo nowdays stay tell you fo do! Mo betta, you guys let God make you guys tink diffren kine inside, fo you tink diffren bout eryting. Den you can figga wat God like you fo do. An da ting God like you fo do, stay good, make God stay good inside, an erytime stay perfeck.
An cuz God wen do plenny good tings fo me, az why I stay tell all you guys dis: No tink you mo importan den who you fo real kine! Mo betta you figga who you fo real kine. Erybody gotta wise up fo figga how God wen make who you cuz you trus him.
Dass jalike oua whole body get plenny parts, an all da diffren kine parts get diffren kuleana. Same ting fo us guys dat stay tight wit Christ—we plenny peopo, but we stick togedda jalike one body. All us guys get one job, jalike da diffren parts inside da body get diffren kuleana.
Stay lidis: God give all us guys da powa fo do diffren kine tings cuz he like do good tings fo us. So, if God give you da powa fo talk fo him, an you trus him plenny, go talk plenny fo him. If God give you da powa fo kokua odda peopo, den go kokua odda peopo. If he give you da powa fo know how fo teach odda peopo, den go teach odda peopo. If God give you da powa fo know how fo give good kine words to odda peopo, go do dat. If God give you da powa fo kokua odda peopo wit wat you get, den use wat you get fo kokua odda peopo. If God give you da powa fo lead odda peopo, make shua you do one good job. If God give you da powa fo pity somebody cuz dey need kokua, kokua dem an make shua you stay good inside same time.

Wen you show peopo love an aloha, do um fo real kine, no ack. Hate all da bad kine stuff, an stay tight wit da good kine stuff. Give my braddahs an sistahs plenny love an aloha. Go all out fo show da oddas you get plenny respeck fo dem. Wen time fo work hard, no be lazy. Make shua you go all out wen you work fo Da One In Charge. Stay good inside to da max, cuz you know wat God goin do fo you bumbye. Hang in dea wen you get any kine hard time. An make shua you pray all da time. Use wat you get fo kokua da peopo dat stay spesho fo God wen dey need kokua. Wen peopo from anodda place come by you, make shua you take kea dem wit aloha.
Go aks God fo make good tings happen to da guys dat make you suffa, good tings fo real kine! No go aks God fo make bad tings happen to dem. Wen odda peopo feel real good inside, you feel good inside wit um—an wen dey cry, you cry wit um.
Live togedda wit plenny aloha fo each odda. No ack high makamaka. Mo betta you make frenz wit da kine peopo dat odda peopo tink dey no importan. No go tink you da ony one dass smart.
If get somebody dat make bad kine to you, no make same kine to dem fo pay um back. Try fo figga how fo ack da way erybody know dass da bestes way fo ack. Try yoa bestes fo be da one dat do eryting fo live good wit erybody wit aloha, no matta dey go agains you. You my good frenz, so no go afta somebody fo pay um back wen he hurt you. Mo betta you wait, an let God take kea him, cuz God tell “Laytas” to wat dat kine peopo do. Da One In Charge wen tell dis befo time inside da Bible:
“I da One dat pay back da peopo
Fo do bad kine stuff.”
Dass wat Da One In Charge tell. So mo betta ack jalike da Bible tell from befo time:
“Da guy dat hate you—
If he hungry, give um someting fo eat.
If he thirsty, give um someting fo drink.
If you do dat, he goin come all shame.”
Kay den. No let da bad kine stuff get powa ova you. Mo betta do good kine stuff. Az how you get da powa ova da bad kine stuff.

Listen to Rome 12