Matsés

<div class="version vid631 iso6393mcf" data-vid="631" data-iso6393="mcf">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="p"> 1Aden: Chuibennetan, cac ab&#235;d icquido nidannenubi au&#235;shquiobi puduanec nidshun shubu dadpen yacno yacnombuen Esus&#235;n Nuquin Papan Chiaid B&#235;da chuibennepan&#235;dash.</div><div class="ms1">VI. ESUS&#203;N DADPEN NABANAID</div><div class="mr">(Duc. 11.2&#8212;12.50)</div><div class="s">Uan acten mentoanquid&#235;n chomiaido</div><div class="r">(Duc. 7.18-35)</div><div class="p"> 2Adnubien Uan acten mentoanquid qu&#235;n&#235;n tsadunmiac tsadquimbi Esus&#235;n nabanaid chuisho tantiapan&#235;dash. Adshun ab&#235;d icquido chuiquin: Esus chuitan, quequin nidmiac chochoshon Uamb&#235;d icquidon naden Esus chuituidpan&#235;dash: 3Uan&#235;n: Chuitan, cac chobi. &#191;Umbi cainaid Nuquin Papan Chomiaidquiobida ne? Mibi: Aidpenquio nebi, quenuc &#191;utsidambi caimpe? quiosh Uan, caquien 4Esus&#235;n: Umbi nasho mimbi n&#235;bi isbuedb&#235;ta n&#235;bi mimbi tantiabued Uan chiec nid. 5B&#235;shuaid&#235;mbi isbenosh. Nidte icsash tidinquebuedi b&#235;dambuec capucuenosh. Dada daush daushpambo yec daicsaidquio b&#235;danosh. Pashuacbued&#235;mbi tantiabenosh. Adoshombic u&#235;n&#235;saidi uincuenmiosh. Adoshombic atona nib&#235;dquido Chiaid B&#235;da chuiquin Nuquin Papan b&#235;dambuen iste chuibanosh, quequin Uan chiec nid.#11.5 Isa. 29.18-19 tantiaquinc Isa. 35.5-6 tantiaquinc Isa. 26.19 tantiaquinc Isa. 61.1 tantiaquinc cain n&#235;id dada uapan&#235;dash. Aid iste bunquin chotaqu&#235;n onqueten dada uaid Isayas isbanta. Aden Nuquin Papan Chiaid tantiamiac Uan&#235;n: Nuquin tsusedpan chiampicpadquid Nuquin Papan Chomiaidquio Esus nec, quequin ubi tantiendac, capan&#235;dash. 6Adshumbic: Nadentsen chuita. Umbi aden nabanaid tantiash chieshtoenquio icquin ubi tantiaquid Nuquin Papan b&#235;dambuen isaidquio nendac, quiosh Esus, quequin chiec nid, cac nidannepondash Uamb&#235;d icquido.</div><div class="s">Uan acten mentoanquid chiaid</div><div class="r">(Duc. 7.24-35)</div><div class="p"> 7Aido nidannebon abi datsidadquido tantiamequin Uan tantiaquin chiec Esus nadpondash: Shubu nib&#235;dacno &#191;atotsi isnuec mibitedi nidonda? &#191;Piabiecquid cunquequid&#235;n ishcunaid isnuecta nidtionda? 8&#191;Aid isnuec nidenquio yec atotsi isnuec nidonda? &#191;Dashcute b&#235;daidquio dasiuidquid isnuecta nidtionda? Dashcute b&#235;daidquio dasiuidquido atona dadpenquio icquido chuiquid tapan shubun tabadquido nec, quequin mibitedishun tantiec. 9Adquid icnuc &#191;atotsi isnuec nidonda? Nuquin Papan oncamiaid&#235;n chuibansho tantianuec ma mibi nidondac. Adec abipadquid utsi nib&#235;dnuc aid udicts&#235;cquid Nuquin Papan oncamiaidquio Uan nec. 10Acten mentoanquid Uan&#235;n abia choshon chuite chuiquin Nuquin Papan naden dada uamiampid iquec:</div><div class="q1">Mibi chote chuiquidba chomendambi, Mado.</div><div class="q1">Chuiquid Tapambo choeque. Podquied nacnenacbimbuen aid&#235;mbi: B&#235;dambo icquid choeque. Icsambuen nabanenquio icquin &#235;nta, quequin chiendac, Mado,</div><div class="m">quequin chuipampic.#11.10 Mad. 3.1 tantiaquin n&#235;id chuipan&#235;dash Esus&#235;n. 11Acten mentoanquid Uampadquid matses&#235;n tishaid utsi nib&#235;dec. Adquid icnuc chuiquidpenquio icbued&#235;mbi: Nuquin Papan namiacno tabadte iquec, quequin chuibansho tantiabenquid Uan udits&#235;c b&#235;dambocquid iquendac. 12Acten mentoanquid Uan&#235;n tauaquin chuibansho cumapenen chiesh&#235;nn&#235;dacpadombuembidi umbi: Nuquin Papan namiacno tabadte iquec, quequin n&#235;bi chuibansho: &#203;nmenu, caqui &#235;nmetiapimbo iquendac. 13&#203;ndenquimbosh&#235; tauambuen nuquin tsusedpa Nuquin Papan ambi: Naden nata, quequin chiaid Moises&#235;n Nuquin Papan namiaid chote tauaquin chuipampic. Adoshombic Nuquin Papan oncamiaidontsen. Adoshombic oncamiaid utsintsen. Aden Uan choambo icnuc Nuquin Papan ambi b&#235;dambocquid chomete chuimiannepampic. 14Adembidi Uan chote chuiquin Nuquin Papan Ambi Chiaid dada uamepampic. Umbi oncamiaidquio Edias cu&#235;m&#235;dquid chomendambi, quen&#235;dacpadembi Ediasbimbuecquid Uan chote chuipampic.#11.14 Mad. 4.5 tantiaquin n&#235;id dada uapan&#235;dash. 15Pabiate sh&#235;cu&#235; choquid&#235;n Umbi Chiaid b&#235;dambuen tantiata, quepondash Esus abi datsidadquido chiec.</div><div class="p"> 16Aden chuisho tantiash chieshtocuededshobien Esus&#235;n naden chuipondash: Nuquin Papan Chiaid n&#235;bi chuisho tantiesabo yec bacu&#235;bo n&#235;ishnanacbits&#235;cquiec tabadquido mibitedi nec. 17Bacu&#235; abents&#235;cshun: Umbi shoncanuc sh&#235;csh&#235;cquec bidiadtanneta, cac ma mibi sh&#235;csh&#235;cquec bidiadtannenquio icboc. Adecbidi cu&#235;d&#235;nte u&#235;n&#235;squiocquid ubi cu&#235;d&#235;nnubi ma mibi shubienquio icboc, quiash bacu&#235;bo cu&#235;dnanec n&#235;ishnanacbits&#235;cquiec ma mibitedi icpayoc. 18Uan acten mentoanquid pete utsi utsien pesa niondash. Adecbidi acte pa&#235; uaid aquesambo niondash. Adquid icsho isash: Podobitsi icsa dapuduedashien nechitec, ma mibitedi quepondac. 19Adnubini Matses&#235;n Tishaid yec choshon peshun acsho isash: Nua pedenneshun tantiadennuen acte pa&#235; uaid acquid nec. Adecbidi icsambocquidob&#235;d icquid yec Doma yacnocquidon chuiquid&#235;n: Piucquid aidted bedta, quequin chiacpadec bedshum&#235;nquidb&#235;d icquid nec, mibitedishun ubi capec. Adquid icnuc Nuquin Papan tantiamiac aid&#235;n chiacpadombuen nabansho issun: B&#235;dambo iquec, caindac, quepondash Esus.</div><div class="s">Shubu dadpen icquid yacno yacnombuec tabadquido cuidte chiaid</div><div class="r">(Duc. 10.13-15)</div><div class="p"> 20Adshumbic Esus&#235;n shubu dadpen icquid yacno yacnombuec tabadquido cuidte chuibampan&#235;dash. N&#235;bi shubu dadpen icquid yacno yacnombuen nadatiambo icquin nabanquin dadpen ismebenniombi. Aden ismiaqui: Icsambuen nabuedi Nuquin Papa tantiec b&#235;dambuec tabadtiadquio iquebi, quetiadquidi chieshec adenquio iquec, queshun Esus&#235;n naden chuiquin chushcapan&#235;dash: 21Shubu dadpen icquid Codasin yacnocquidob&#235;ta shubu dadpen icquid Betsaida yacnocquido icsho mibitedi Nuquin Papan cuidtequidombo nendac. Umbi nadatiambocquin nabanquin aido ismebocpadombuen ismiac shubu dadpen icquid Tido yacnocquidob&#235;di shubu dadpen icquid Sidon yacnocquido Nuquin Papa tantiaquid ictsempan&#235;dash. Aden ismiaqui: Ai, icsambuec tabadquid nebi, queshun ismenuen dashcute icsats&#235;cquid dasiuidash isisapuc masequec shubibudequi icsainquio iquec &#235;n&#235;dtsempan&#235;dash. 22Nuquin Papan abitedimbo cuidte u&#235;sh&#235;mbi: Nadatiambo icquin nabanquin ismiacmaido nec, queshun Tido yacnocquidob&#235;ta Sidon yacnocquido b&#235;diacts&#235;c cuidendac. Adoshombic: Nadatiambo icquin nabanquin ismiaqui mibitedi tantienquio icquido nec, queshun Codasin yacnocquidob&#235;ta Betsaida yacnocquido cumapenquien cuidendac. 23Adembidi n&#235;mbo icquido Capednaun yacnocquidotedi chiec: Nuquin Papa yacno tabadtequido nebi &#191;quecta mibitedi ique? Tantia. Chuinu. Ma mibitedi Nuquin Papan chian ann&#235;d&#235;nquiacno n&#235;secatequidombo nepayoc. &#203;ndenquimbosh&#235; shubu dadpen icquid Sodoma yacnocquido cuidquin Nuquin Papan nib&#235;danmepampic. Umbi nadatiambocquin nabanquin mibitedi ismebocpadombuen ismiac aidon ambi icsambuen naid &#235;ntsempampic. Aden abi icsaid &#235;nsho Nuquin Papan aido cuidenquio icac n&#235;bi aton matses abi ictsiash. 24Nuquin Papan matses abitedi cuidte u&#235;sh&#235;mbi: Nadatiambocquin nabanquin ismiacmaido nec, queshun Sodoma yacnocquido b&#235;diacts&#235;c cuidendac. Nuquin Papan Chomiaid icquin umbi ismebuedo Capednaun yacnocquidoen cumapenec sidquenuc cuidendac, quequin abi tantiesabo chuiquin Esus&#235;n chushcapan&#235;dash.</div><div class="s">Esus&#235;n: Mibi b&#235;dambosh&#235; iquec, Papa, quequin Nuquin Papa chiaid</div><div class="r">(Duc. 10.21-22)</div><div class="p"> 25Adshumbic Esus&#235;n naden Nuquin Papa chuipondash: Papa, mibi b&#235;dambosh&#235; iquec. Mibi yacnocquidon Icbo yec nidaid&#235;n icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidob&#235;tambi: Cumapenen tantiaquid nebi, quequidombi tantiabi iquec. Adquid icnuc bacu&#235;n da&#235;dpacts&#235;c tantiacbimbuen tantiaquido icshobi mimbi tantiamiac. 26Aden mibi bunacpadombuen mimbi b&#235;dambuen naic. Adquid yec mibi b&#235;dambosh&#235; iquec, Papa, quequin chuipondash Esus&#235;n. 27Adshumbic abi datsidadquido naden chuiuapondash: Cun Pan ambi tantiaidtedi ubi tantiamec. Umbi nabambuedb&#235;ta umbi nate abitedi cun Pa abents&#235;cshunquiobi tantiec utsibon tantienquio icnuc. Adembidi cun Pan nabanaidb&#235;ta ambi nate umbents&#235;qui abitedi tantiembi. Aden tantiaquin: N&#235;idtedi matses b&#235;dambuen tantiamembi, queshun: Nuquin Papa nadquio iquec, quequin tantiamembi, quepondash Esus.</div><div class="s">Cun Icbo ubi cata, quequin Esus&#235;n chiaid</div><div class="p"> 28Adshumbic: Ubi tantiata. Dayacquiocquid yacbimbuecnuc mibi b&#235;dambo icmembique. &#191;Mitsipadequibi Nuquin Papa yacno puduedpatsia? quiash uinmambo icbued&#235;mbi ubi tantiasho Nuquin Papa yacno puduedtequid mibitedi icmembique. Ubi tantiata. 29Cun Icbo ubi cata. Cun iuambo icquin umbi chiacpadombuen nasho mibi b&#235;dambuen isquin dayacquiocquid icmembi. Adquid icquin mibi ancaisambo nebique. Cun Icbo ubi cata. Adsho mibi b&#235;dambo icmendambi. 30Mibi ancainquio icquin dayacquio icmequin b&#235;dambuen mibi tabadmembique. Cun Icbo, ubi cata, quequin Esus&#235;n chuipondash.</div>
 </div>
 </div>
</div>

Aden: Chuibennetan, cac abëd icquido nidannenubi auëshquiobi puduanec nidshun shubu dadpen yacno yacnombuen Esusën Nuquin Papan Chiaid Bëda chuibennepanëdash.




Adnubien Uan acten mentoanquid quënën tsadunmiac tsadquimbi Esusën nabanaid chuisho tantiapanëdash. Adshun abëd icquido chuiquin: Esus chuitan, quequin nidmiac chochoshon Uambëd icquidon naden Esus chuituidpanëdash: Uanën: Chuitan, cac chobi. ¿Umbi cainaid Nuquin Papan Chomiaidquiobida ne? Mibi: Aidpenquio nebi, quenuc ¿utsidambi caimpe? quiosh Uan, caquien Esusën: Umbi nasho mimbi nëbi isbuedbëta nëbi mimbi tantiabued Uan chiec nid. Bëshuaidëmbi isbenosh. Nidte icsash tidinquebuedi bëdambuec capucuenosh. Dada daush daushpambo yec daicsaidquio bëdanosh. Pashuacbuedëmbi tantiabenosh. Adoshombic uënësaidi uincuenmiosh. Adoshombic atona nibëdquido Chiaid Bëda chuiquin Nuquin Papan bëdambuen iste chuibanosh, quequin Uan chiec nid. Adshumbic: Nadentsen chuita. Umbi aden nabanaid tantiash chieshtoenquio icquin ubi tantiaquid Nuquin Papan bëdambuen isaidquio nendac, quiosh Esus, quequin chiec nid, cac nidannepondash Uambëd icquido.


Aido nidannebon abi datsidadquido tantiamequin Uan tantiaquin chiec Esus nadpondash: Shubu nibëdacno ¿atotsi isnuec mibitedi nidonda? ¿Piabiecquid cunquequidën ishcunaid isnuecta nidtionda? ¿Aid isnuec nidenquio yec atotsi isnuec nidonda? ¿Dashcute bëdaidquio dasiuidquid isnuecta nidtionda? Dashcute bëdaidquio dasiuidquido atona dadpenquio icquido chuiquid tapan shubun tabadquido nec, quequin mibitedishun tantiec. Adquid icnuc ¿atotsi isnuec nidonda? Nuquin Papan oncamiaidën chuibansho tantianuec ma mibi nidondac. Adec abipadquid utsi nibëdnuc aid udictsëcquid Nuquin Papan oncamiaidquio Uan nec. Acten mentoanquid Uanën abia choshon chuite chuiquin Nuquin Papan naden dada uamiampid iquec:
Mibi chote chuiquidba chomendambi, Mado.
Chuiquid Tapambo choeque. Podquied nacnenacbimbuen aidëmbi: Bëdambo icquid choeque. Icsambuen nabanenquio icquin ënta, quequin chiendac, Mado,
quequin chuipampic. Acten mentoanquid Uampadquid matsesën tishaid utsi nibëdec. Adquid icnuc chuiquidpenquio icbuedëmbi: Nuquin Papan namiacno tabadte iquec, quequin chuibansho tantiabenquid Uan uditsëc bëdambocquid iquendac. Acten mentoanquid Uanën tauaquin chuibansho cumapenen chieshënnëdacpadombuembidi umbi: Nuquin Papan namiacno tabadte iquec, quequin nëbi chuibansho: Ënmenu, caqui ënmetiapimbo iquendac. Ëndenquimboshë tauambuen nuquin tsusedpa Nuquin Papan ambi: Naden nata, quequin chiaid Moisesën Nuquin Papan namiaid chote tauaquin chuipampic. Adoshombic Nuquin Papan oncamiaidontsen. Adoshombic oncamiaid utsintsen. Aden Uan choambo icnuc Nuquin Papan ambi bëdambocquid chomete chuimiannepampic. Adembidi Uan chote chuiquin Nuquin Papan Ambi Chiaid dada uamepampic. Umbi oncamiaidquio Edias cuëmëdquid chomendambi, quenëdacpadembi Ediasbimbuecquid Uan chote chuipampic. Pabiate shëcuë choquidën Umbi Chiaid bëdambuen tantiata, quepondash Esus abi datsidadquido chiec.
Aden chuisho tantiash chieshtocuededshobien Esusën naden chuipondash: Nuquin Papan Chiaid nëbi chuisho tantiesabo yec bacuëbo nëishnanacbitsëcquiec tabadquido mibitedi nec. Bacuë abentsëcshun: Umbi shoncanuc shëcshëcquec bidiadtanneta, cac ma mibi shëcshëcquec bidiadtannenquio icboc. Adecbidi cuëdënte uënësquiocquid ubi cuëdënnubi ma mibi shubienquio icboc, quiash bacuëbo cuëdnanec nëishnanacbitsëcquiec ma mibitedi icpayoc. Uan acten mentoanquid pete utsi utsien pesa niondash. Adecbidi acte paë uaid aquesambo niondash. Adquid icsho isash: Podobitsi icsa dapuduedashien nechitec, ma mibitedi quepondac. Adnubini Matsesën Tishaid yec choshon peshun acsho isash: Nua pedenneshun tantiadennuen acte paë uaid acquid nec. Adecbidi icsambocquidobëd icquid yec Doma yacnocquidon chuiquidën: Piucquid aidted bedta, quequin chiacpadec bedshumënquidbëd icquid nec, mibitedishun ubi capec. Adquid icnuc Nuquin Papan tantiamiac aidën chiacpadombuen nabansho issun: Bëdambo iquec, caindac, quepondash Esus.


Adshumbic Esusën shubu dadpen icquid yacno yacnombuec tabadquido cuidte chuibampanëdash. Nëbi shubu dadpen icquid yacno yacnombuen nadatiambo icquin nabanquin dadpen ismebenniombi. Aden ismiaqui: Icsambuen nabuedi Nuquin Papa tantiec bëdambuec tabadtiadquio iquebi, quetiadquidi chieshec adenquio iquec, queshun Esusën naden chuiquin chushcapanëdash: Shubu dadpen icquid Codasin yacnocquidobëta shubu dadpen icquid Betsaida yacnocquido icsho mibitedi Nuquin Papan cuidtequidombo nendac. Umbi nadatiambocquin nabanquin aido ismebocpadombuen ismiac shubu dadpen icquid Tido yacnocquidobëdi shubu dadpen icquid Sidon yacnocquido Nuquin Papa tantiaquid ictsempanëdash. Aden ismiaqui: Ai, icsambuec tabadquid nebi, queshun ismenuen dashcute icsatsëcquid dasiuidash isisapuc masequec shubibudequi icsainquio iquec ënëdtsempanëdash. Nuquin Papan abitedimbo cuidte uëshëmbi: Nadatiambo icquin nabanquin ismiacmaido nec, queshun Tido yacnocquidobëta Sidon yacnocquido bëdiactsëc cuidendac. Adoshombic: Nadatiambo icquin nabanquin ismiaqui mibitedi tantienquio icquido nec, queshun Codasin yacnocquidobëta Betsaida yacnocquido cumapenquien cuidendac. Adembidi nëmbo icquido Capednaun yacnocquidotedi chiec: Nuquin Papa yacno tabadtequido nebi ¿quecta mibitedi ique? Tantia. Chuinu. Ma mibitedi Nuquin Papan chian annëdënquiacno nësecatequidombo nepayoc. Ëndenquimboshë shubu dadpen icquid Sodoma yacnocquido cuidquin Nuquin Papan nibëdanmepampic. Umbi nadatiambocquin nabanquin mibitedi ismebocpadombuen ismiac aidon ambi icsambuen naid ëntsempampic. Aden abi icsaid ënsho Nuquin Papan aido cuidenquio icac nëbi aton matses abi ictsiash. Nuquin Papan matses abitedi cuidte uëshëmbi: Nadatiambocquin nabanquin ismiacmaido nec, queshun Sodoma yacnocquido bëdiactsëc cuidendac. Nuquin Papan Chomiaid icquin umbi ismebuedo Capednaun yacnocquidoen cumapenec sidquenuc cuidendac, quequin abi tantiesabo chuiquin Esusën chushcapanëdash.


Adshumbic Esusën naden Nuquin Papa chuipondash: Papa, mibi bëdamboshë iquec. Mibi yacnocquidon Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi: Cumapenen tantiaquid nebi, quequidombi tantiabi iquec. Adquid icnuc bacuën daëdpactsëc tantiacbimbuen tantiaquido icshobi mimbi tantiamiac. Aden mibi bunacpadombuen mimbi bëdambuen naic. Adquid yec mibi bëdamboshë iquec, Papa, quequin chuipondash Esusën. Adshumbic abi datsidadquido naden chuiuapondash: Cun Pan ambi tantiaidtedi ubi tantiamec. Umbi nabambuedbëta umbi nate abitedi cun Pa abentsëcshunquiobi tantiec utsibon tantienquio icnuc. Adembidi cun Pan nabanaidbëta ambi nate umbentsëqui abitedi tantiembi. Aden tantiaquin: Nëidtedi matses bëdambuen tantiamembi, queshun: Nuquin Papa nadquio iquec, quequin tantiamembi, quepondash Esus.

Adshumbic: Ubi tantiata. Dayacquiocquid yacbimbuecnuc mibi bëdambo icmembique. ¿Mitsipadequibi Nuquin Papa yacno puduedpatsia? quiash uinmambo icbuedëmbi ubi tantiasho Nuquin Papa yacno puduedtequid mibitedi icmembique. Ubi tantiata. Cun Icbo ubi cata. Cun iuambo icquin umbi chiacpadombuen nasho mibi bëdambuen isquin dayacquiocquid icmembi. Adquid icquin mibi ancaisambo nebique. Cun Icbo ubi cata. Adsho mibi bëdambo icmendambi. Mibi ancainquio icquin dayacquio icmequin bëdambuen mibi tabadmembique. Cun Icbo, ubi cata, quequin Esusën chuipondash.

Listen to Mateo 11