Sarnami Hindi - 1997 Edition (NT)

<div class="version vid593 iso6393hns" data-vid="593" data-iso6393="hns">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Ek loendj kaise attjha bhail</div><div class="r">(Markas 2:1-12; Loekaas 5:17-26)</div><div class="p"> 1Ekare baad Jiesoe phien se bot me djaaike habara kaaties aur oe sahar me pahoetjal djaaha oe rahat raha. Tab koetjh manai log ek tjataai par ek loendj ke leike okar paas aail. 2Tab Jiesoe oesabke bieswaas dekhke loendj se bolies kie: &#8222;Beta, hiemmat baanh! Tor paap tjhama hoi gail.&#8221; 3Tab ekaat dharam ke parhal aadmie log apane me sotje lagal kie: &#8222;Ie to Parmeswar ke bedjatie kare hai.&#8221; 4Bakie Jiesoe oesabke sotj-bietjaar djaan gail aur bolies: &#8222;Toelog kaahe ke boeraai sotje hai? 5Kaun tjiedj auro sahadj hai, ie aadmie se bole ke: &#8216;Tor paap tjhama hoi gail,&#8217; kie: &#8216;Oethke aur tjal&#8217;? 6Ham toelogke dekhaab kie iensaan ke Beta ke saktie hai doenia par paap ke tjhama kare ke.&#8221; Oe loendj se bolies kie: &#8222;Oeth aur aapan tjataai leike ghare dja.&#8221; 7Aur aadmie oethke aapan ghare tjal gail.</div><div class="p"> 8Tab djhoend ie dekhke ghabaraai gail aur Parmeswar ke aadar kare lagal kie oe iensaan logan ke aisan saktie deis hai.</div><div class="s">Mateas</div><div class="r">(Markas 2:13-17; Loekaas 5:27-32)</div><div class="p"> 9Hoewa se Jiesoe aur aage gail.</div><div class="p">Tab oe djoetie bhare ke ghar lage ek aadmie ke baithal dekhies. Okar naam Mateas raha. Tab oe ose bolies: &#8222;Aaw tjalie hamaar saath.&#8221; Aur Mateas oethke okare sanghe tjale lagal. 10Tab Jiesoe aur okar tjela log okar ghare gail bhodjan kare. Aur dher baimaan djoetie bharwaawe waalan aur doesar paapie log oesabke saath bhie bhodjan karat raha. 11Tab Fariesie log tjela log se poetjhies: &#8222;Toelogke maastar kaahe ke ie kharaab aadmie aur doesar paapie log ke saath bhodjan kare hai?&#8221; 12Tab Jiesoe ie baat soenke oesabse bolies kie: &#8222;Attjha manai log ke daaktar ke djaroerie na hai, khaalie bemarian ke. 13Parmeswar bolies hai: &#8216;Ham toelogke baliedaan na maangiela, bakie toelog ek doesare ke daaja kar.&#8217; Dja aur ie baat ke matlab siekh. Ham na ailie baatie dharmie logan khaatien, bakie paapie logan khaat.&#8221;</div><div class="s">Dharam ke nem aur Jiesoe ke siektjha</div><div class="p"> 14Ek dien Johaanas dopoe kare waala ke tjela log Jiesoe ke paas aail aur poetjhies kie: &#8222;Maastar djie, hamlog aur Fariesie log kabhie kabhie rodja kie to bhoekha rahiela. Kaahe ke tor tjela log aise na kare hai?&#8221; 15Tab oe bolies: &#8222;Ek biaah me nautaharie log oedaas na howe hai djab lek doelaha oesabke sanghe hai. Aisane hamaar tjela log rodja kie to bhoekha na rahie djab lek ham oesabke saath baatie. Bakie ek dien aaiga kie ham oelogke saath na rahab. Tab oesab rodja kie to bhoekha rahiega.</div><div class="p"> 16Dekh, koi na ek naawa tjaktie ek poeraan kapra par lagaawe hai, nahie to kapra auro phat djaai.</div><div class="p"> 17Aur koi na naawa wien poeraana tjamra ke basta me dhare hai. Poeraan tjamra karer hai aur naawa wien phoeliega. Ie rakam se basta to phat djaai aur wien bahie djaai. Bakie djab naawa wien naawa tjamra ke basta me dharal djaai tab doeno batj djaai.&#8221;</div><div class="s">Ek barkwa ke bietia, aur ek bemaar aurat kaise attjha bhail</div><div class="r">(Markas 5:21-43; Loekaas 8:40-56)</div><div class="p"> 18Jiesoe ie sab baat-tjiet abbe karat raha tab ek partjaar ke ghar ke barkwa okar paas aaike aur aapan gaathie par gierke ose bolies kie: &#8222;Maastar djie, hamaar bietia abbe abbe mar gail. Bakie djab toe aaike aapan haath okare oeppar dhariehe tab oe phien se djie djaaiga.&#8221; 19Tab Jiesoe oethke okar saathe gail aur okar tjela log bhie.</div><div class="p"> 20,21Hoewa par ek aurat raha. Oke baara baries se khoen gierat raha. Oe apane me bietjaar karies kie: &#8222;Djab ham khaalie Jiesoe ke kapra tjhoei leb tab ham attjha hoi djaab.&#8221; Tab oe paatjhe se aaike okar kapra ke djhalarie ke tjhoei leis. 22Tab Jiesoe ghoemke oke taakies aur bolies: &#8222;Betie, hiemmat baanh. Tor bieswaas dwaara toe batj gaile hai.&#8221; Aur oe tem se aurat attjha hoi gail.</div><div class="p"> 23Tab djab Jiesoe barkwa ke ghare pahoetjal aur dekhies kaise manai log baasoerie badjaawe hai aur rona-pietana howe hai, tab oelogse bolies: 24&#8222;Ie larkie na maral bakie soetal hai. Toelog tjal dja.&#8221; Tab oesabhan oke hase lagal. 25Djab sab koi hoewa se niekaaral gail tab Jiesoe bhiettar gail. Bas oe larkie ke haath pakaries aur larkie oeth gail! 26Aur djaun bhail, oe saara diehaat me phail gail.</div><div class="s">Doei andha ke biese me</div><div class="p"> 27Jiesoe hoewa se djaat raha. Tab doei andha okar pietjhe pietjhe tjale lagal. Oesab tjiellaaike bolies kie: &#8222;He raadja Daawied ke Aulaad! Hamlog par daaja kar!&#8221; 28Djab Jiesoe ek ghar me bhiettar gail tab oesab okar lage gail. Tab oe poetjhies: &#8222;Toelog bieswaas kare hai kie ham toelogke attjha kar sakiela?&#8221; Tab oesab bolies: &#8222;Djie-ha, Prabhoe.&#8221; 29Tab oe oesabke aakhie tjhoeike bolies: &#8222;Djaise toelog bieswaas kare hai, oisane howe.&#8221; 30Aur oesab dekhe lagal. Tab Jiesoe oesabke bahoet mienaahie karies kie: &#8222;Koi na djaane paawe!&#8221; 31Bakie oesab djaaike galie galie me tabbo ie baat phailaai deis.</div><div class="s">Ek goenga kaise attjha bhail</div><div class="p"> 32Djab Jiesoe aur okar tjela log hoewa se djaat tab manai log okar paas ek goenga ke laais. Oke bhoet-paret pakaries raha. 33Djaise Jiesoe ie bhoet ke niekaaries, oisane goenga batiaai lagal. Aur manai log atjambho hoike bolies: &#8222;Aisan tjiedj hamlog aapan des me kabhie na dekhlie!&#8221; 34Bakie Fariesie log bolies: &#8222;Ie saktie oke sab se barka saitaan dewe hai.&#8221;</div><div class="s">Kaise Jiesoe ke kaam raha</div><div class="p"> 35Aur aisane Jiesoe sahar sahar aur gaaw gaaw djaat raha aur sagaro partjaar ke ghar me siekhaawat raha. Oe khoes khabar ailaan karat raha kie Parmeswar maange hai manai log ke diel me raadj tjalaawe. Aur oe sab bemarian ke attjha karat raha. 36Djhoend ke dekhke oke bahoet daaja lagat raha. Oesab djaise ek djhoend bhera biena ek tjaraawe waala se bahoet thakal-thoekal dekhaat raha. 37Tab oe aapan tjela log se bolies kie: &#8222;Ie djhoend djaise pakkal dhaan hai. Oke tjaahie kaate ke, bakie kamkartan kamtie hai. 38Parmeswar djaise khet ke maaliek hai. Ohie se praatna kar kie oe kaate waalan ke bhedje ie kaam kare khaatien.&#8221;</div>
 </div>
 </div>
</div>

Ekare baad Jiesoe phien se bot me djaaike habara kaaties aur oe sahar me pahoetjal djaaha oe rahat raha. Tab koetjh manai log ek tjataai par ek loendj ke leike okar paas aail. Tab Jiesoe oesabke bieswaas dekhke loendj se bolies kie: „Beta, hiemmat baanh! Tor paap tjhama hoi gail.” Tab ekaat dharam ke parhal aadmie log apane me sotje lagal kie: „Ie to Parmeswar ke bedjatie kare hai.” Bakie Jiesoe oesabke sotj-bietjaar djaan gail aur bolies: „Toelog kaahe ke boeraai sotje hai? Kaun tjiedj auro sahadj hai, ie aadmie se bole ke: ‘Tor paap tjhama hoi gail,’ kie: ‘Oethke aur tjal’? Ham toelogke dekhaab kie iensaan ke Beta ke saktie hai doenia par paap ke tjhama kare ke.” Oe loendj se bolies kie: „Oeth aur aapan tjataai leike ghare dja.” Aur aadmie oethke aapan ghare tjal gail.
Tab djhoend ie dekhke ghabaraai gail aur Parmeswar ke aadar kare lagal kie oe iensaan logan ke aisan saktie deis hai.


Hoewa se Jiesoe aur aage gail.
Tab oe djoetie bhare ke ghar lage ek aadmie ke baithal dekhies. Okar naam Mateas raha. Tab oe ose bolies: „Aaw tjalie hamaar saath.” Aur Mateas oethke okare sanghe tjale lagal. Tab Jiesoe aur okar tjela log okar ghare gail bhodjan kare. Aur dher baimaan djoetie bharwaawe waalan aur doesar paapie log oesabke saath bhie bhodjan karat raha. Tab Fariesie log tjela log se poetjhies: „Toelogke maastar kaahe ke ie kharaab aadmie aur doesar paapie log ke saath bhodjan kare hai?” Tab Jiesoe ie baat soenke oesabse bolies kie: „Attjha manai log ke daaktar ke djaroerie na hai, khaalie bemarian ke. Parmeswar bolies hai: ‘Ham toelogke baliedaan na maangiela, bakie toelog ek doesare ke daaja kar.’ Dja aur ie baat ke matlab siekh. Ham na ailie baatie dharmie logan khaatien, bakie paapie logan khaat.”

Ek dien Johaanas dopoe kare waala ke tjela log Jiesoe ke paas aail aur poetjhies kie: „Maastar djie, hamlog aur Fariesie log kabhie kabhie rodja kie to bhoekha rahiela. Kaahe ke tor tjela log aise na kare hai?” Tab oe bolies: „Ek biaah me nautaharie log oedaas na howe hai djab lek doelaha oesabke sanghe hai. Aisane hamaar tjela log rodja kie to bhoekha na rahie djab lek ham oesabke saath baatie. Bakie ek dien aaiga kie ham oelogke saath na rahab. Tab oesab rodja kie to bhoekha rahiega.
Dekh, koi na ek naawa tjaktie ek poeraan kapra par lagaawe hai, nahie to kapra auro phat djaai.
Aur koi na naawa wien poeraana tjamra ke basta me dhare hai. Poeraan tjamra karer hai aur naawa wien phoeliega. Ie rakam se basta to phat djaai aur wien bahie djaai. Bakie djab naawa wien naawa tjamra ke basta me dharal djaai tab doeno batj djaai.”


Jiesoe ie sab baat-tjiet abbe karat raha tab ek partjaar ke ghar ke barkwa okar paas aaike aur aapan gaathie par gierke ose bolies kie: „Maastar djie, hamaar bietia abbe abbe mar gail. Bakie djab toe aaike aapan haath okare oeppar dhariehe tab oe phien se djie djaaiga.” Tab Jiesoe oethke okar saathe gail aur okar tjela log bhie.
Hoewa par ek aurat raha. Oke baara baries se khoen gierat raha. Oe apane me bietjaar karies kie: „Djab ham khaalie Jiesoe ke kapra tjhoei leb tab ham attjha hoi djaab.” Tab oe paatjhe se aaike okar kapra ke djhalarie ke tjhoei leis. Tab Jiesoe ghoemke oke taakies aur bolies: „Betie, hiemmat baanh. Tor bieswaas dwaara toe batj gaile hai.” Aur oe tem se aurat attjha hoi gail.
Tab djab Jiesoe barkwa ke ghare pahoetjal aur dekhies kaise manai log baasoerie badjaawe hai aur rona-pietana howe hai, tab oelogse bolies: „Ie larkie na maral bakie soetal hai. Toelog tjal dja.” Tab oesabhan oke hase lagal. Djab sab koi hoewa se niekaaral gail tab Jiesoe bhiettar gail. Bas oe larkie ke haath pakaries aur larkie oeth gail! Aur djaun bhail, oe saara diehaat me phail gail.

Jiesoe hoewa se djaat raha. Tab doei andha okar pietjhe pietjhe tjale lagal. Oesab tjiellaaike bolies kie: „He raadja Daawied ke Aulaad! Hamlog par daaja kar!” Djab Jiesoe ek ghar me bhiettar gail tab oesab okar lage gail. Tab oe poetjhies: „Toelog bieswaas kare hai kie ham toelogke attjha kar sakiela?” Tab oesab bolies: „Djie-ha, Prabhoe.” Tab oe oesabke aakhie tjhoeike bolies: „Djaise toelog bieswaas kare hai, oisane howe.” Aur oesab dekhe lagal. Tab Jiesoe oesabke bahoet mienaahie karies kie: „Koi na djaane paawe!” Bakie oesab djaaike galie galie me tabbo ie baat phailaai deis.

Djab Jiesoe aur okar tjela log hoewa se djaat tab manai log okar paas ek goenga ke laais. Oke bhoet-paret pakaries raha. Djaise Jiesoe ie bhoet ke niekaaries, oisane goenga batiaai lagal. Aur manai log atjambho hoike bolies: „Aisan tjiedj hamlog aapan des me kabhie na dekhlie!” Bakie Fariesie log bolies: „Ie saktie oke sab se barka saitaan dewe hai.”

Aur aisane Jiesoe sahar sahar aur gaaw gaaw djaat raha aur sagaro partjaar ke ghar me siekhaawat raha. Oe khoes khabar ailaan karat raha kie Parmeswar maange hai manai log ke diel me raadj tjalaawe. Aur oe sab bemarian ke attjha karat raha. Djhoend ke dekhke oke bahoet daaja lagat raha. Oesab djaise ek djhoend bhera biena ek tjaraawe waala se bahoet thakal-thoekal dekhaat raha. Tab oe aapan tjela log se bolies kie: „Ie djhoend djaise pakkal dhaan hai. Oke tjaahie kaate ke, bakie kamkartan kamtie hai. Parmeswar djaise khet ke maaliek hai. Ohie se praatna kar kie oe kaate waalan ke bhedje ie kaam kare khaatien.”

Listen to Mateas 9