Sea Island Creole English: De Nyew Testament

De Nyew Testament

<div class="version vid585 iso6393gul" data-vid="585" data-iso6393="gul">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="m"> 1One day wiles Jedus beena laan de people an da preach de Good Nyews, de leada dem ob de Jew priest dem, de Jew Law teacha dem an de oda Jew leada dem come ta Jedus. 2Dey aks um say, &#8220;Tell we, wa gii ya de right fa do dem ting yah? Who dat gii ya de tority?&#8221;</div><div class="p"> 3Jedus ansa um say, &#8220;Leh me aks oona one queshon too. Oona tell me, 4wen John wa Bactize people been come yah, who dat gim de right fa bactize. Tell me, God gim de tority, or de people gim de tority?&#8221;</div><div class="p"> 5Dey staat fa aagy mongst deysef say, &#8220;Wa we gwine ansa um? Ef we say &#8216;God gii John de tority fa bactize people,&#8217; e gwine say, &#8216;Well den, hoccome oona ain bleebe um?&#8217; 6Bot ef we say &#8216;People gii John dat tority,&#8217; all dem people yah gwine chunk stone pon we, cause dey bleebe fa true dat John been a prophet.&#8221; 7So dey ansa Jedus, say dey ain know who dat gii John de tority fa bactize people.</div><div class="p"> 8Jedus tell um say, &#8220;Well den, A ain needa gwine tell oona who dat gii me de tority fa do dem ting yah.&#8221;</div><div class="s">De Paable Bout de Wickity Wokman dem</div><div class="r"> Matthew 21:33-46; Mark 12:1-12</div><div class="p"> 9Jedus tell de people one paable say, &#8220;One time one man plant some grapewine pon e faam. E hire some wokman fa tek cyah ob de faam an den e gone way ta noda country, an e stay dey a long time. 10Wen de time come fa de grape haabis, de owna sen a saabant ta e faam fa fetch e share ob de haabis. Bot de wokman dem wa cyah fa e faam beat dat man wa de owna sen. Dey sen um back dout nottin. 11De owna sen noda saabant fa fetch e share. Dey beat dat man too an shame um. Den dey sen um back wid nottin. 12De owna sen still noda man. Dem wa cyah fa de faam beat dat one til dey hut um fa true, an dey chunk um off de faam. 13De faam owna say, &#8216;Wa A gwine do now? A gwine sen me own deah son wa A lob. Dey gwine show hona ta me son.&#8217; 14Bot wen dem wa cyah fa de faam see de owna son come, dey all taak togeda say, &#8216;Dis de owna son. Dis propaty yah gwine be lef ta um. Leh we kill um so dat de propaty gwine come ta we.&#8217; 15Den dey chunk de owna son off de faam, an dey kill um.</div><div class="p">&#8220;Now den,&#8221; Jedus aks de people say, &#8220;Wa dat faam owna gwine do ta dem wokman? 16E gwine come an kill dem, an e gwine gii e faam ta oda wokman dem.&#8221;</div><div class="p">Wen de people yeh wa Jedus say, dey say, &#8220;Fa sho, dat mus dohn happen!&#8221;</div><div class="p"> 17Jedus look scraight at um an aks um say, &#8220;Well den, oona tell me wa dey mean wen dey write een God Book say,</div><div class="q">&#8216;De same stone dat de builda dem chunk out,</div><div class="q2">dat de stone wa come fa be portant mo den all de oda res.&#8217;</div><div class="p"> 18&#8220;De poson wa faddown pon dis stone yah gwine broke op all e bone dem. An wen dis stone faddown pon a poson, e gwine mash um all op.&#8221;</div><div class="s">De Queshon Bout Tax</div><div class="r"> Matthew 22:15-22; Mark 12:13-17</div><div class="p"> 19Now, dem Law teacha an dem priest leada ondastan dat Jedus been tell dat paable ginst dem. So dat same time, dey try fa ketch Jedus an hole um. Bot dey ain ketch um cause dey been scaid ob de people dey. 20So dey beena watch Jedus fa try fa ketch um. Dey pay some man dem, sen um ta Jedus. De tell dem man fa mek like dey mean wa dey say fa true, an chaage um fa aks Jedus schemy queshon. Dey plan fa tek de wod wa Jedus ansa fa ketch um, say e taak bad ting. Den dey kin go cuse Jedus an tek um ta de Roman gobna, wa hab tority an powa fa jedge um. 21De man dem wa dey beena pay fa ketch Jedus come ta um fa aks um schemy queshon. Dey tell Jedus say, &#8220;Teacha, we know wa ya da say an laan we, e right fa true. We know ya da look pon all people de same. Fa true ya da teach God way.&#8221; 22Den dey aks um say, &#8220;E right fa we fa pay tax ta de Roman rula Caesar? Wa de Jew Law say bout dat?&#8221;</div><div class="p"> 23Bot Jedus obareach um. E been know dey beena try fa ketch um een e wod. So e chaage um say, 24&#8220;Show me a coin.&#8221; Wen dey show um dat money, e aks um say, &#8220;Who dat hab e face an e name pon dis coin yah?&#8221;</div><div class="p">Dey ansa Jedus say, &#8220;Dat Caesar face an name dey.&#8221;</div><div class="p"> 25Jedus say, &#8220;Well den, mus gii Caesar dat wa blongst ta Caesar an gii God wa blongst ta God.&#8221;</div><div class="p"> 26So den wid all de people dey, dem man ain been able fa ketch Jedus een none ob de wod wa e say. Wen Jedus ansa um so, dey been stonish down an dey hush op dey mout.</div><div class="s">Dem wa Lib Gin Cyahn Dead No Mo</div><div class="r"> Matthew 22:23-33; Mark 12:18-27</div><div class="p"> 27Some Sadducee come ta Jedus. De Sadducee dem bleebe dat dead people ain gwine git op fom mongst de dead an lib gin. 28Dey aks Jedus say, &#8220;Teacha, Moses write law fa we say, &#8216;Ef a man dead an lef e wife an ain hab no chullun, de man broda mus marry de wida ooman fa hab chullun een de name ob de man wa done pass oba.&#8217; 29One time dey been seben broda. De fus one marry an e pass oba. E ain lef no chullun. 30De nex broda marry e broda wida ooman. An dat broda pass oba an ain lef no chullun fa e dead broda. 31Den de nex broda marry de wida ooman an e pass oba. De same ting happen ta all de seben broda dem. Dey all marry dat ooman, one atta de oda, an dey all pass oba an ain hab no chullun. 32Las ob all, de wida ooman esef pass oba. 33All seben broda done marry dat ooman. So den, tell we, wen de time come wen de dead people gwine git op fom mongst de dead an lib gin, who dat gwine hab dat ooman fa e wife?&#8221;</div><div class="p"> 34Jedus ansa de Sadducee dem say, &#8220;Yah een dis wol de people da git marry op. 35Bot atta dey pass oba, de people dem wa God see fit fa mek um git op fom mongst de dead an lib gin, dey ain fa be marry. 36Dey gwine be like de angel dem, an dey cyahn dead no mo. Dey God chullun, cause dey done been dead bot now dey done git op fom mongst de dead an lib gin. 37Moses eben show dat dem wa done dead git op fom de grabe an lib gin. E show dat dey een God Book, weh e write down bout de bush dat beena bun. Dey dey e call de Lawd &#8216;de God ob Abraham, de God ob Isaac, an de God ob Jacob.&#8217; 38E de God ob dem wa da lib. E ain no God ob dead people. Cause ta God all people da lib.&#8221;</div><div class="p"> 39Some de Law teacha dem tell Jedus say, &#8220;Teacha, dat a good ansa!&#8221; 40Atta dat, de people been scaid fa aks Jedus oda queshon.</div><div class="s">Who de Messiah Da?</div><div class="r"> Matthew 22:41-46; Mark 12:35-37</div><div class="p"> 41Jedus aks um say, &#8220;Hoccome people say dat de Messiah gwine be de chile ob David chullun chullun? 42Cause David done write down een de book ob Psalms say,</div><div class="q">&#8216;De Lawd tell me Lawd say,</div><div class="q2">seddown yah ta me right han side</div><div class="q"> 43til A pit ya enemy dem ondaneet ya foot.&#8217;</div><div class="m"> 44David call de Messiah &#8216;Lawd.&#8217; So den how de Messiah kin be David son?&#8221;</div><div class="s">Jedus Waan Ginst de Law Teacha Dem</div><div class="r"> Matthew 23:1-36; Mark 12:38-40</div><div class="p"> 45Wiles all de people beena listen, Jedus taak ta e ciple dem. 46E say, &#8220;Oona mus be on de watch fa de Law teacha dem. Dey like fa waak roun een dey long robe fa mek people say dey a big leada. An dey lob fa go ta de maakut place weh plenty people geda, so dat de people kin gim hona. Wen dey go ta de Jew meetin house, dey lob fa seddown een de bes seat. An wen dey go ta de feas, dey lob fa seddown een de place weh de big leada dem seddown. 47Dem Law teacha yah tek oba wida ooman propaty an tief all dey got. An den dey stanop da pray long time so dat people kin say dey good people fa true! God gwine punish dem mo den e gwine punish oda people.&#8221;</div><div class="s">De Wida Ooman Wa Gii All E Money ta God</div><div class="r"> Mark 12:41-44</div>
 </div>
 </div>
</div>

One day wiles Jedus beena laan de people an da preach de Good Nyews, de leada dem ob de Jew priest dem, de Jew Law teacha dem an de oda Jew leada dem come ta Jedus. Dey aks um say, “Tell we, wa gii ya de right fa do dem ting yah? Who dat gii ya de tority?”
Jedus ansa um say, “Leh me aks oona one queshon too. Oona tell me, wen John wa Bactize people been come yah, who dat gim de right fa bactize. Tell me, God gim de tority, or de people gim de tority?”
Dey staat fa aagy mongst deysef say, “Wa we gwine ansa um? Ef we say ‘God gii John de tority fa bactize people,’ e gwine say, ‘Well den, hoccome oona ain bleebe um?’ Bot ef we say ‘People gii John dat tority,’ all dem people yah gwine chunk stone pon we, cause dey bleebe fa true dat John been a prophet.” So dey ansa Jedus, say dey ain know who dat gii John de tority fa bactize people.
Jedus tell um say, “Well den, A ain needa gwine tell oona who dat gii me de tority fa do dem ting yah.”


Jedus tell de people one paable say, “One time one man plant some grapewine pon e faam. E hire some wokman fa tek cyah ob de faam an den e gone way ta noda country, an e stay dey a long time. Wen de time come fa de grape haabis, de owna sen a saabant ta e faam fa fetch e share ob de haabis. Bot de wokman dem wa cyah fa e faam beat dat man wa de owna sen. Dey sen um back dout nottin. De owna sen noda saabant fa fetch e share. Dey beat dat man too an shame um. Den dey sen um back wid nottin. De owna sen still noda man. Dem wa cyah fa de faam beat dat one til dey hut um fa true, an dey chunk um off de faam. De faam owna say, ‘Wa A gwine do now? A gwine sen me own deah son wa A lob. Dey gwine show hona ta me son.’ Bot wen dem wa cyah fa de faam see de owna son come, dey all taak togeda say, ‘Dis de owna son. Dis propaty yah gwine be lef ta um. Leh we kill um so dat de propaty gwine come ta we.’ Den dey chunk de owna son off de faam, an dey kill um.
“Now den,” Jedus aks de people say, “Wa dat faam owna gwine do ta dem wokman? E gwine come an kill dem, an e gwine gii e faam ta oda wokman dem.”
Wen de people yeh wa Jedus say, dey say, “Fa sho, dat mus dohn happen!”
Jedus look scraight at um an aks um say, “Well den, oona tell me wa dey mean wen dey write een God Book say,
‘De same stone dat de builda dem chunk out,
dat de stone wa come fa be portant mo den all de oda res.’
“De poson wa faddown pon dis stone yah gwine broke op all e bone dem. An wen dis stone faddown pon a poson, e gwine mash um all op.”


Now, dem Law teacha an dem priest leada ondastan dat Jedus been tell dat paable ginst dem. So dat same time, dey try fa ketch Jedus an hole um. Bot dey ain ketch um cause dey been scaid ob de people dey. So dey beena watch Jedus fa try fa ketch um. Dey pay some man dem, sen um ta Jedus. De tell dem man fa mek like dey mean wa dey say fa true, an chaage um fa aks Jedus schemy queshon. Dey plan fa tek de wod wa Jedus ansa fa ketch um, say e taak bad ting. Den dey kin go cuse Jedus an tek um ta de Roman gobna, wa hab tority an powa fa jedge um. De man dem wa dey beena pay fa ketch Jedus come ta um fa aks um schemy queshon. Dey tell Jedus say, “Teacha, we know wa ya da say an laan we, e right fa true. We know ya da look pon all people de same. Fa true ya da teach God way.” Den dey aks um say, “E right fa we fa pay tax ta de Roman rula Caesar? Wa de Jew Law say bout dat?”
Bot Jedus obareach um. E been know dey beena try fa ketch um een e wod. So e chaage um say, “Show me a coin.” Wen dey show um dat money, e aks um say, “Who dat hab e face an e name pon dis coin yah?”
Dey ansa Jedus say, “Dat Caesar face an name dey.”
Jedus say, “Well den, mus gii Caesar dat wa blongst ta Caesar an gii God wa blongst ta God.”
So den wid all de people dey, dem man ain been able fa ketch Jedus een none ob de wod wa e say. Wen Jedus ansa um so, dey been stonish down an dey hush op dey mout.


Some Sadducee come ta Jedus. De Sadducee dem bleebe dat dead people ain gwine git op fom mongst de dead an lib gin. Dey aks Jedus say, “Teacha, Moses write law fa we say, ‘Ef a man dead an lef e wife an ain hab no chullun, de man broda mus marry de wida ooman fa hab chullun een de name ob de man wa done pass oba.’ One time dey been seben broda. De fus one marry an e pass oba. E ain lef no chullun. De nex broda marry e broda wida ooman. An dat broda pass oba an ain lef no chullun fa e dead broda. Den de nex broda marry de wida ooman an e pass oba. De same ting happen ta all de seben broda dem. Dey all marry dat ooman, one atta de oda, an dey all pass oba an ain hab no chullun. Las ob all, de wida ooman esef pass oba. All seben broda done marry dat ooman. So den, tell we, wen de time come wen de dead people gwine git op fom mongst de dead an lib gin, who dat gwine hab dat ooman fa e wife?”
Jedus ansa de Sadducee dem say, “Yah een dis wol de people da git marry op. Bot atta dey pass oba, de people dem wa God see fit fa mek um git op fom mongst de dead an lib gin, dey ain fa be marry. Dey gwine be like de angel dem, an dey cyahn dead no mo. Dey God chullun, cause dey done been dead bot now dey done git op fom mongst de dead an lib gin. Moses eben show dat dem wa done dead git op fom de grabe an lib gin. E show dat dey een God Book, weh e write down bout de bush dat beena bun. Dey dey e call de Lawd ‘de God ob Abraham, de God ob Isaac, an de God ob Jacob.’ E de God ob dem wa da lib. E ain no God ob dead people. Cause ta God all people da lib.”
Some de Law teacha dem tell Jedus say, “Teacha, dat a good ansa!” Atta dat, de people been scaid fa aks Jedus oda queshon.


Jedus aks um say, “Hoccome people say dat de Messiah gwine be de chile ob David chullun chullun? Cause David done write down een de book ob Psalms say,
‘De Lawd tell me Lawd say,
seddown yah ta me right han side
til A pit ya enemy dem ondaneet ya foot.’
David call de Messiah ‘Lawd.’ So den how de Messiah kin be David son?”


Wiles all de people beena listen, Jedus taak ta e ciple dem. E say, “Oona mus be on de watch fa de Law teacha dem. Dey like fa waak roun een dey long robe fa mek people say dey a big leada. An dey lob fa go ta de maakut place weh plenty people geda, so dat de people kin gim hona. Wen dey go ta de Jew meetin house, dey lob fa seddown een de bes seat. An wen dey go ta de feas, dey lob fa seddown een de place weh de big leada dem seddown. Dem Law teacha yah tek oba wida ooman propaty an tief all dey got. An den dey stanop da pray long time so dat people kin say dey good people fa true! God gwine punish dem mo den e gwine punish oda people.”

Listen to Luke 20