If you have would like a copy of this version please contact info@davarpartners.org

The Acholi Old Testament

<div class="version vid559 iso6393ach" data-vid="559" data-iso6393="ach">
 <div class="book bkGEN">
 <div class="chapter ch40" data-usfm="GEN.40">
 <div class="label">40</div><div class="s1">Yucepu ogonyo te lek pa lumabuc</div><div class="p"> 1Ka kare okato, latyer ko&#331;o vino pa kabaka me Ejipt ki lated mugatine gubalo i nyime. 2Kiniga&#8217; omako Parao i kom ludito ticce aryo-nu, ladit latyer ko&#331;o vino ki ladit me tedo mugati, 3ci oketogi i ot pa ladit ma loyo askari lukur-piny po gwokogi, i ot mabuc ma Yucepu bene gitweye iye-ni. 4Ladit ma loyo askari lukur-piny oketogi i ci&#331; Yucepu, en okurogi; ka gitweyogi i ot kol kare mo. 5Ci guleko lek i nino acel, latyer ko&#331;o vino ki lated mugati pa kabaka me Ejipt, ma gitweyogi i ot mabuc; &#331;at acel acel oleko gire lekke, kun lek acel acel tye ki tyen lokke. 6Ka Yucepu obino botgi odiko, ci onenogi kun gitye ki cwercwiny. 7Ci openyo ludito tic aryo pa Parao ma gitye kwede i ot kol i ot pa laditte, ni, &#8220;Tin wa&#331;wu oballe woko pi&#331;o?&#8221; 8Gugamo ni, &#8220;Tin waleko lek, ci pe tye dano mo ma gonyowa te lekke.&#8221; Yucepu owacogi ni, &#8220;Pe Luba&#331;a gire aye lagony tere? Ko&#331; wutitta lekke mono.&#8221;</div><div class="p"> 9Ci latyer ko&#331;o vino ocako tito lekke bot Yucepu, kun wacce ni, &#8220;I wa&#331; lekka ono&#331;o olok tye i nyima, 10olok ono&#331;o tye ki ja&#331;e adek; ka pud oluro me keto: ture, ci onyak, olugo ocek woko. 11Ka amako kikopo pa Parao i ci&#331;a, ci a&#331;olo nyige, abiyo i kikopo, ka amiyo kikopo i ci&#331; Parao.&#8221; 12Yucepu ogamo, owacce ni, &#8220;Man aye te lekke: ja&#331;e adek-ki, meno nino adek; 13i nino me adekke Parao biti&#331;i ci dwoki i dog ticci, ci dok&#8217; ibimiyo kikopo pa Parao i ci&#331;e kit macon ca, kit macalo con i kare ma in latyer ko&#331;o vinone, 14Ento ber ipo pira ka do&#331; idok i dog ticci; alegi ni in bene itima ber do, itit pira bot Parao, wek gigonya woko ki i ot man, 15Pien yam gikwala akwala ki i lobo pa jo Ibru; man bene dok giketa kany i ot kol no&#331;o ma pe abalo gin mo.&#8221;</div><div class="p"> 16Ka ladit me tedo mugati oneno ni gigonyo te lek maber, en owaco ki Yucepu ni, &#8220;An bene ono&#331;o aleko lekka: ono&#331;o adodo aduku adek i wiya. 17I aduku mamalone ca ono&#331;o tye iye lwak kit gin ma gitedo ducu pi Parao, ento winyo obedo ka camogi woko ki i aduku ma tye i wiya-ni.&#8221; 18Yucepu ogamo ni, &#8220;Man aye te lekke: aduku adek en aye nino adek; 19i nino me adekke Parao biti&#331;i malo, ci bi&#331;abi i kom yat, ka winyo gibicamo ri&#331;o komi woko.&#8221;</div><div class="p"> 20Ka nino adek oromo, en aye nino ma ginywalo iye Parao, ci otedo karama ki luticce ducu, ci Parao okelo ladit latyer kono yino kacel ki ladit lated mugati i nyim luticce. 21Odwoko ladit latyer ko&#331;o vino i dog ticce me tyero ko&#331;o vino, ci oti&#331;o kikopo pa Parao omiyo i ci&#331;e; 22ento o&#331;abo: ladit lated mugati malo i kom yat kit ma nene Yucepu ogonyo kwede te lekgi. 23Ento ladit latyer ko&#331;o vino pe omedo ki po pi Yucepu, wiye owil woko i kome matwa!&#8217;</div>
 </div>
 </div>
</div>

Acholi Bible © Bible Society of Uganda, 1985.

Ka kare okato, latyer koŋo vino pa kabaka me Ejipt ki lated mugatine gubalo i nyime. Kiniga’ omako Parao i kom ludito ticce aryo-nu, ladit latyer koŋo vino ki ladit me tedo mugati, ci oketogi i ot pa ladit ma loyo askari lukur-piny po gwokogi, i ot mabuc ma Yucepu bene gitweye iye-ni. Ladit ma loyo askari lukur-piny oketogi i ciŋ Yucepu, en okurogi; ka gitweyogi i ot kol kare mo. Ci guleko lek i nino acel, latyer koŋo vino ki lated mugati pa kabaka me Ejipt, ma gitweyogi i ot mabuc; ŋat acel acel oleko gire lekke, kun lek acel acel tye ki tyen lokke. Ka Yucepu obino botgi odiko, ci onenogi kun gitye ki cwercwiny. Ci openyo ludito tic aryo pa Parao ma gitye kwede i ot kol i ot pa laditte, ni, “Tin waŋwu oballe woko piŋo?” Gugamo ni, “Tin waleko lek, ci pe tye dano mo ma gonyowa te lekke.” Yucepu owacogi ni, “Pe Lubaŋa gire aye lagony tere? Koŋ wutitta lekke mono.”
Ci latyer koŋo vino ocako tito lekke bot Yucepu, kun wacce ni, “I waŋ lekka onoŋo olok tye i nyima, olok onoŋo tye ki jaŋe adek; ka pud oluro me keto: ture, ci onyak, olugo ocek woko. Ka amako kikopo pa Parao i ciŋa, ci aŋolo nyige, abiyo i kikopo, ka amiyo kikopo i ciŋ Parao.” Yucepu ogamo, owacce ni, “Man aye te lekke: jaŋe adek-ki, meno nino adek; i nino me adekke Parao bitiŋi ci dwoki i dog ticci, ci dok’ ibimiyo kikopo pa Parao i ciŋe kit macon ca, kit macalo con i kare ma in latyer koŋo vinone, Ento ber ipo pira ka doŋ idok i dog ticci; alegi ni in bene itima ber do, itit pira bot Parao, wek gigonya woko ki i ot man, Pien yam gikwala akwala ki i lobo pa jo Ibru; man bene dok giketa kany i ot kol noŋo ma pe abalo gin mo.”
Ka ladit me tedo mugati oneno ni gigonyo te lek maber, en owaco ki Yucepu ni, “An bene onoŋo aleko lekka: onoŋo adodo aduku adek i wiya. I aduku mamalone ca onoŋo tye iye lwak kit gin ma gitedo ducu pi Parao, ento winyo obedo ka camogi woko ki i aduku ma tye i wiya-ni.” Yucepu ogamo ni, “Man aye te lekke: aduku adek en aye nino adek; i nino me adekke Parao bitiŋi malo, ci biŋabi i kom yat, ka winyo gibicamo riŋo komi woko.”
Ka nino adek oromo, en aye nino ma ginywalo iye Parao, ci otedo karama ki luticce ducu, ci Parao okelo ladit latyer kono yino kacel ki ladit lated mugati i nyim luticce. Odwoko ladit latyer koŋo vino i dog ticce me tyero koŋo vino, ci otiŋo kikopo pa Parao omiyo i ciŋe; ento oŋabo: ladit lated mugati malo i kom yat kit ma nene Yucepu ogonyo kwede te lekgi. Ento ladit latyer koŋo vino pe omedo ki po pi Yucepu, wiye owil woko i kome matwa!’

Listen to Acakki 40